याकूब 5:3 - Sunuwar Bible

³ इन सुन चांदी नेल्‍ल खिया जोशो बाक्‍ब। मेको खियामी इन कली “मरिम्‍शो मुर” दे कोंइब। सुन चांदी कली खिया जोशो खोदेंशो पा इन रां कली मीम दाक्‍ब। गे क्‍येट शुश हेंताक्‍नी।

याकूब 5:3 ပူးပေါင်းရင်းမြစ်များ

उत्पत्ती 31:48

मिनु लाबानमी “एको फुल्‍लु खुप्‍तीके मुलाक्‍ती इस पशो कबल आ सांकछी बाक्‍ब” देंमाक्‍त। मोपतीके मेको कली गलेद देंनीम। गलेद आ अर्थ सांकछी ङा फुल्‍लु खुप्‍तीके बाक्‍ब। यहोसु २४:२७

उत्पत्ती 31:52

एको खुप्‍शो फुल्‍लु गो रे इ बाक्‍तीके, गे रे आं बाक्‍तीके श्‍येत गेथ मलमल।

उत्पत्ती 49:1

मिनु याकूबमी आ तौ आन कली ब्रेश्‍शा मेको आन कली “नोले इन कली मार मार दुम्‍बा, नेंचा कली एकेर बुक्‍कीन।

अय्‍युब 16:8

मेकोम आं कली रोम्‍पाइक्‍ती। मिनु एको आं पर्बम सांकछी दुम्‍शो बाक्‍ब। गो रुश नु कुशुल ला लीशो बाक्‍नुङ। एको यो आं पर्बम सांकछी दुम्‍शो बाक्‍ब।

यसैया 2:2

नोले ङा नाक्‍ती परमप्रभु यावे आ खिं सेल्‍शो डांडा, डांडा नेल्‍ल आन क्‍येङा लाइश्‍शो दुम्‍ब। पहाड नेल्‍ल आन क्‍येङा यो लाइश्‍शो दुम्‍ब। मिनु रागी रागी ङा मुर नेल्‍ले मेको डांडाम जाक्‍नीम। मीका ४:१-३; यसैया १९:२३; येरमीया ३:१७

येरमीया 19:9

मेको आन कली आन तमी तौ आन श्‍ये ब्‍वपाइक्‍नुङमी। सहर पुम्‍तीके मुर नेल्‍ल आन नेक्‍था ङा मुर आन श्‍ये ब्‍‍वाइनीम। आन जोरी सत्रु नु मेको आन कली साइक्‍चा माल्‍ब आन गेशो श्‍येतम मोदेंशो पाइनीम। लेवी २६:२९; ब्‍यवस्‍था २८:५३

मीका 3:3

गेपुकीमी आं मुर आन श्‍ये ब्‍वाइतीनी। मेको आन कुशुल उक्‍तीनी। मिनु रुश टुक्रा टुक्रा पा जिक्‍तीनी। मिनु बोसुम क्‍येतीक श्‍ये खोदेंशो पा मेको आन कली टुक्रा टुक्रा पा चेक्‍‍तीनी” देंती। भजन संग्रह १४:४

मीका 4:1

मिनु नोले डांडा नेल्‍ल आन क्‍येङा परमप्रभु यावे आ खिं बाक्‍शो डांडा लाइश्‍शो दुम्‍ब। मिनु मेको नेल्‍ल आन क्‍येङा ग्‍येत्‍थ लाइब बाक्‍ब। मिनु शुश मुर मेकेर लाइ‍नीम। यसैया २:२-४

प्रेरित 2:17

‘परमप्रभु यावेमी रागी नुप्‍ची नाक्‍त मुर नेल्‍ल आन कली आं सोक्‍तीम प्रिंनुङमी। मिनु इन तमी तौपुकीमी आं लोव़ पाइनीम। ठिटापुकीमी आं कोंइशो ताइनीमी, खाल्‍पापुकीमी ङोमु ताइनीम।

रोमी 2:5

इन थुं परमप्रभु यावे गे मलेत्‍तीके परमप्रभु यावे आ गाइश्‍शो तेम्‍नीनी। मिनु आ ठीक निसाफ पची नाक्‍त शुश सजाइ ताइनीनी।

२ तिमोथी 2:17

मेको आन लोव़ राक्‍शो गार खोदेंशो बाक्‍ब। हीमेनेयस नु फिलेतस मेको आन दातेमी बाक्‍नीस। १तिमोथी १:२०

यहोसु 24:27

मिनु यहोसुमी मुर नेल्‍ल आन कली “कोव़ङीन, एको फुल्‍लु आंइ सांकछी बाक्‍ब। परमप्रभु यावेमी आंइ कली देंशो लोव़ नेल्‍ल एको फुल्‍लुमी यो तुइश्‍शो बाक्‍ब। मोपतीके गेपुकीमी इन परमप्रभु कली प्रोंइतीनी हना, गे जोल पाइब बाक्‍नीनी, दे एको फुल्‍लु सांकछी बाक्‍ब” देंत। यहोसु २२:२७; उत्‍पत्ती ३१:४८

२ पत्रुस 3:3

नोले ङा नाक्‍त शुक्‍शी पाइबपुकी जाक्‍नीमी, दे तुइक्‍चा माल्‍नीनी। मेकोपुकीमी शुक्‍शी पा, आंम दला दाक्‍स पाइनीम। १तिमोथी ४:१; यहूदा:१८

प्रकाश 17:16

मेको इ तशो १० ओटा ग्रोव़ नु मेको ठेयब जन्‍तु मेको तेल्‍लेम आ जोरी सत्रु दुम्‍नीम। मेको कली श्‍येत गेशा, आ फेक्‍शो वा प्रुइक्‍नीम। मिनु आ श्‍ये ब्‍वाइनीम। मिनु आ लीशो नेल्‍ले मीम चोइनीम।

प्रकाश 20:15

सु सु आन नें ब्रोंइतीक किताबमी मब्रेक्‍शो बाक्‍मे, मेको हुरुर पा ब्रशो मीमी हुम्‍चा पुंइसाक्‍म।

प्रकाश 21:8

तन्‍न मुर तशा हिंबपुकी, परमप्रभु यावे कली थमा मसुइक्‍बपुकी, पापमी ग्रुम्‍शोपुकी, मुर आन कली साइक्‍बपुकी, तेल्‍लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्‍ल गन्‍धक रे हुरुर पा ब्रशो मीमी हुम्‍चा पुंइसीनीम। मिनु मेको नोले ङा बेक्‍तीक बाक्‍ब” दे माइक्‍ती।