याकूब 5:13 - Sunuwar Bible

¹³ इन दातेमी सु सु श्‍येत जामे, मेकोमी परमप्रभु यावे नु लोव़ पामेक्‍ल। सु सु ग्‍येरशो बाक्‍मा, मेकोपुकीमी “परमप्रभु यावे नेल्‍ल क्‍येङा ठेयब बाक्‍ब” दे कुम्‍सो पामेक्‍ल। भजन संग्रह ५०:१५; कलस्‍सी ३:१६

याकूब 5:13 ပူးပေါင်းရင်းမြစ်များ

१ इतिहास 16:9

मेको कली कुम्‍सो पने। मेको कली ठेयब सेल्‍तीक कुम्‍सो पने। मुर आन कली मेको आ छक लाक्‍चा ङा गेय नेल्‍ल आन पर्बम लोव़ पने।

अय्‍युब 33:26

मिनु मेकोमी प्रार्थना पवानु, परमप्रभुमी नेंब। मेको परमप्रभु आ ङोंइती बाक्‍शा, ग्‍येरसीशा कुम्‍सो पाइब। परमप्रभुम मेको आ ठीक पतीक लेंशा ङोंइती ङा खोदेंशो सेल्‍ब।

भजन संग्रह 105:2

मेको कली कुम्‍सो पने। मेको कली ठेयब सेल्‍तीक कुम्‍सो पने। मुर आन कली आ पशो छक लाक्‍चा ङा गेय शेंदीन।

भजन संग्रह 118:5

गो श्‍येत जङानु, परमप्रभु यावे कली पुंइता। मिनु मेकोमी आं लोव़ लेत्‍ताक्‍यी। मिनु आं कली श्‍येत रे प्रोंइती।

भजन संग्रह 18:6

गो श्‍येत जङानु, परमप्रभु यावे कली “वारच पने” दे आं परमप्रभु कली ठेयब सेंदा पा पुंइता। मिनु परमप्रभु आ बाक्‍तीकेम बाक्‍शा, आं सेंदा नेंतु। आं पुंइशो लोव़ रुप्‍तु।

भजन संग्रह 50:15

मिनु श्‍येत जनी नाक्‍त आं कली पुनीन। मिनु गो इन कली श्‍येत रे प्रोंइनन्‍नी। मिनु आं कली ‘गे ठेयब बाक्‍नीनी’ देंनीनी” देंत। भजन संग्रह ९१:१५

भजन संग्रह 91:15

मेकोमी आं कली थोइब। मिनु गो आ लोव़ लेत्‍नुङ। मेको श्‍येत जवानु, गो मेको नु बाक्‍नुङ। मेको कली श्‍येत रे प्रोंइशा, मान ताइब सेल्‍नुङ। भजन संग्रह ५०:१५

भजन संग्रह 95:2

“गे रिम्‍शो पाइब बाक्‍नीनी” देंना देंन, मेको आ ङोंइती लय। कुम्‍सो पा मेको कली ठेयब सेल्‍य।

यसैया 65:14

आं गेय पाइबपुकी थुंम ग्‍येरसीशा, कुम्‍सो पाइनीमी। गेपुकी चहिं श्‍येत जशा, इन थुं लुक्‍च लशा खाइश्‍शा, वाइ ब्रेश्‍शा ङाक्‍नीनी।

दानीएल 5:4

मिनु मेकोपुकीमी अङगुर शांबु तूशा, सुन, चांदी, कांसा, फलाम, शी नु फुल्‍लु के सेल्‍शो देवी देवता आन कली सेउ पाम्‍‍तेक्‍म।

होसे 6:1

मिनु मार लोव़ पाइनीम देंशा हना “पिन, गोपुकी परमप्रभु यावे गे लेय्‍य। मेकोमी आंइ कली टुक्रा टुक्रा पशो बाक्‍त। मिनु आंइ कली सापाइक्‍ब। मेकोमी आंइ कली तुप्‍तु। मिनु मेकोमी आंइ कली ओख्‍ती पाइक्‍ब। होसे ५:१४

योना 2:2

मिनु मेकोमी परमप्रभु यावे, आ परमप्रभु कली “गो आं श्‍येत जतीके रे लोव़ पाता। मिनु आं कली लोव़ लेत्‍ताक्‍यीनी। गो बेक्‍शो मुर आन बाक्‍तीके रे ब्रेत्‍ती। मिनु गे आं सेंदा नेंतीनी। भजन संग्रह १२०:१

योना 2:7

आं थुं लुक्‍च लशा, गो परमप्रभु यावे, इन कली मिम्‍शा, इन कली लोव़ पाता। मिनु इन बाक्‍तीके रे आं लोव़ नेंतीनी। भजन संग्रह १४२:२-४

