न्‍यायाधीस 1:22 - Sunuwar Bible

²² योसेफ आ थर ङा मुरपुकीमी बेथेल नु लडाइ पचा कली लमा बाक्‍त। परमप्रभु यावे योसेफ आ थर ङा मुरपुकी नु बाक्‍माक्‍‍त।

न्‍यायाधीस 1:22 ပူးပေါင်းရင်းမြစ်များ

उत्पत्ती 49:24

तन्‍न आ लिब्रा बोल्‍यो बाक्‍ब, आ गुइ बोल्‍यो बाक्‍नीम। सक्ति पाइश्‍शो याकूब आ परमप्रभु, इस्राएल आ गोठला नु सेरथे फुल्‍लुम, मेको कली वारच पाप्‍तु। ब्‍यवस्‍था ३२:१८

२ राजा 18:7

मिनु परमप्रभु यावे मेको नु बाक्‍माक्‍त। मेको आ पशो गेय नेल्‍लेमी रिम्‍शो दुम्‍माक्‍त। मेको अस्‍सुर ङा पिप कली मटीब दुम्‍माक्‍त। मिनु मेको आ देंशो मपवा बाक्‍त।

१ इतिहास 7:29

मनस्‍से आ मुर आन सांद बेथ-शेआन नु आ एर ओंथ ङा सहर, तानाक नु आ एर ओंथ ङा सहर, मेगीददो नु आ एर ओंथ ङा सहर नु डोर नु आ एर ओंथ ङा सहर बाक्‍मा बाक्‍त। मेको सहर नेल्‍लेम इस्राएल आ तौ योसेफ आ चच युइ बाक्‍शो बाक्‍मा बाक्‍त। यहोसु १७:११

गन्‍ती 1:10

योसेफ आ तौ एफ्राइम आ थर रे अम्‍मीहुद आ तौ एली-शामा, योसेफ आ तौ मनस्‍से आ थर रे पेदा-सुर आ तौ गमलीएल, १इतिहास ७:२६; उत्‍पत्ती ४८:५

गन्‍ती 1:32

योसेफ आ तौ एफ्राइम आ थर ङा आन खिं खिं ङा २० बर्स गाप्‍शो नु मेको क्‍येङा लाक्‍शो लडाइम लने चाप्‍ब वोंइश मुर नेल्‍ल आन नें ब्रेक्‍ताक्‍म।

यहोसु 14:4

मिनु योसेफ आ तौ मनस्‍से नु एफ्राइम निक्‍शी थर बाक्‍ताक्‍स। तन्‍न लेवी आन कली रागी काइ मगेमे बाक्‍त। मेकोपुकी बाक्‍चा कली सहरपुकी नु मेको आन बी ब्‍यफ, क्‍यारश भेडा योव़चा कली इच्‍का रू ला तामे बाक्‍त। यहोसु २१:-

यहोसु 8:12

मिनु ङोंइती यहोसुमी ५ हजार लडाइ पाइब आन कली लाइश्‍शा, ऐ क्‍येङा पच्‍छिम गे बेथेल नु ऐ आस दातेम बाप्‍चा कली वोइक्‍तु।

प्रकाश 7:8

जबूलून आ थर रे १२ हजार, योसेफ आ थर रे १२ हजार नु बेन्‍यामीन आ थर रे १२ हजार मुरपुकी छाप थोक्‍चा पुंइसीशो बाक्‍तेक्‍म।

न्‍यायाधीस 1:19

मिनु परमप्रभु यावेमी यहूदा आ थर ङा मुर आन कली वारच पतीके मेकेर ङा पहाडी रागी नेल्‍ल आंम के सेल्‍मे बाक्‍त। तन्‍न मेकोपुकीमी दिंम ङा मुर आन कली खेरने मचाप्‍‍बमे बाक्‍त। मारदे हना मेकोपुकी नु फलाम के बग्‍गी बाक्‍मा बाक्‍त।

न्‍यायाधीस 1:21

तन्‍न बेन्‍यामीन आ थर ङा मुरपुकीमी यरूसलेम ङा यबुसी आन कली मखेरमे बाक्‍त। मोपतीके यबुसीपुकी मुलाक्‍त सम्‍म यरूसलेममी बेन्‍यामीन आ थर ङा मुरपुकी नु बाक्‍नीम। न्‍यायाधीस १:८; यहोसु १५:६३; यहोसु १८:२८

न्‍यायाधीस 1:23

मेकोपुकीमी बेथेलमी क्‍यारी पाइब मुर सोइक्‍तमे बाक्‍त। ङोंइती बेथेल आ नें लूज बाक्‍माक्‍त। उत्‍पत्ती २८:१९; यहोसु १२:१६