याकूब 3:8 - Sunuwar Bible

⁸ आंम आन लें कली शेंने मचाप्‍‍नीम। मुरुमी आन लेंमी मरिम्‍शो पाइनीम। दोपा ओश्‍येर जशा, मुर बेक्‍नीमी, मोपान लें यो मुर कली साइक्‍ने चाप्‍चा ङा ओश्‍येरमी ब्रीशो बाक्‍ब।

याकूब 3:8 ပူးပေါင်းရင်းမြစ်များ

भजन संग्रह 140:3

मेकोपुकी कोक्‍चा चिक्‍शो बुस्‍स खोदेंशो बाक्‍नीम। मेको आन लोव़ बुस्‍स आन बीस खोदेंशो बाक्‍ब। ठेयब सेंदा पा।रोमी ३:१३

भजन संग्रह 55:21

मिनु मेकोमी मिलो शिलो लोव़ पाप्‍तु। तन्‍न मेको आ थुंमी जिचा खेचा ला बाक्‍ब। मेको आ लोव़ तेल ख्रेक्‍शो खोदेंशो बाक्‍ब। तन्‍न आ आगाम शोइश्‍शो तरवार बाक्‍ब। येरमीया ९:७

भजन संग्रह 57:4

गो गुप्‍स आन दातेमी बाक्‍शो बाक्‍नुङ। गो मुर ब्‍वाइब जन्‍तु आन दातेमी गोल्‍शो बाक्‍नुङ। मेको मुर आन ख्रुइ तूतीक नु ब्रा खोदेंशो बाक्‍नीम। मेको आन लें हेश्‍शो तरवार खोदेंशो बाक्‍ब।

भजन संग्रह 58:4

मेको आन बीस बुस्‍स आन बीस खोदेंशो बाक्‍ब। मेको थम ठेयब बुस्‍स आन नोफा सुशो खोदेंशो बाक्‍नीम।

भजन संग्रह 59:7

मेकोपुकीमी आन शोव़ रे मार ग्रुंइबाक्‍मा? मेकोपुकीमी साइक्‍चा ङा लोव़ पाइनीम। मिनु मेकोपुकीमी “सुम नेंबा ङा” देंनीम।

हितोपदेस 17:20

मरिम्‍शो थुं पाइश्‍शो मुर आन कली मारेइम मगाप्‍‍ब। दूली पा जोल पाइब मुर हिंचा ङा श्‍येत जाइब।

उपदेसक 10:11

बुस्‍स कली लाटा सेल्‍चा क्‍येङा ङोंइती कोक्‍तु हना, बुस्‍स चलेब कली मारेइ रिम्‍शो मदुम्‍ब। बजन संग्रह ५८:५-६

रोमी 3:13

“ग्रांग्रा दिचा ङा लोव़ ला पाइनीम। जोल पाइनीम। शुक्‍शी पा थुं खाइक्‍चा ङा लोव़ पाइनीम। भजन संग्रह ५:१०; भजन संग्रह १४०:४

ब्‍यवस्‍था 32:33

मेको आन अङगुर बुस्‍स आ बीस नु साइक्‍चा ङा बीख बाक्‍ब।

याकूब 3:6

मुर आ लें मी खोदेंशो बाक्‍ब। मेकोमी रां नेल्‍ल मरिम्‍शो सेल्‍ब। मेकोमी मरिम्‍शो लोव़ पशा, रां कली पापी सेल्‍ब। रागी नेल्‍ल कली क्रोइक्‍ब। आंमा यो नरकमी ग्रोइक्‍ब। हितोपदेस १६:२७; मत्ती १२:३६-३७; मत्ती १५:११,१८

याकूब 3:7

मुरपुकीमी बस्‍तु भाव, जन्‍तु, चिक्‍बी नेल्‍ल आन कली शेंने चाप्‍नीम। मिनु मेको आन कली शेंताक्‍म हना यो,

प्रकाश 12:9

मिनु मेको ठेयब बुस्‍स आ नें मार बाक्‍त देंशा हना, माइत बुस्‍स, दियाबलस, सैतान बाक्‍त। मिनु मेको रागी रागी नेल्‍ल ङा मुर आन कली पाप पपाइक्‍चा कली रागीमी तोक्‍चा पुंइसीशो बाक्‍त। मिनु मेको आ गेय पाइबपुकी यो रागीमी तोक्‍चा पुंइसीशो बाक्‍तेक्‍म। प्रकाश २०:२; उत्‍पत्ती ३:१; लूका १०:१८