याकूब 5:15 - Sunuwar Bible

¹⁵ मोदेंशो थमा सुइश्‍शा पुंइशोमी मेको रोइ पाइब मुर साब। मेको रोइ पाइबमी पाप पशो बाक्‍त हना, मेको यो क्‍याम्‍सीब। मर्कूस १६:१८

याकूब 5:15 ပူးပေါင်းရင်းမြစ်များ

यसैया 33:24

सियोनम बाक्‍ब सुइमी “गो रोइ पशो बाक्‍नुङ” मदेंनीम। मेकेर बाक्‍ब मुर आन मरिम्‍शो पशो क्‍याम्‍चा पुंइसीशो बाक्नीम। जकरिया १२:८

मत्ती 17:20

येसुमी “थमा पा थमा सुइक्‍ने मचाप्‍बपुकी, नोफा दाइश्‍शा नेनीने, रायो गेडा खोइ ला थमा सुइक्‍तीनी हना, इन पने मचाप्‍चा ङा मारेइ मलीब। एको डांडा याक्‍सो देंनीनु, एको डांडा यो याक्‍सीशा लाइब। मत्ती २१:२१; लूका १७:६; १कोरिन्‍थी १३:२

यूहन्‍ना 5:14

मिनु नोले येसुमी मेको साशो मुर कली परमप्रभु यावे आ खिंमी ग्रुम्‍तु। मिनु “गे साते। मेको क्‍येङा ठेयब रोइ मपचा कली गे लेंशा पाप मपावो” दे माइक्‍तु। यूहन्‍ना ८:११

यूहन्‍ना 6:39

मिनु आं कली सोइक्‍ब आ दाक्‍शो मार बाक्‍ब देंशा हना, आं कली गेशो मुर का यो मसाम्‍चा, नु नोले ङा नाक्‍तीमी मेको आन कली सेंपाइक्‍चा बाक्‍ब। यूहन्‍ना १०:२८-२९; यूहन्‍ना १७:१२

१ कोरिन्‍थी 1:21

परमप्रभु यावेमी मुर आन जोक्‍तीक तुइक्‍तीक रे आंम कली मतुइक्‍पांइसे। परमप्रभु यावेम आ दाक्‍शो पा, आंइ मूर्ख लोव़ नेंपाइक्‍ब। मिनु मेको लोव़म थमा सुइक्‍ब आन कली पाप रे ब्रोंइचा गेब।

२ कोरिन्‍थी 4:14

मार लोव़ थमा सुइश्‍शा, नेंपाइक्‍नीकी देंशा हना “प्रभु येसु कली बेक्‍शो रे सेंबमी आंइ कली यो येसु नु सेंब” दे लोव़ बाक्‍ब। मिनु मेकोमी गे, गो नेल्‍ल इं कली आ ङोंइती बाक्‍चा गेब। १कोरिन्‍थी ६:१४

याकूब 1:6

परमप्रभु कली पुंइनीनु “आं पुंइशो गेब” दे थमा सुइश्‍शा पुनीन। “तुइक्‍ब थुं गेबा कों, मगेबा” दे थमा मसुइक्‍ब मुर खोदेंशो पा मपुनीन। मोदेंशो मुर फशेम नेप्‍शो समुन्‍द्र ङा ब्‍वाक्‍कु खोदेंशो बाक्‍ब। मर्कूस ११:२४; १तिमोथी २:८

याकूब 5:13

इन दातेमी सु सु श्‍येत जामे, मेकोमी परमप्रभु यावे नु लोव़ पामेक्‍ल। सु सु ग्‍येरशो बाक्‍मा, मेकोपुकीमी “परमप्रभु यावे नेल्‍ल क्‍येङा ठेयब बाक्‍ब” दे कुम्‍सो पामेक्‍ल। भजन संग्रह ५०:१५; कलस्‍सी ३:१६

याकूब 5:16

मोपतीके रोइ सापाइक्‍चा कली इन पशो पाप शोव़मुशा, प्रभु नु लोव़ पमुने। ठीक थमा सुइक्‍ब आन पुंइशो लोव़मी ठेयब गेय पाइब। प्रेरित १२:५

याकूब 5:20

मेको मुरुमी मेको मटीब मुर कली बेक्‍चा रे प्रोंइब। मिनु मेको के शुश पाप बाक्‍त हना यो, क्‍याम्‍सीब, दे मेकोमी तुइक्‍चा माल्‍ब। भजन संग्रह ५१:१५; हितोपदेस १०:१२; १पत्रुस ४:८