न्‍यायाधीस 1:21 - Sunuwar Bible

²¹ तन्‍न बेन्‍यामीन आ थर ङा मुरपुकीमी यरूसलेम ङा यबुसी आन कली मखेरमे बाक्‍त। मोपतीके यबुसीपुकी मुलाक्‍त सम्‍म यरूसलेममी बेन्‍यामीन आ थर ङा मुरपुकी नु बाक्‍नीम। न्‍यायाधीस १:८; यहोसु १५:६३; यहोसु १८:२८

न्‍यायाधीस 1:21 ပူးပေါင်းရင်းမြစ်များ

१ राजा 9:21

इस्राएलीपुकीमी मेको रागीम लीशो मेको आन चच युइ आन कली काइ मवोइक्‍थु साइक्‍ने मचाप्‍शो बाक्‍मा बाक्‍त। सोलोमनमी मेको आन कली गेय पाइब वाइल सेल्‍शा वोइक्‍मी बाक्‍त। मेको मुल सम्‍म मोपान बाक्‍शो बाक्‍नीम। यहोसु १६:१०

१ इतिहास 1:14

मेको निक्‍शी रे यबुसी, एमोरी, गिरगाशी,

१ इतिहास 11:4

मिनु दाऊद नु इस्राएल ङा लडाइ पाइब नेल्‍ले यरूसलेम लमा बाक्‍त। मेको यबुस सहर बाक्‍माक्‍त। मेकेर यबुसी बाक्‍शो बाक्‍मा बाक्‍त।

१ इतिहास 8:28

मेको आन पाला ङा खिं खिं ङा मुर आन ठेयब मुर बाक्‍मा बाक्‍त। मिनु यरूसलेम सहरम बाक्‍शो बाक्‍मा बाक्‍त।

२ इतिहास 8:8

आन चच युइ इस्राएल रागीम लीशो बाक्‍मा बाक्‍त। मारदे हना मेको आन कली मसाइक्‍थु, ब्रोंइचा गेशो बाक्‍मा बाक्‍त। मिनु सोलोमनम मेको आन कली वाइल सेल्‍शा, गेय पपदा बाक्‍त। मेको मुल सम्‍म मोदेंशोन बाक्‍नीम। यहोसु १६:१०

भजन संग्रह 106:34

मिनु मेकोपुकीमी परमप्रभु यावे आ देंशो खोदेंशो पा जात जात ङा मुर आन कली मसदमे बाक्‍त। ब्‍यवस्‍था ७:१२; ब्‍यवस्‍था १२:२-३; न्‍यायाधीस १:२८; न्‍यायाधीस २:२३-३:६

यहोसु 15:63

तन्‍न यहूदा आ खिं ङा मुरपुकीमी यरूसलेम सहरमी बाक्‍ब यबुसी आन कली खेरने मचबेम। मोपतीके एको यबुसीपुकी मुलाक्‍त सम्‍म यरूसलेममी यहूदा आ खिं ङा मुरपुकी नु काथा बाक्‍नीम। यहोसु १८:२८; २सामुएल ५:६-७

न्‍यायाधीस 1:22

योसेफ आ थर ङा मुरपुकीमी बेथेल नु लडाइ पचा कली लमा बाक्‍त। परमप्रभु यावे योसेफ आ थर ङा मुरपुकी नु बाक्‍माक्‍‍त।

न्‍यायाधीस 1:27

मनस्‍से आ थर ङा मुरपुकीमी बेथ-शेआन, तानाक, डोर, इब्‍लाम नु मेगीददो ङा मुर आन कली नु मेकेर ङा गाउं ङा मुर आन कली मखेरमे बाक्‍त। मारदे हना कनानीपुकीमी मेकेर बाक्‍चा थुं पामे बाक्‍त। यहोसु १७:११-१३

न्‍यायाधीस 1:8

यहूदा आ थर ङा मुरपुकीमी यरूसलेम कली लडाइ पा ग्राशा, आंम के सेल्‍मे बाक्‍त। मेकोपुकीमी मेकेर ङा मुर आन कली तरवारमी क्‍योरशा सदमे बाक्‍त। मिनु सहर कली मी सुइक्‍त्‍मे बाक्‍त। न्‍यायाधीस १:२१