न्‍यायाधीस 1:27 - Sunuwar Bible

²⁷ मनस्‍से आ थर ङा मुरपुकीमी बेथ-शेआन, तानाक, डोर, इब्‍लाम नु मेगीददो ङा मुर आन कली नु मेकेर ङा गाउं ङा मुर आन कली मखेरमे बाक्‍त। मारदे हना कनानीपुकीमी मेकेर बाक्‍चा थुं पामे बाक्‍त। यहोसु १७:११-१३

न्‍यायाधीस 1:27 ပူးပေါင်းရင်းမြစ်များ

१ राजा 9:21

इस्राएलीपुकीमी मेको रागीम लीशो मेको आन चच युइ आन कली काइ मवोइक्‍थु साइक्‍ने मचाप्‍शो बाक्‍मा बाक्‍त। सोलोमनमी मेको आन कली गेय पाइब वाइल सेल्‍शा वोइक्‍मी बाक्‍त। मेको मुल सम्‍म मोपान बाक्‍शो बाक्‍नीम। यहोसु १६:१०

२ राजा 23:29

पिप योसीयाहम सासन पवा ना इजीप्‍त ङा पिप फाराओ नेको अस्‍सुर ङा पिप नु लडाइ पचा कली युफ्रेटीस खोला गे लमाक्‍त। मिनु पिप योसीयाह फाराओ नेको नु लडाइ पचा कली मेकेर लमाक्‍त। तन्‍न नेकोम योसीयाह नु लडाइ पा मेको कली मेगीददोम सदा बाक्‍त।

२ राजा 9:27

मिनु यहूदा ङा पिप अहाज्‍याह मेको तशा, बेथ-हाग्‍गान लतीक लां गे प्रोक्‍माक्‍त। मिनु येहू मेको आ नो‍नोले खेदा पना पन लशा “मेरे कली यो सतीन” देंमाक्‍त। मिनु मेको कली इब्‍लाम ङा गुर ङा ग्‍येत्‍थ लतीक लांम आप्‍शा गार सेल्‍मे बाक्‍त। तन्‍न मेको प्रोक्‍शा मेगीददोम जाक्‍दीम्‍माक्‍त। मिनु मेक उइ बेक्‍माक्‍त। २इतिहास २२:७-९

प्रस्‍थान 23:32

गे मेकोपुकी नु मेको आन देवी देवता नु कबल मपमुने। प्रस्‍थान ३४:१२

येरमीया 48:10

सु सुमी परमप्रभु यावे आ गेय देश पा पाइनीमी, मेको सराप राइनीम। आंम तरवार कली हुश ख्राक्‍श पोक्‍तीके रे तेक्‍ब सराप राइ‍नीमी।

ब्‍यवस्‍था 7:2

मिनु परमप्रभु यावे, इन परमप्रभुमी मेको आन कली इन गुइमी जिम्‍मा गेप्‍तु हना, गे मेको नेल्‍ल आन कली साइक्‍चा माल्‍नीनी। मेकोपुकी नु कबल मपने। मिनु शिशी यो मपने।

यहोसु 21:25

मनस्‍से आ उइक्‍थ थर रे पा तानाक नु गाथ-रिम्‍मोन सहर निक्‍शी नु आन बी ब्‍यफ, क्‍यारश भेडा योव़तीक रू ताम्‍तेक्‍म।

न्‍यायाधीस 1:1

यहोसु बेक्‍म नोले इस्राएलीपुकीमी परमप्रभु यावे कली “ङोंइती आंइ दाते ङा तेको थरमी कुशा, कनानी आन कली लडाइ तोचा?” दे हिल्‍लो पामे बाक्‍त। उत्‍पत्ती ४९:८; न्‍यायाधीस १८:५; न्‍यायाधीस २०:१८; प्रस्‍थान २८:३०; गन्‍ती २७:२१

न्‍यायाधीस 1:21

तन्‍न बेन्‍यामीन आ थर ङा मुरपुकीमी यरूसलेम ङा यबुसी आन कली मखेरमे बाक्‍त। मोपतीके यबुसीपुकी मुलाक्‍त सम्‍म यरूसलेममी बेन्‍यामीन आ थर ङा मुरपुकी नु बाक्‍नीम। न्‍यायाधीस १:८; यहोसु १५:६३; यहोसु १८:२८

न्‍यायाधीस 1:26

मिनु मेको लां कोंइब मुर हित्ती आन रागी लमाक्‍त। मिनु मेकेर सहर का सेल्‍शा, मेको सहर आ नें लूज वोदा बाक्‍त। मेको सहर कली मुलाक्‍त सम्‍म लूज देंनीम।

न्‍यायाधीस 1:28

नोले इस्राएलीपुकी बोल्‍यो दुम्‍शा, मेको आन कली वाइलीम वाइल सेल्‍ना सेल्‍न बाक्‍मा बाक्‍त। तन्‍न मेको आन कली गेनायो मखेरमे बाक्‍त।

न्‍यायाधीस 5:19

कनान ङा पिपपुकी लडाइ पा जाक्‍तेक्‍म। मेगीददो आ नेक्‍था तानाक सहरमी लडाइ पाम्‍तेक्‍म। तन्‍न चांदी नु अरु रोइश्‍शो मारेइ यो लाइक्‍चा मताम।

१ सामुएल 15:9

सावल नु मेको आ लडाइ पाइबपुकीमी पिप अगाग आ रिम्‍शो भेडापुकी, बी ब्‍यफ, दोम्‍शो बस्‍तु भाव, पाठापुकी नु वोइक्‍चा ङा मारेइ मारेइ प्रोंइशा वोदमे बाक्‍त। मेकोपुकीम मेको आन कली खतम पोक्‍चा मदाक्‍तमे बाक्‍त।

१ सामुएल 31:10

मेकोपुकीम सावल आ यापुकी अश्‍तारोथ माइश्‍शो मूर्ति पाइश्‍शो थाम आ खिंमी वोदमे बाक्‍त। मिनु मेको आ बेक्‍शो रां बेथ-शान ङा गारोम किला थोक्‍शा क्‍युक्‍शा वोदमे बाक्‍त। ब्‍यवस्‍था २१:२२-२३