न्‍यायाधीस 1:18 - Sunuwar Bible

¹⁸ यहूदा आ थर ङा मुरपुकीमी गाजा, अश्‍कलोन, एक्रोन सहर नु मेको आ नेक्‍था बाक्‍शो रू नेल्‍ल आंम के सेल्‍मे बाक्‍त।

न्‍यायाधीस 1:18 ပူးပေါင်းရင်းမြစ်များ

१ राजा 4:24

मारदे हना मेकोम युफ्रेटीस खोला आ पच्‍छिम गे ङा रागी तिफ्‍साह रे गाजा सम्‍म युफ्रेटीस खोला आ पच्‍छिम गे बाक्‍ब पिप नेल्‍ल आन कली सासन पशो बाक्‍माक्‍त। मेको आ राज्‍य नेल्‍ल लडाइ मदुम्‍थु थुं नाइश्‍शा बाक्‍शो बाक्‍मा बाक्‍त।

प्रस्‍थान 23:31

गो इन रागी लल समुन्‍द्र रे पलिस्‍ती आन ठेयब समुन्‍द्र सम्‍म नु गोरशो रागी रे युफ्रेटीस खोला सम्‍म दुम्‍पाइक्‍नुङ। मिनु गो मेको रागी ङा मुर इन कली जिम्‍मा गेनुङ। मिनु गे मेको आन कली खेरनीनी। उत्‍पत्ती १५:१८

येरमीया 25:20

मेकेर बाक्‍ब अर्को रागी ङा मुर नेल्‍ले, ऊज रागी ङा पिप नेल्‍ले, पलिस्‍ती आन पिप नेल्‍ले, अश्‍कलोन, गाजा, एक्रोन नु अश्‍दोद सहरम लीशा बाक्‍शो मुर नेल्‍ल आन कली,

येरमीया 47:5

गाजाम रोंका पचा कली आ चां प्रेक्‍शो बाक्‍ब। अश्‍कलोन खतम दुम्‍शा, सिक्‍सी पाइब। गे लीशो अनाकीमपुकी गेना सम्‍म इन रां चेंइसीनीनी?” देंशो बाक्‍ब।

ब्‍यवस्‍था 2:23

मिनु मेको मोदेंशो पा गाजा ङा काफ्‍तोर सहर रे जाक्‍शो काफ्‍तोरीपुकीमी आव्‍वीम सहर ङा मुर आन कली साइक्‍तेक्‍म। मिनु मेको आन बाक्‍तीकेमी बाक्‍तेक्‍म’ देंत। उत्‍पत्ती १०:१४; यहोसु १३:३

यहोसु 11:22

इस्राएली आन रागीमी अनाकीम ङा मुर का सम्‍म यो मलीम। गाजा, गाथ नु अश्‍दोदमी का निक्‍शी ला लीतेक्‍म। १सामुएल १७:४; २सामुएल २१:२२

यहोसु 13:3

इजीप्‍त रागी ङा पूर्ब ङा शीहोर खोला रे लाइश्‍शा इजीप्‍त आ उत्तर ङा एक्रोन सम्‍म लीशो बाक्‍तेक्‍म। मेको नेल्‍ल कनानी आन रागी बाक्‍ब। मिनु पलिस्‍ती आन ५ जना सासन पाइब आन सहर गाजा, अश्‍दोद, अश्‍कलोन, गाथ नु एक्रोन लीशो बाक्‍नी‍म। मिनु दक्‍खिन ङा आव्‍वीम ङा मुर आन रागी यो लीशो बाक्‍त।

यहोसु 15:11

मेको सांद लेंशा एक्रोन आ उत्तर गे जाक्‍दीश्‍शो बाक्‍त। मिनु शिक्‍केरोन सहरमी जाक्‍दीश्‍शा, बालाह डांडा लाक्‍शा, यब्‍नेलमी जाक्‍दीश्‍शो बाक्‍त। मेको सांद समुन्‍द्र सम्‍म बाक्‍त।

न्‍यायाधीस 14:19

मिनु परमप्रभु यावे आ सोक्‍तीम सिम्‍सोन कली ठेयब सक्तिम सुमा बाक्‍त। मिनु मेको अश्‍कलोन सहरमी लशा, मेकेर ३० जना मुर साइक्‍मी बाक्‍त। मिनु मेको आन के मार मार थोव़क नु वा पिश्‍शा, मेको लोव़ लेप्‍ब आन कली शुश क्‍येट लाइब फेक्‍तीक वा गेवा बाक्‍त। मिनु सिम्‍सोन गाइश्‍शा, आ आफ आ खिं लेम्‍माक्‍त।

न्‍यायाधीस 16:21

मिनु पलिस्‍तीपुकीमी मेको कली ग्‍याइश्‍शा, आ मिक्‍च पुक्‍तमे बाक्‍त। मिनु गाजा सहरम चाक्‍गमे बाक्‍त। मिनु कांसा के साङलोमी पाइश्‍शा जेल्‍खानमी यात हिल्‍पदमे बाक्‍त।

न्‍यायाधीस 3:3

मेको तेको तेको जात बाक्‍मा बाक्‍त देंशा हना, ५ जना हुकुम पाइब पलिस्‍ती, कनानी नेल्‍ले, सीदोन ङा मुर नेल्‍ले नु बाल-हेरमोन डांडा रे लाइश्‍शा, लेबानोन ङा पहाडम लेबो-हमाथ सम्‍म बाक्‍ब हिव्‍वीपुकी बाक्‍मा बाक्‍त। यहोसु १३:३

१ सामुएल 6:17

मिनु मेको पलिस्‍तीपुकीम मेको आन दोस आ पर्बम परमप्रभु यावे कली सोइश्‍शो सुन के कान मार कली बाक्‍मा बाक्‍त देंशा हना, अश्‍दोद कली का, गाजा कली का, अश्‍कलोन कली का, गाथ कली का नु एक्रोन कली का बाक्‍मा बाक्‍त।