याकूब 4:4 - Sunuwar Bible

⁴ गे परमप्रभु यावे आ लां प्रोंइशा हेंथे गाक्‍बपुकी, गे थमा मसुइक्‍ब आन वारच बाक्‍तीनी हना, परमप्रभु यावे आ जोरी सत्रु दुम्‍नीनी। सु थमा मसुइक्‍ब आन वारच दुम्‍चा माल्‍बा, मेको परमप्रभु यावे नु जोरी सत्रु दुम्‍ब। लूका ६:२६; रोमी ८:७; १यूहन्‍ना २:१५

याकूब 4:4 ပူးပေါင်းရင်းမြစ်များ

उत्पत्ती 3:15

गे नु मेको मीश मुर जिशा, बाक्‍चा मलीसे। मेको आ युइ नु इ युइ जिशा बाक्‍नीमी। मीश मुर आ युइ कामी इ पिया दिम्‍शा प्रोल्‍ब। गे चहिं मेको आ गेंग्रेम कोक्‍नेवे” दे सराप पदा बाक्‍त। प्रकाश १२:४-५,१५-१७

भजन संग्रह 21:8

गे इन गुइमी इन जोरी सत्रु नेल्‍ल आन कली माल्‍शा ग्‍याइक्‍नीनी। इन कली काइ मदाक्‍ब आन कली इन ग्‍युरा गुइमी साइक्‍नीनी।

भजन संग्रह 50:18

गे खुइ आन कली ग्रुम्‍नीनु, खुइ आन वारच दुम्‍तीनी। मिनु गे खुइ नु हेंथे गाक्‍ब नु गारतीनी।

भजन संग्रह 73:27

इन क्‍येङा ङोन बाक्‍बपुकी थमा पा जाम्‍शा लाइनीम। गे इन क्‍येङा नोले शोंइसीशो नेल्‍ल आन कली खतम पोक्‍नीनी।

यसैया 57:3

“तन्‍न गेपुकी एक जाक्‍कीन। गे मन्‍तर तन्‍तर पाइब आ तमी तौ नु हेंथे गाक्‍ब वोंइश मुर नु तेल्‍लेम आ आलपुकी एक जाक्‍कीन। होसे २:४

येरमीया 2:2

“लावो, परमप्रभु यावेमी यरूसलेम कली मार देंत देंशा हना ‘गे इ ठिटी बाक्‍ची ना आं कली ग्‍युम्‍लीम खोदेंशो पा दाक्‍ताक्‍यी। गे आं कली मारेइ मशोक्‍शो गोरशो रागीमी आं नोले खोइक्‍ती। गो मेको मिम्‍नुङ। होसे २:१६; होसे १३:५

येरमीया 9:2

गोरशो रागीम मुर आन कली बास बाक्‍तीक बाक्‍शो हना, गो आं मुर आन कली प्रोंइशा, मेकेर लशा बाक्‍ङ वा। मिनु मेको आन रे ङोन लङ वा। मारदे हना मेको नेल्‍ल आन नाता ख्रोइश्‍शा अरु नु इप्‍‍नीम। मेको नेल्‍ल मरिम्‍शो हुल का बाक्‍नीम।

इजीकीएल 16:32

गे हेंथे पाइब मीश, इ वोंइश आ पा ङा अर्को नु बाक्‍नेवे।

होसे 3:1

मिनु परमप्रभु यावेमी आं कली “इ मीशेमी अर्को वोंइश खोइश्‍शा, इ कली प्रोंइतु हना यो, मुल लशा, इ मीश कली लेंशा इ दाक्‍तीक कोंइदो। इस्राएलीपुकीमी अर्को देवी देवता आन कली दाक्‍शा आन चढ़ेशो थोव़क जचा दाक्‍ताक्‍म हना यो, परमप्रभु यावेमी इस्राएली आन कली दाक्‍ब” देंत। होसे १:२

मत्ती 12:39

मिनु येसुमी “मरिम्‍शो थुं पाइश्‍शो नु थमा मसुइक्‍बपुकीमी चिन्‍ड कोव़कोव़ दाक्‍नीम। मेको आन कली परमप्रभु यावे आ लोव़ पाइब योना आ चिन्‍ड ङा लाक्‍शा मारेइ चिन्‍ड मकोंइनुङमी।

मत्ती 16:4

मरिम्‍शो पाइब नु देवी देवता नु परमप्रभु यावे खाल्‍ब पालाम चिन्‍ड कोव़कोव़ दाक्‍नीम। मेको आन कली योना आ चिन्‍ड ङा लाक्‍शा मारेइ चिन्‍ड मकोंइनुङमी” देंशा, मेको आन कली प्रोंइशा गाक्‍त। मत्ती १२:३९-४०

