याकूब 3:9 - Sunuwar Bible

⁹ गोपुकीमी प्रभु नु आ आफ कली “गे ठेयब नसी” दे लोव़ पाइनय। मिनु परमप्रभु यावेमी आ खोदेंशो सेल्‍शो मुर आन कली सराप पाइनय। भजन संग्रह १४१:३; उत्‍पत्ती १:२६-२७

याकूब 3:9 ပူးပေါင်းရင်းမြစ်များ

उत्पत्ती 5:1

एको आदम आ चच, युइ बाक्‍नीम। परमप्रभुमी मुर सेलानु, आ खोदेंशो पा सेला बाक्‍त। लूका ३:३७-३८; उत्‍पत्ती १:२७

उत्पत्ती 9:6

सु सुमी मुर साइश्‍शा हुश जारबा, मेको यो मोपान साइश्‍शा, हुश जारचा पुंइसीब। मारदे हना गो मुर कली आं खोदेंशो पा सेल्‍ता। प्रस्‍थान २१:१२; लेवी २४:१७; गन्‍ती ३५:३३; मत्ती २६:५२; रोमी १३:४; प्रकाश १३:१०

२ सामुएल 16:5

मिनु पिप दाऊद बाहुरीम सहरम जाक्‍माक्‍त। मिनु मेकेर सावल आ खिं ङा मुर का, गेरा आ तौ शिमेइ ग्रूशा दाऊद कली सराप चीले पना पन पिमाक्‍त।

२ सामुएल 19:21

मिनु सेरूयाह आ तौ अबीशैमी “परमप्रभु यावे आ तेल लुक्‍शो कली सराप पतीके शिमेइ साइक्‍चा मपुंइसीबा ङा?” देंमाक्‍त।

१ इतिहास 29:10

मिनु दाऊदमी मुर नेल्‍ल आन ङोंइती परमप्रभु यावे कली “परमप्रभु यावे, आंइ किकी पिपी इस्राएल आ परमप्रभु, गे गेना हना यो ठेयब बाक्‍नीनी।

१ इतिहास 29:20

मिनु नोले दाऊदमी मुर नेल्‍ल आन कली “परमप्रभु यावे, इन परमप्रभु कली ठेयब सेलीन” देंमाक्‍त। मिनु मुर नेल्‍लेमी परमप्रभु यावे, आन किकी पिप आन परमप्रभु कली ठेयब सेल्‍शा बाम्‍मा बाक्‍त। मिनु परमप्रभु यावे नु पिप आ ङोंइती बाप्‍शा, सेउ पामे बाक्‍त।

भजन संग्रह 10:7

मेको मुरपुकीमी सराप नु जोल पना पन बाक्‍शा, अरु आन कली दिप्‍शो बाक्‍नीम। मेको आन लोव़मी श्‍येत नु मरिम्‍शो ला दुम्‍पाइक्‍नीम। रोमी ३:१४

भजन संग्रह 108:1

परमप्रभु, गो थमा सुइक्‍ब दुम्‍ती। गो थमा पा इन नोले खोइक्‍ब दुम्‍ती। गो ताप्‍तीक ताप्‍शा कुम्‍सो पाइनुङ। आं थुं मुल सेंसो! भजन संग्रह ५७:८-१२

भजन संग्रह 145:1

आं परमप्रभु, गे आं पिप बाक्‍नीनी। गो इन कली मान पाइनुङ। इन नें गेना हना यो ठेयब सेल्‍नुङ।

भजन संग्रह 145:21

गो परमप्रभु यावे कली ठेयब सेल्‍शा, लोव़ पाइनुङ। सोक्‍त पाइश्‍शो नेल्‍लेमी मेको कली गेना हना यो ठेयब सेल्‍नीम।

भजन संग्रह 16:9

मोपतीके आं थुं ग्‍येरसीब। गो आं थुंमी कुम्‍सो पाइनुङ। गो महिंथु बाक्‍ने चाप्‍नुङ।

भजन संग्रह 30:12

गो सिक्‍सी पा मबाक्‍थु, इन पर्बम कुम्‍सो पाइनुङ। परमप्रभु यावे, गेना हना यो बाक्‍ब आं परमप्रभु, गो इन कली ठेयब सेल्‍नुङ।

भजन संग्रह 34:1

गो परमप्रभु यावे कली गेना हना यो ठेयब सेल्‍नुङ। मेको कली ठेयब सेल्‍तीक लोव़ गेना हना यो आं शोव़म बाक्‍ब।

भजन संग्रह 35:28

मिनु गो नाक्‍त रे इन ठीक पतीके नु इन ठेयब दुम्‍तीके आ पर्बम लोव़ पाइनुङ।

भजन संग्रह 51:14

परमप्रभु, गे आं कली पाप रे प्रोंइब परमप्रभु बाक्‍नीनी। आं हुश ख्राक्‍श पोक्‍शो पाप रे प्रोंइयीनी। मिनु गो इन प्रोंइतीके आ पर्बम कुम्‍सो पाइनुङ।

भजन संग्रह 57:8

आं थुं सेंशा बोक्‍को। ताप्‍तीकपुकी ठीक पा बाक्‍कीन। मारदे हना गो नां सोव़चा क्‍येङा ङोंइती कुम्‍सो पाइनुङ।

