न्‍यायाधीस 1:16 - Sunuwar Bible

¹⁶ मोसा आ शिउ आ खिं ङा होबाब आ चच युइ, केनीपुकी नु यहूदा ङा मुरपुकी खजूर रवा आ सहर रे पा आराद सहर आ नेक्‍था ङा नेगेबमी बाक्‍शो यहूदा ङा गोरशो रागीमी लमा बाक्‍त। मिनु मेकेर बाक्‍ब अमालेक ङा मुरपुकी नु बाक्‍चा गोव़मे बाक्‍त। न्‍यायाधीस ४:११; गन्‍ती १०:२९; यहोसु १२:१४

न्‍यायाधीस 1:16 ပူးပေါင်းရင်းမြစ်များ

१ इतिहास 2:15

जन्‍तरे ओसेम नु कान्‍छा दाऊद बाक्‍मा बाक्‍त। १सामुएल १७:१२

१ इतिहास 2:55

याबेस सहरम बाक्‍ब मेको आन खिं खिं ङा मुर तिराथी, शिमेआथ आ खिं ङा मुरपुकी नु सुकाथी बाक्‍मा बाक्‍त। मेको हम्‍माथ सहर रे जाक्‍शो केनी बाक्‍मा बाक्‍त। मेको आन किकी पिपी रेकाब बाक्‍माक्‍त। येरमीया ३५:-

२ इतिहास 28:16

मेना पिप आहाजम अस्‍सुर ङा पिप कली “वारच पाइक्‍की” दे पुंइथ मुर सोइक्‍ता बाक्‍त।

प्रस्‍थान 18:1

मिनु मिदयान रागी ङा नाक्‍सो मोसा आ शिउ यित्रोमी परमप्रभुमी मोसा नु इस्राएली आन पर्बम मार मार पवा नु परमप्रभु यावेमी मेको आन कली इजीप्‍त रागी रे दोपा ग्रुंइदा, मेको नेल्‍ल नेना बाक्‍त। प्रस्‍थान ३:१

प्रस्‍थान 18:12

मिनु मोसा आ शिउमी परमप्रभु कली चोशा चढ़ेतीक नु अरु चढ़ेतीक यो चढ़ेप्‍तु। मिनु हारून नु इस्राएल ङा मुर आन खाल्‍पा नेल्‍ल मोसा आ शिउ नु परमप्रभु कली मान पा ठेयब सेल्‍शा जाम्‍तेक्‍म। उत्‍पत्ती ३१:५४

प्रस्‍थान 18:27

मिनु मोसामी आ शिउ कली लचा गेप्‍तु। मिनु मेको आ रागी लेत्‍त।

प्रस्‍थान 18:7

मिनु मोसा आ शिउ ग्रुम्‍थ जाक्‍शा, सेउ पशा, पुक्‍पु पशा “दोपा बाक्‍नी” दे ताम्‍बुम ओंइताक्‍व।

प्रस्‍थान 3:1

मेना मोसा आ शिउ आ क्‍यारश भेडा योव़थ ल‍त। आ शिउ रूएल आ नें यित्रो यो बाक्‍माक्‍त। यित्रो चहिं मिदयान रागी ङा नाक्‍सो का बाक्‍माक्‍त। मोसामी क्‍यारश भेडा आन कली गोरशो रागी ङा नां पेरतीके गे योव़तु। मोपा योव़ना योव़न, होरेब माइश्‍शो परमप्रभु आ डांडा आ नेक्‍था जाक्‍दीत्‍‍त। प्रेरित ७:३०-३४

प्रस्‍थान 4:18

मिनु मोसा आ शिउ, यित्रो आ खिं लशा, मेको कली “इजीप्‍त रागीम बाक्‍शो आं लोक्‍ब आन कली ग्रुम्‍थ लचा गेयीनी। बेक्‍मा कों, ब्रोंइमा, गो तुइक्‍चा दाक्‍ती” दे पुंइतु। मिनु यित्रोमी “इ थुं नाइश्‍शा, लावो” देंत। प्रस्‍थान ३:१

येरमीया 35:2

मार, लोव़ पाप्‍तु देंशा हना “गे रेकाबी आन खिं लशा, मेकोपुकी नु लोव़ पावो। मेको आन कली परमप्रभु यावे आ खिं ङा कोठा कामी ओंइदीमी। मिनु मेको आन कली अङगुर शांबु ख्रेत्‍तीमी” देंत। १इतिहास २:५५

गन्‍ती 21:1

मिनु नेगेबम बाक्‍ब कनानी आराद ङा पिपम इस्राएली अथारीम ङा लां रे पा पिना पिन बाक्‍नीम, देंशो लोव़ नेंतु। मिनु मेकोमी इस्राएली नु लडाइ पा, इस्राएली का निक्‍शी आन कली ग्‍याइक्‍ताक्‍व। गन्‍ती १४:४४,४५; न्‍यायाधीस १:११-१५