मीका 4:5

मिनु “जात जात ङा मुर नेल्‍ल आन देवी देवता आन नेंम गाक्‍नीम। तन्‍न गोपुकी चहिं गेना हना यो परमप्रभु यावे, इं परमप्रभु आ नेंम गाक्‍नय” देंतेक्‍म।

मत्ती 26:30

मिनु कुम्‍सो का पशा ङा मीन, मेकेर रे गाक्‍शा, जैतून डांडा ग्‍येत्‍थ लाम्‍तेक्‍म।

लूका 22:44

मिनु लेंशा आ थुं खाइश्‍शा पुना बाक्‍त। आ थुं खाइश्‍शा पुनानु, आ पस्‍ना हुश खोदेंशो दुम्‍शा खपीम दोक्‍माक्‍त।

लूका 23:42

मिनु मेकोमी “येसु, गे परमप्रभु यावे आ राज्‍यमी हुकुम पचा गोनीनु, आं कली यो मिम्‍तीन” देंमेनु, मत्ती २०:२१

१ कोरिन्‍थी 14:15

गो मुल मार पाइनुङ देंशा हना, गो सोक्‍त आ लोव़मी प्रार्थना पङानु, आ थुंमी यो प्रार्थना पाइ‍नुङ। परमप्रभु यावे आ सोक्‍तीम कुम्‍सो पङानु, आं थुंमी यो कुम्‍सो पाइनुङ। एफिसी ५:१९

१ कोरिन्‍थी 14:26

आं लोक्‍बपुकी, मुल मार देंनुङ देंशा हना, गे खुम्‍सीशा बाक्‍नीनु, नेल्‍ल इन के गेय का का बाक्‍ब। कामी परमप्रभु यावे कली कुम्‍सो पाइब, कामी लोव़ शेंबा, कामी नोले दुम्‍तीक लोव़ पाइब, कामी परमप्रभु यावे आ सोक्‍त आ लोव़ पाइब नु अर्कोमी मेको लोव़ आ अर्थ शेंब। मेको गेय नेल्‍ल थुं बारपाइक्‍चा कली दुम्‍ल। १कोरिन्‍थी १२:८-१०; एफिसी ४:१२

एफिसी 5:19

परमप्रभु यावे आ लोव़ ङा कुम्‍सो, परमप्रभु यावे कली ठेयब सेल्‍ब कुम्‍सो नु परमप्रभु यावे आ सोक्‍तीम इन कली शेंशो कुम्‍सो पने। मोपा इन थुं बार पमुशा, प्रभु कली कुम्‍सो पना पन बाक्‍कीन। भजन संग्रह ३३:२-३; कलस्‍सी ३:१६

हिब्रू 5:7

येसु मुर दुम्‍शा, रागीम बाक्‍मेनु, प्रेक्‍कु तोक्‍शा गोंगों पा ङाक्‍शा आ कली बेक्‍शो रे सेंब कली पुना बाक्‍त। परमप्रभु यावे कली मान पा हिंशा, मुर आन पर्बम पुना बाक्‍त। मिनु आ पुंइशो तवा बाक्‍त। मत्ती २६:३९-४६

याकूब 5:10

आं दाक्‍शो लोक्‍बपुकी, साइ ङा परमप्रभु यावे आ लोव़ पाइबपुकीमी परमप्रभु यावेमी देंशो लोव़ पशा, शुश श्‍येत जशा यो फाल्‍शा, परमप्रभु यावे कली मप्रोंइथु बाक्‍शो बाक्‍तेक्‍म। मिनु मेको आन खोदेंशो पा बाक्‍कीन। मत्ती ५:१२

प्रकाश 14:3

मिनु मेको ठेयब ताप्‍तीके ताप्‍बपुकीमी ठेयब नित्‍तीक आ ङोंइती, मेको ४ ओटा सेस जन्‍तु नु शेंब खाल्‍पा आन ङोंइती नक कुम्‍सो का पाम्‍तेक्‍म। मेको कुम्‍सो सुइमी शेंसीने मचबेम। तन्‍न मेको लाख का ४४ हजार मुरुम ला मेको कुम्‍सो शेंसीने चाप्‍तेक्‍म।

प्रकाश 7:10

मिनु मेकोपुकीमी परमप्रभु यावे नु पाठा आस कली “मेको ठेयब नित्‍तीकेमी निप्‍ब आंइ परमप्रभु यावे नु पाठामी ला पाप रे प्रोंइने चाप्‍नीस” दे ठेयब सेंदामी ग्रीतेक्‍म।