भजन संग्रह 59:12

मेको आन पशो लोव़मी, आन ठेयब लेश्‍शो कोंइनीमी। गे गाइश्‍शा मेको आन सराप पतीके नु जोल पतीके खतम पोक्‍कीन।

भजन संग्रह 62:4

मेकोपुकीमी ठेयब मुर कली साइक्‍चा माल्‍शो बाक्‍नीम। मेकोपुकी जोल पतीकेमी ग्‍येरसीनीम। मिनु शोव़म आसीक गेखु पाइनीम। तन्‍न आन थुंमी चहिं सराप पाइनीम। ठेयब सेंदा पा।

भजन संग्रह 63:4

गो मबेक्‍ङा सम्‍म इन कली ठेयब सेल्‍नुङ। मिनु गो आं गुइ पोक्‍शा, इन कली प्रार्थना पाइनुङ।

भजन संग्रह 71:24

गो इन ठीक पतीके आ पर्बम नाक्‍त रे लोव़ पाइनुङ। मारदे हना आं कली खती पचा माल्‍बपुकी मुने दोक्‍शा, मार पचा ना मार पचा दुम्‍तेक्‍म।

उपदेसक 7:22

मारदे हना गे गिश खेयप अरु आन कली सराप पवी, मेको इ थुंम बाक्‍ब।

यसैया 29:13

परमप्रभु यावेमी “एको मुरपुकी लोव़ पशा आं नेक्‍था जाक्‍नीम। मिनु आन शोव़मी आं कली ठेयब सेल्‍नीम। तन्‍न आन थुंम चहिं आं क्‍येङा ङोन बाक्‍नीम। मेको आन आं कली मान पतीके मुर आन शेंशो ला बाक्‍ब। यसैया १:१५; यसैया ५८:२-३; मत्ती १५:८-९

मत्ती 26:74

मिनु पत्रुसमी “जोल पाता हना, परमप्रभु यावेमी सजाइ गेयील, एको मुर कली तुंइ‍सीन मतुइक्‍नुङ” दे कसम जशा, आ लोव़ थोक्‍शा देंमाक्‍त। मो देंमेनु, भाले ग्रीमाक्‍त।

मत्ती 5:44

गोमी इन कली मार देंनुङ देंशा हना, जोरी सत्रु आन कली दाक्‍तीने। इन कली हेला पा खेदा पाइब आन पर्बम परमप्रभु यावे कली पुनीने। प्रस्‍थान २३:४-५; लूका ६:२७-२८; रोमी १२:१४,२०; लूका २३:३४; प्रेरित ७:५९; लूका ६:२७-२८

प्रेरित 2:26

गो ग्‍येरसीशा प्रभु कली ठेयब सेल्‍शा कुम्‍सो पाइनुङ। मारदे हना प्रभु नु काथा बाक्‍शा, गेना हना यो ब्रोंइचा ताइनुङ।

रोमी 3:14

मेको आन शोव़ सराप नु कशो लोव़मी ब्रीशो बाक्‍ब।” भजन संग्रह १०:७

१ कोरिन्‍थी 11:7

वोंइश मुरुम पिया सुम्‍चा मदुम्‍ब। मारदे हना मेको परमप्रभु यावे खोदेंशो पा सेल्‍सीशो नु आ दारस पाइश्‍शो बाक्‍नीम। मीश मुरपुकी चहिं आन वोंइश आन दारस पाइश्‍शो बाक्‍नीम। मोपतीके सुम्‍सीचा माल्‍नीम।

एफिसी 1:3

इं प्रभु येसु ख्रीस्‍त आ आफ परमप्रभु यावे कली “गे ठेयब बाक्‍नीनी” देंय। मारदे हना मेकोमी स्‍वर्गम आ सोक्‍तीम पतीके इं कली आसीक गेप्‍तु। मेको नेल्‍ल ख्रीस्‍तम बाक्‍ब।

याकूब 1:27

मखाल्‍थु ठीक पा थमा सुइक्‍तीके दोदेंशो बाक्‍ब देंशा हना, रोम रोइक्‍च नु वोंइश बेक्‍शो मीश मुर श्‍येत जामेनु, वारच पचा नु थमा मसुइक्‍ब पाप पाइब आन खोदेंशो पाप काइ मपचा, मेको इं आफ, परमप्रभु यावे आ ङोंइती ठीक पा थमा सुइक्‍तीके बाक्‍ब।

याकूब 3:10

मोपा शोव़ कामी आसीक लोव़ नु सराप लोव़ पाइनीम। आं लोक्‍बपुकी, मो पचा मदुम्‍ब। एफिसी ४:२९

१ पत्रुस 1:3

इं प्रभु येसु ख्रीस्‍त आ आफ नेल्‍ल आसीक पाइश्‍शो बाक्‍ब, दे गो मान पय। मेको आ शुश शिशी पतीके नु येसु ख्रीस्‍त बेक्‍शो रे सेंसीशोमी इं कली ब्रोंइशा बाक्‍तीक आस गेशा, नक जरमेशो मुर सेल्‍तु। कलस्‍सी १:५

न्‍यायाधीस 9:27

शेकेम ङा मुर आन अङगुर रूमी लशा, अङगुर सेक्‍शा कोलमी ख्राक्‍गमे बाक्‍त। मिनु आन देवता आ मन्‍दीरमी चाड मानेचा कली लमा बाक्‍त। मिनु मेकेर जशा तूशा अबीमेलेक आ पर्बम शुक्‍शी लोव़ पामे बाक्‍त।