मत्ती 6:24

सुइमी होव़प निक्‍शी आस गेय पने मचाप्‍ब। मारदे हना का कली मदाक्‍ब, का कली दाक्‍ब। का कली मान पा टीब, का कली मान मपथु मटीब। परमप्रभु यावे नु शोंप निम्‍फा आस कली गेय पने मचाप्‍नीनी। लूका १६:१३; याकूब ४:४

लूका 19:27

तन्‍न आं कली मटीब आं जोरी सत्रु आन कली चहिं ग्‍याइश्‍शा चाक्‍शा आं ङोंइती क्‍योरशा सतीन’ देंमाक्‍त” दे शेंदीमी बाक्‍त।

यूहन्‍ना 15:19

गेपुकी रागी ङा मुर खोदेंशो बाक्‍तीनी हना, रागी ङा मुरपुकीमी इन कली दाक्‍नीमी। तन्‍न गे रागी ङा मुर मननी। गो इन कली रागी ङा मुरपुकी रे योव़तन्‍नी। मोपतीके रागी ङा मुरपुकीमी इन कली मदाक्‍नीम। यूहन्‍ना १७:१४; १यूहन्‍ना ४:४-५

यूहन्‍ना 17:14

गो मेको आन कली इन देंशो लोव़ शेंताक्‍ङमी। मिनु रागी ङा मुरपुकीमी मेको आन कली श्‍येत गेम्‍तेक्‍म। मारदे हना रागी ङा मनम। गो यो रागी ङा मनङ। यूहन्‍ना १५:१९

यूहन्‍ना 7:7

रागी ङा मुरपुकीमी इन कली श्‍येत मगेनीम। आं कली चहिं श्‍येत गेनीम। मारदे हना गो मेको आन कली ‘आन पशो गेय मरिम्‍शो बाक्‍ब’ दे कोंइनुङमी। यूहन्‍ना १५:१८

रोमी 5:10

ङोंइती गोपुकी परमप्रभु यावे आ जोरी सत्रु दुम्‍शा बाक्‍यानु, आ तौ आ बेक्‍शोमीन परमप्रभु यावेमी इं कली आ दाक्‍शो मुर सेल्‍तु। आ दाक्‍शो मुर दुम्‍शा, येसु आ ब्रोंइशोमीन सजाइ जचा रे मब्रोंइया ङा? ब्रोंइतय। २कोरिन्‍थी ५:१८; रोमी ८:७; कलस्‍सी १:२१

रोमी 8:7

मुर आ थुंमी परमप्रभु यावे कली मदाक्‍ब आ जोरी सत्रु दुम्‍शा, आ देंशो मटीब। मारदे हना परमप्रभु यावे आ अरेशो लोव़ थमा पा टिने मचाप्‍ब। याकूब ४:४

१ कोरिन्‍थी 1:20

जोक्‍ब तुइक्‍ब सु सु नमी? पढेस जोक्‍ब सु सु नमी? सिनाक्‍त मुलाक्‍त शुश लोव़ पा ग्राब सु नमी? लो, मिम्‍तीने। एको रागी ङा जोक्‍ब तुइक्‍ब लोव़ कली परमप्रभु यावेमी फश लोव़ मसेला ङा? मत्ती ११:२५; रोमी १:२२

१ कोरिन्‍थी 1:21

परमप्रभु यावेमी मुर आन जोक्‍तीक तुइक्‍तीक रे आंम कली मतुइक्‍पांइसे। परमप्रभु यावेम आ दाक्‍शो पा, आंइ मूर्ख लोव़ नेंपाइक्‍ब। मिनु मेको लोव़म थमा सुइक्‍ब आन कली पाप रे ब्रोंइचा गेब।

गलाती 1:10

मार, गो मुर आन थुं नुपाइक्‍चा माल्‍नुङा ङा? गो परमप्रभु यावे आ थुं कका नुपाइक्‍चा माल्‍नुङ। गो मुर आन थुं नुपाइक्‍तीके लोव़ पाता हना, ख्रीस्‍त आ गेय पाइब माइक्‍चा मपुंइसीनुङ। १थिस्‍सलोनिकी २:४-६

याकूब 1:27

मखाल्‍थु ठीक पा थमा सुइक्‍तीके दोदेंशो बाक्‍ब देंशा हना, रोम रोइक्‍च नु वोंइश बेक्‍शो मीश मुर श्‍येत जामेनु, वारच पचा नु थमा मसुइक्‍ब पाप पाइब आन खोदेंशो पाप काइ मपचा, मेको इं आफ, परमप्रभु यावे आ ङोंइती ठीक पा थमा सुइक्‍तीके बाक्‍ब।