न्‍यायाधीस 1:23 - Sunuwar Bible

²³ मेकोपुकीमी बेथेलमी क्‍यारी पाइब मुर सोइक्‍तमे बाक्‍त। ङोंइती बेथेल आ नें लूज बाक्‍माक्‍त। उत्‍पत्ती २८:१९; यहोसु १२:१६

न्‍यायाधीस 1:23 ပူးပေါင်းရင်းမြစ်များ

उत्पत्ती 28:19

मिनु मेको बाक्‍तीके कली बेथेल नें वोदा बाक्‍त। ङोंइती मेको सहर आ नें लूज बाक्‍माक्‍त।

उत्पत्ती 35:6

मिनु लशा, याकूब नु मेको नु बाक्‍ब मुर नेल्‍ल कनान रागी ङा लूज सहर जाक्‍दीम्‍मा बाक्‍त। लूज सहर कली बेथेल नें वोइश्‍शो बाक्‍माक्‍त।

उत्पत्ती 48:3

मिनु याकूबमी योसेफ कली “नेल्‍ल सक्ति पाइश्‍शो परमप्रभुमी कनान रागी ङा लूज सहरम ग्रूशा, आं कली आसीक गेती। उत्‍पत्ती २८:१७-१९

यहोसु 16:1

मिनु योक्‍शा गेशो योसेफ आ खिं खिं ङा मुर आन रागी तेको तेको बाक्‍तेक्‍म देंशा हना, यरीको आ नेक्‍था ङा यर्दन रे यरीको खोला आ पूर्ब रे ग्‍येत्‍थ लाइब गोरशो रागी लाक्‍शा, बेथेल ङा पहाड रागी सम्‍म बाक्‍त। उत्‍पत्ती ४९:२२

यहोसु 16:2

बेथेल कली लूज यो देंनीम। मेकेर रे अरकी आ मुर आन रागी लाक्‍शा, अतारोथ सम्‍म जाक्‍दीश्‍शो बाक्‍त।

यहोसु 18:13

मेकेर रे मेको सांद दक्‍खिन ङा लूज ङा देम्‍सीलो लाक्‍शा, अतारोथ-अदार आ आइदी जाक्‍दीश्‍शो बाक्‍त। लूज कली बेथेल यो देंनीम। मेको आ दक्‍खिन गे जाक्‍दीश्‍शा, आइदी बेथ-होरोन आ दक्‍खिन गे ङा पहाड रे पा लुक्‍च लशो बाक्‍त। उत्‍पत्ती १२:८; उत्‍पत्ती २८:१९

यहोसु 2:1

मिनु नून आ तौ यहोसुमी, सुइम मतुइक्‍चा ङा पा, शित्तीम रे मुर निक्‍शी क्‍यारी पथ सोइक्‍ताक्‍व। मिनु यहोसुमी मेको आस कली “मेको रागी नु यरीको नेल्‍ल क्‍यारी पथ लस” देंत। मिनु मेको निक्‍शी मेकेर जाक्‍दीश्‍शा, राहाब माइश्‍शो तेल्‍लेम आ खिंमी बास बाक्‍सा बाक्‍त। मत्ती १:५; हिब्रू ११:३१; याकूब २:२५

यहोसु 7:2

मिनु यहोसुमी यरीको रे बेथेल आ पूर्ब बेथ-आवेन आ नेक्‍था ऐ सहरमी मुर आन कली सोइक्‍ताक्‍व। मिनु मेको आन कली “गेपुकी मेक लशा, मेको रागी कली क्‍यारी पन” दे माइक्‍तु। मिनु मेको मुरपुकी लशा, मेको ऐ सहर कली क्‍यारी पाम्‍तेक्‍म।

न्‍यायाधीस 1:22

योसेफ आ थर ङा मुरपुकीमी बेथेल नु लडाइ पचा कली लमा बाक्‍त। परमप्रभु यावे योसेफ आ थर ङा मुरपुकी नु बाक्‍माक्‍‍त।

न्‍यायाधीस 18:2

मोपतीके दान आ थर ङा मुरपुकीमी सोराह नु एश्‍ताओल रे ५ जना मुर आन कली क्‍यारी पथ सोइक्‍त्‍मे बाक्‍त। मिनु मेको आन कली “लन, मिनु मेको रागी कली क्‍यारी पन” देंमा बाक्‍त। मिनु मेकोपुकी एफ्राइम आ पहाडी रागी, मीकाह आ खिंमी जाक्‍शा, बास बाक्‍मा बाक्‍त। न्‍यायाधीस १३:२५