न्‍यायाधीस 1:29 - Sunuwar Bible

²⁹ एफ्राइम आ थर ङा मुरपुकीमी यो गेजेर सहरमी बाक्‍ब कनानी आन कली मखेरमे बाक्‍त। मेकोपुकी गेना हना यो गेजेरमी बाक्‍मा बाक्‍त। यहोसु १६:१०

न्‍यायाधीस 1:29 ပူးပေါင်းရင်းမြစ်များ

१ राजा 9:15

पिप सोलोमनम पपाइश्‍शो गेय मार मार बाक्‍त देंशा हना, परमप्रभु यावे आ खिं, आ बाक्‍तीक खिं, मिल्‍लो माइश्‍शो बोल्‍यो दरवार, यरूसलेम ङा गारो, हासोर, मेगीददो नु गेजेर सहर सेल्‍पदा बाक्‍त।

१ राजा 9:16

इजीप्‍त ङा पिप फाराओम गेजेर सहर कली लडाइ तोशा ग्राशा, मेकेर मी सुइश्‍शो बाक्‍माक्‍‍त। मेकोम मेकेर बाक्‍ब कनानी आन कली साइश्‍शा, मेको सहर आ तमी, सोलोमन आ मीश कली दाइजो गेशो बाक्‍माक्‍त। यहोसु १६:१०; १राजा ३:१

यहोसु 10:33

मेना गेजेर ङा पिप होराम लाकीश कली वारच पथ जाक्‍त। मिनु यहोसुमी मेको नु आ लडाइ पाइब नेल्‍ल आन कली फ्रु‍शा, का कली यो मप्रोंइथु, ग्‍याइश्‍शा साइक्‍तु।

यहोसु 16:10

तन्‍न मेकोपुकीमी गेजेर सहरमी बाक्‍ब कनानी आन कली मखेरेम। मोपतीके कनानीपुकी मुल सम्‍म एफ्राइम आ मुर आन दातेमी बाक्‍नीम। मेकोपुकी वाइलीम वाइल दुम्‍शा बाक्‍शो बाक्‍नीम। न्‍यायाधीस १:२९; १राजा ९:१६

न्‍यायाधीस 1:28

नोले इस्राएलीपुकी बोल्‍यो दुम्‍शा, मेको आन कली वाइलीम वाइल सेल्‍ना सेल्‍न बाक्‍मा बाक्‍त। तन्‍न मेको आन कली गेनायो मखेरमे बाक्‍त।

न्‍यायाधीस 1:30

जबूलून आ थर ङा मुरपुकीमी कित्रोन नु नहलोल सहरमी बाक्‍ब कनानी आन कली मखेरमे बाक्‍त। मिनु कनानी जबूलून ङा मुर आन दातेमी बाक्‍शा, आन वाइलीम वाइल दुम्‍मा बाक्‍त। यहोसु १९:१५