याकूब 5:14 - Sunuwar Bible

¹⁴ इन दातेमी सु रोइ पाइबा, मेकोमी ग्रुम्‍तीके ङा शेंब खाल्‍पा आन कली ब्रेत्‍चा माल्‍ब। मेकोपुकीमी रोइ पाइब आन तारी गुइ वोइश्‍शा, प्रभु आ नेंमी तेल ख्रेक्‍शा, परमप्रभु यावे कली पुंइचा माल्‍नीम। मर्कूस ६:१३

याकूब 5:14 ပူးပေါင်းရင်းမြစ်များ

१ राजा 17:21

मिनु मेको सां खेयप मेको बेक्‍शो आल तार गोल्‍माक्‍त। मिनु ठेयब सेंदा पा, परमप्रभु यावे कली “परमप्रभु यावे, आं परमप्रभु, एको आल कली लेंशा ब्रोंइपतीन” देंमाक्‍त। २राजा ४:३४; प्रेरित २०:१०

२ राजा 4:33

मिनु एलीशा आगा ओव़शा लाप्‍चो चोक्‍शा, परमप्रभु यावे कली पुना बाक्‍त। प्रेरित ९:४०

२ राजा 5:11

तन्‍न नामान गाइश्‍शा “गो मेको ग्रूशा राप्‍शा, थमा पा, परमप्रभु यावे, आ परमप्रभु आ नें थिशा पुंइशा, आं गार तार आ गुइ वोइश्‍शा, आं कोव़र सापाइक्‍ब, दे मिम्‍शो नङ।

मर्कूस 16:18

बुस्‍स ग्‍याइक्‍ताक्‍म हना यो, ओश्‍येर तूतेक्‍म हना यो, मेको आन कली मारेइ मदुम्‍ब। रोइ पाइब आन तारी गुइ चाक्‍शा प्रार्थना पामेनु, सानीम” दे माइक्‍मी बाक्‍त। लूका १०:१९; प्रेरित २८:३-६; याकूब ५:१४-१५

मर्कूस 6:13

मिनु वोल आन कली ग्रुंइशा खेरबाक्‍मा बाक्‍त। रोइ पशो मुर आन कली तेल ख्रेक्‍शा, प्रार्थना पा सापाइक्‍बाक्‍मा बाक्‍त। याकूब ५:१४-१४

प्रेरित 11:30

मिनु नेल्‍लेमी दो दोशो चाप्‍मे, मो मोशो क्‍येट पोक्‍शा, यरूसलेममी बाक्‍ब थमा सुइक्‍ब आन शेंब खाल्‍पा आन कली गेचा नमी, दे बारनाबास नु सावल आस कली चोव़थ सोइक्‍तमे बाक्‍त। प्रेरित १२:२५; १कोरिन्‍थी १६:१-४

प्रेरित 14:23

मिनु ते ते थमा सुइक्‍बपुकी ग्रुम्‍शा बाक्‍मा, मेक मेक शेंब खाल्‍पापुकी वोइक्‍ना वोइक्‍न, माइजा बाक्‍शा, प्रार्थना पना पन, प्रभु कली थमा सुइश्‍शा, थमा सुइक्‍ब आन कली प्रभु आ गुइमी जिम्‍मा गेना गेन गाक्‍सा बाक्‍त। प्रेरित ६:६

प्रेरित 15:4

मिनु यरूसलेममी जाक्‍दीम्‍मानु, थमा सुइक्‍बपुकी, ख्रीस्‍त आ सोइश्‍शो, थमा सुइक्‍ब आन शेंब खाल्‍पा नेल्‍लेमी मान पा ब्रामे बाक्‍त। मिनु परमप्रभु यावेमी पपाइश्‍शो गेय दोपा पामे, मार दुम्‍मे, मेको लोव़ नेल्‍ल देंमा बाक्‍त।

प्रेरित 28:8

पुब्‍लीयस आ खिंमी बा‍स बाक्‍कानु, आ आफ ख्‍युर पा जरो पा रोइ पशो बाक्‍त। मिनु पावलमी रोइ पाइब कली ग्रुम्‍थ लशा, आ गुइ मेको तारी वोइश्‍शा, प्रार्थना पा सापाइक्‍तु।

प्रेरित 9:40

मिनु पत्रुसमी मेकेर ङाक्‍शा बाक्‍ब नेल्‍ल आन कली लाङगा सोइक्‍तीमी बाक्‍त। मिनु आ पोक्‍च थेक्‍शा, प्रार्थना पवा बाक्‍त। मिनु तबीता आ बेक्‍शो रां गे हिरशा कोव़शा “ए तबीता, छुल बोक्‍को” देंमेनु, तबीतामी आ मिक्‍च पाक्‍शा कोव़ङानु, पत्रुस कली तवा बाक्‍त। मर्कूस ५:४१

तीतस 1:5

गो इ कली क्रेट टापुमी मारदे वोइक्‍तन देंशा हना “गे थमा सुइक्‍ब आन दातेमी ठीक मदुम्‍शो गेय ठीक पपतो। मिनु सहर सहर ङा ग्रुम्‍तीकेमी शेंब खाल्‍पापुकी वोतो” दे इ कली अरेतन। प्रेरित१४:२३