याकूब 5:20 - Sunuwar Bible

²⁰ मेको मुरुमी मेको मटीब मुर कली बेक्‍चा रे प्रोंइब। मिनु मेको के शुश पाप बाक्‍त हना यो, क्‍याम्‍सीब, दे मेकोमी तुइक्‍चा माल्‍ब। भजन संग्रह ५१:१५; हितोपदेस १०:१२; १पत्रुस ४:८

याकूब 5:20 ပူးပေါင်းရင်းမြစ်များ

भजन संग्रह 32:1

सु सु आन हेंथे पशो क्‍याम्‍चा पुंइसीशो बाक्‍मा, मेको ग्‍येरसीशो मुर बाक्‍नीम। मारदे हना आन पाप सुम्‍शो बाक्‍ब। रोमी ४:६-८

हितोपदेस 10:12

मुर आन कली काइ मदाक्‍शोनु, जिचा बोक्‍ब। मुर आन कली दाक्‍शोनु चहिं, आन मरिम्‍शो पशो नेल्‍ल सुम्‍सीब। १पत्रुस ४:८

हितोपदेस 10:2

परमप्रभु यावे कली मटिथु, चेम्‍शो शोंप शोर गाक्‍ब। सु ठीक पाइब बाक्‍मे मेको बेक्‍तीक रे ब्रोंइ‍ब।

हितोपदेस 11:30

ठीक पाइब मुर आन पतीके ब्रोंइचा गेब रवा खोदेंशो बाक्‍ब। तन्‍न हुश ख्राक्‍श पोक्‍बमी मुर आन कली साइक्‍ब। हितोपदेस ३:१८

हितोपदेस 11:4

गाइश्‍शो नाक्‍ती शुश शोंप शोर गाक्‍शो दुम्‍‍ब। तन्‍न ठीक प‍तीकेमी बेक्‍तीक रे प्रोंइब। लूका १२:२०; हितोपदेस १०:२

हितोपदेस 17:9

सुमी अरु आन मरिम्‍शो पशो सुम्‍‍बा, मेकोम वारच सेल्‍ब। तन्‍न मुर आन मरिम्‍शो पशो देंना देंन बाक्‍बमी वारच आन कली फ्राब।

यूहन्‍ना 5:24

नोफा दाइश्‍शा नेनीन, सुमी आं लोव़ नेंबा नु आं कली सोइक्‍ब आं आफ परमप्रभु यावे कली थमा सुइक्‍बा, मेको गेना हना यो ब्रोंइशा बाक्‍चा ताइब। सजाइ मताइब। मारदे हना बेक्‍शो रे गेना हना यो ब्रोंइशा बाक्‍चा ताइब। यूहन्‍ना ३:१६-१८

रोमी 11:14

मारदे हना अर्को रागी ङा मुर आन कली थमा सुइश्‍शो तशा, आं जात ङा मुर का निक्‍शीमी यो रुश पा थमा सुइक्‍नीमी कों, दे आस पा बाक्‍ती।” १कोरिन्‍थी ९:२०-२२; १तिमोथी ४:१६

१ कोरिन्‍थी 1:21

परमप्रभु यावेमी मुर आन जोक्‍तीक तुइक्‍तीक रे आंम कली मतुइक्‍पांइसे। परमप्रभु यावेम आ दाक्‍शो पा, आंइ मूर्ख लोव़ नेंपाइक्‍ब। मिनु मेको लोव़म थमा सुइक्‍ब आन कली पाप रे ब्रोंइचा गेब।

१ कोरिन्‍थी 9:22

गो बोल मपाइश्‍शो मुर आन कली शेंशा, ख्रीस्‍त आ लोव़ रुप्‍पाइश्‍शा, आ मुर दुम्‍मल, दे गो बोल मपाइश्‍शो खोदेंशो दुम्‍ती। का निक्‍शी ख्रीस्‍त आ लोव़ रुप्‍‍शा, आ मुर दुम्‍मल, दे गो मेको नेल्‍ल आन खोदेंशो दुम्‍ती। रोमी ११:१४

१ तिमोथी 4:16

आंम कली नु इ शेंतीके कली रिम्‍शो पा होस पावो। मोदेंशो पा, गे आंम इ कली नु इ लोव़ नेंब आन कली श्‍येत रे प्रोंइनेवे। रोमी ११:१४

फिलेमोन 1:19

एको लोव़ गो पावलमी आंम आं गुइमी ब्रेक्‍ताक्‍ङ। लोव़ थोक्‍शा, मार थाप्‍चा माल्‍शो बाक्‍मे, मेको नेल्‍ल थाप्‍नुङ। तन्‍न गोमी साइ इ कली वारच पशो यो मिम्‍चा माल्‍नेवे, दे इन कली देंनुङ।

याकूब 1:15

मोपा दला दाक्‍स पामेनु, पाप ग्रूब। मेको पाप बारने थुमानु, मेको मुर नरकम लाइनीम। मेको पाप पतीके बाक्‍ब। रोमी ७:१०

याकूब 1:21

मोपतीके ग्रांग्रा दिचा ङा गेय नु काइ मरिम्‍शो पतीके नेल्‍ल प्रोनीन। गे ठेयब मलेत्‍थु, इन थुंमी वोइश्‍शो परमप्रभु यावे आ अरेशो लोव़ टिने। मोपा गेपुकी परमप्रभु यावे आ अरेशो लोव़ टिनीनु, मेको लोव़मी इन कली नरक रे प्रोंइने चाप्‍ब। १पत्रुस २:१

याकूब 5:15

मोदेंशो थमा सुइश्‍शा पुंइशोमी मेको रोइ पाइब मुर साब। मेको रोइ पाइबमी पाप पशो बाक्‍त हना, मेको यो क्‍याम्‍सीब। मर्कूस १६:१८

याकूब 5:19

आं दाक्‍शो लोक्‍बपुकी, इन दाते ङा मुर का थमा लां रे ङोन लत हना, अर्को थमा सुइक्‍बमी मेको कली आ पशो पाप रुप्‍पाइश्‍शा, परमप्रभु यावे आ लां गे लेप्‍पाइक्‍तु हना, गलाती ६:१

१ पत्रुस 4:8

नेल्‍ल क्‍येङा ठेयब मार बाक्‍ब देंशा हना, शुश दाक्‍मुचा बाक्‍ब। मारदे हना दाक्‍मुतीकेमी शुश पाप यो ग्‍याम्‍ब। हितोपदेस १०:१२; याकूब ५:२०

प्रकाश 20:6

मिनु सु सु ङोंइती बेक्‍शो रे सेंसीनीमी, मेको ग्‍येरशो नु परमप्रभु यावे आ योव़शो मुरपुकी बाक्‍नीम। मेको लेंशा मबेक्‍नीम। मेकोपुकीमी लेंशा बेक्‍चा मताइनीम। परमप्रभु यावे नु ख्रीस्‍त आस ङोंइती बाक्‍नीमी। मिनु हजार का बर्स सम्‍म ख्रीस्‍त नु सासन पाइनीम।