याकूब 4:10 - Sunuwar Bible

¹⁰ प्रभु येसु आ ङोंइती आइक्‍च दुम्‍शा, ब्रेम्‍शो दुमीन। मिनु परमप्रभु यावेमी इन कली ठेयब सेल्‍ब।

याकूब 4:10 ပူးပေါင်းရင်းမြစ်များ

२ इतिहास 7:14

मिनु आं मुरपुकी ब्रेम्‍शो दुम्‍शा, आं कली पुंइशा, आं कली माल्‍तेक्‍म हना, आन मरिम्‍शो लां रे लेत्‍‍तेक्‍म हना, गो स्‍वर्ग रे मेको आन पुंइशो नेंनुङ। मिनु मेको आन पाप क्‍याम्‍नुङ। मिनु गो मेको आन रागी कली ङोंइती ङा खोदेंशो पा रिम्‍शो सेल्‍नुङ।

अय्‍युब 22:29

मारदे हना मेकोमी ठेयब लेश्‍शो लोव़ पाइब आन कली आइक्‍च सेल्‍ब। ब्रेम्‍शो मुर आन कली चहिं प्रोंइब। १ पत्रुस ५:५

अय्‍युब 5:11

मेकोम महिक्‍सीशो मुर आन कली ठेयब सेल्‍ब। मिनु रोंका पाइब आन कली लेंशा ग्‍येरपाइक्‍‍ब। भजन संग्रह ७५:८; लूका १:५२

भजन संग्रह 113:7

मेकोमी प्रुङग आन कली फुरकुम निश्‍शो रे पोक्‍ब। मिनु श्‍येत जाइब आन कली ग्रांग्रा दितीक रे पोक्‍ब। १सामुएल २:८; लूका १:४८; उत्‍पत्ती ४१:४०-४१

भजन संग्रह 147:6

परमप्रभु यावेम श्‍येत जाइब आन कली कोव़ब। तन्‍न आ अरेशो मटीब आन कली खपीम ताइक्‍ब।

भजन संग्रह 27:6

मोपा आं एर ओंथ बाक्‍शो जोरी सत्रु आन ङोंइती आं पिया पोक्‍ब। मिनु गो ग्‍येरशा ठेयब सेंदामी परमप्रभु यावे कली चढ़ेशा, कुम्‍सो पाइनुङ।

भजन संग्रह 28:9

इन मुर आन कली प्रोनीन। इन रागी कली आसीक गेने। मिनु मेको आन कली गेना हना यो गोठला खोदेंशो पा योव़शा, गुप्‍शा, कुरशा पने।

भजन संग्रह 30:1

परमप्रभु यावे, गो इन कली मान पाइनुङ। मारदे हना गे आं कली उइ रे ग्‍येत्‍थ पोक्‍तीनी। मिनु आं जोरी सत्रु आन कली आं पर्बम ग्‍येरचा मगेनी।

प्रस्‍थान 10:3

मिनु मोसा नु हारून फाराओ आ बाक्‍तीके जाक्‍दीश्‍शा, मेको कली “हिब्रू आंइ परमप्रभु यावे, हिब्रू मुर आन परमप्रभुमी इन कली ‘गेना सम्‍म गे आं ङोंइती ठेयब लेश्‍शा बाक्‍नेवे? आं मुर आन कली आं कली चढ़ेथ लचा गेवो। प्रस्‍थान ५:३

हितोपदेस 29:23

मुर आन ठेयब लेश्‍शोमी मेको कली आइक्‍च सेल्‍ब। ब्रेम्‍शो थुं पाइश्‍शो मुर चहिं मान ताइब।

इजीकीएल 21:26

मेको आ पिया रे गुप्‍तीक पुतीन। मेको आ सिरपेच पुतीन। मुल दुम्‍शो खोदेंशो पा, लेंशा मदुम्‍ब। आइक्‍च आन कली ठेयब सेलीन। मिनु ठेयब आन कली आइक्‍च सेलीन। प्रस्‍थान २८:४; लूका १८:१४

मत्ती 23:12

ठेयब सुंइ‍सीब हिक्‍चा मपुंइसीब। महिक्‍सीशो चहिं मान पाइक्‍चा पुंइसीब। अय्‍युब २२:२९; हितोपदेस २९:२३; इजीकीएल २१:३१; लूका १८:१४; १पत्रुस ५:५

लूका 1:52

हुकुम पाइब आन सासन पशो रोइश्‍शा, महिक्‍सीशो आन कली ठेयब सेल्‍तु। भजन संग्रह १४७:६

लूका 14:11

मारदे हना ठेयब सुंइसीब कली मुरपुकीमी महिक्‍थु मान मपाइ‍नीमी। ठेयब मसुंइ‍सीब कली चहिं मुरपुकीमी ठेयब सेल्‍शा, मान पाइनीम” दे शेंदीमी बाक्‍त। लूका १८:१४; मत्ती २३:१२; याकूब ४:६,१०

लूका 18:14

परमप्रभु यावेमी मेको कली आ पाप क्‍याम्‍शा, ठीक दुम्‍पाइक्‍तु। मिनु ठीक दुम्‍शा, आ खिं लेत्‍त। फरिसी चहिं पाप क्‍याम्‍चा मतव। मारदे हना सुमी ठेयब सुंइ‍सीबा, मेको महिक्‍शो दुम्‍ब। ठेयब मसुंइ‍सीब कली चहिं परमप्रभु यावेमी ठेयब सेल्‍ब” दे येसुमी माइक्‍मी बाक्‍त। मत्ती २१:३१; लूका १४:११; मत्ती २३:१२

१ पत्रुस 5:6

मोपतीके गेपुकीमी “नेल्‍ल सक्ति परमप्रभु यावे केन बाक्‍ब” दे आ देंशो लोव़ ब्रेम्‍शो थुंमी ठीक पा टिने। मो पाइतीनी हना, परमप्रभु यावेमी आ मिम्‍ची ना इन कली ठेयब सेल्‍ब। याकूब ४:६

१ सामुएल 2:7

परमप्रभु यावे प्रुङग नु शोंप पाइश्‍शो सेल्‍ब बाक्‍ब। मेकोमी आइक्‍च नु ठेयब यो सेल्‍ब। भजन संग्रह ७५:८

१ सामुएल 2:9

मेकोमी थमा सुइक्‍चा पुंइसीब मुर आन कली कोव़ब। तन्‍न आ अरेशो लोव़ मटीब आन कली छिङछिङमी खतम पोक्‍‍पाइक्‍ब। मारदे हना मुरपुकीम आन सक्तिमी मग्रानीम। भजन संग्रह ३३:१६