मत्ती 3:1

मेना ब्‍वाक्‍कुमी ख्रुम्‍शा ग्रुंइब यूहन्‍ना यहूदीया ङा गोरशो रागीम बाक्‍शा लूका १:१३

ब्‍यवस्‍था 34:3

नेगेब नु दिंम, मेको यरीको ङा दिंम बाक्‍ब। खजूर रवा आ सहर यरीको रे सोआर सम्‍म कोंइताक्‍व। इतिहास २८:१५

ब्‍यवस्‍था 34:4

मिनु परमप्रभु यावेमी मेको कली “इन चच युइ आन कली गेनुङ, दे अब्राहाम इसहाक नु याकूब नु कसम जशो रागी एकोन बाक्‍ब। गो एको इ कली कोंइतन। तन्‍न गे मेकेर लचा मताइनेवे” देंत। उत्‍पत्ती १२:७

यहोसु 12:14

होरमा ङा पिप, आराद ङा पिप, न्‍यायाधीस १:१७; गन्‍ती २१:१

यहोसु 18:21

बेन्‍यामीन आ खिं खिं ङा मुरपुकीमी तेको तेको सहर ताम्‍तेक्‍म देंशा हना, यरीको, बेथ-होग्‍ला, एमेक-केसीस,

न्‍यायाधीस 1:15

मिनु अकसामी “आं कली मारेइ गेनीनी कों? गे आं कली नेगेबमी रू गेतीनी। मोपतीके मुल आं कली ब्‍वाक्‍कु बुक्‍तीक पाइश्‍शो रू यो गेने” देंमाक्‍त। मिनु कालेबमी मेको कली आइदी नु आइक्‍था ङा ब्‍वाक्‍क बुक्‍तीके निक्‍शी गेवा बाक्‍त।

न्‍यायाधीस 3:13

मिनु एग्‍लोनमी अम्‍मोनी नु अमालेक ङा मुर आन कली लडाइ पचा कली खुप्‍तीमी बाक्‍त। मिनु इस्राएली नु लडाइ पचा गोव़मे बाक्‍त। मिनु खजूर रवा बाक्‍शो सहर आंम के सेल्‍मे बाक्‍त। न्‍यायाधीस १:३६

न्‍यायाधीस 4:11

मिनु केनी ङा मुर, मोसा आ शिउ होबाब आ चच युइ बाक्‍मा बाक्‍त। केनी हेबेर चहिं केनी आन दाते रे ब्राशो बाक्‍माक्‍त। मोपा ब्राशा, केदेश सहर आ नेक्‍था एलोन-बे-सा-अना‍नीममी बाक्‍शो ठेयब रवा आ नेक्‍था जाक्‍दीश्‍शा, आ ताम्‍बु कीशा बाक्‍शो बाक्‍माक्‍त। न्‍यायाधीस १:१६; गन्‍ती १०:२९

न्‍यायाधीस 4:17

सीसेरा चहिं खोइलीमी प्रोक्‍ना प्रोक्‍न, केनी हेबेर आ मीश याएल आ ताम्‍बुमी जाक्‍माक्‍त। मारदे हना हासोर ङा पिप याबीन नु केनी हेबेर ङा मुरपुकी लडाइ मपथु, वारच दुम्‍शो बाक्‍मा बाक्‍त।

१ सामुएल 15:6

मेना सावलम केनी ङा मुर आन कली “अमालेकी आन कली प्रोंइशा उइ यिने, दे लोव़ सोइक्‍ता बाक्‍त। मो मपाइतीनी हना, गो इन कली नु मेको आन कली खतम पोक्‍नुङ। मारदे हना इस्राएली इजीप्‍त रे ग्रूशा पिमानु, गेपुकीमी वारच पाइश्‍शो ननी” देंमाक्‍त। मोपतीके केनी ङा मुरपुकी अमालेकी आन कली प्रोंइशा, उइ ब्रुम्‍मा बाक्‍त। न्‍यायाधीस १:१६

१ सामुएल 27:10

मिनु अकीशमी मेको कली “मुलाक्‍त गे ते रोइक्‍तीनी” दे हिल्‍लो पाइ‍क्‍बाक्‍माक्‍त। मिनु मेकोमी “यहूदा रागी ङा नेगेब, येराहमेल आ मुर आन नेगेब नु केनी आन नेगेबम रोइक्‍ताक्‍क” देंबाक्‍माक्‍त।

१ सामुएल 30:29

राकाल सहर, येराहमेल आ मुर आन सहरम बाक्‍ब आन कली, केनी आन सहरम बाक्‍ब आन कली, १सामुएल २७:१०