याकूब 3:5 - Sunuwar Bible

⁵ मेको इम्‍चीली चलेतीके खोदेंशो मुर आ लें बाक्‍ब। मुर आ लेंमी ठेयब लोव़ पाइब। मेको लें आइक्‍च बाक्‍त हना यो, ठेयब मरिम्‍शो पने चाप्‍ब। इम्‍चीली मीम ठेयब ब्‍वाकी क्रोइक्‍‍ने चाप्‍ब।

याकूब 3:5 ပူးပေါင်းရင်းမြစ်များ

अय्‍युब 22:17

मेको मुरपुकीम परमप्रभु कली ‘आंइ रे पा ङोन लन। नेल्‍ल क्‍येङा सक्ति पाइश्‍शोमी आंइ कली मार पने चाप्‍बा ङा?’ देंतेक्‍म। अय्‍युब २१:१४

भजन संग्रह 10:3

परमप्रभु आ अरेशो लोव़ मटीबपुकीमी “आं द‍ला दाक्‍स नेल्‍ल पने चाप्‍नुङ” दे ठेयब लेत्‍नीम। लोभी आन कली आसीक गेनीम। मिनु परमप्रभु यावे कली मान मपथु, महिंथु, मेको आ पर्बम शुक्‍शी लोव़ पाइनीम।

भजन संग्रह 17:10

मेको आन थुं खकटा पा, ठेयब लेश्‍शो लोव़ ला पाइनीम।

भजन संग्रह 39:1

मिनु गो “गो आं गेय नेल्‍ल होस पा पाइक्‍नुङ। गो लोव़ पचा यो होस पा पाइक्‍नुङ। मरिम्‍शो पाइबपुकी आं नेक्‍था बाक्‍तेक्‍म हना, गो सिक्‍सी पा बाक्‍नुङ” देंती।

प्रस्‍थान 15:9

आंइ जोरी सत्रुमी ‘मेको आन कली खेदा पा, ब्रो ब्रु थित्‍नय। गो ग्‍येरशा, इं ग्राशो थोव़क योक्‍मुइनय। इं तरवार शोइश्‍शा, नेल्‍ल आन कली साइक्‍नय’ देंतेक्‍म।

प्रस्‍थान 5:2

मिनु फाराओमी “परमप्रभु यावे सु बाक्‍म, गो मतुइक्‍नुङ। मार, आ देंशो लोव़ टिचा माल्‍नुङा? गो इस्राएली आन कली मारदे लचा गेनुङा? गो परमप्रभु यावे कली मतुइक्‍नुङ। मोपतीके इस्राएल ङा मुर, इन कली लचा मगेनन्‍नी” दें‍त।

हितोपदेस 12:18

मुर आन ममिम्‍थु पशो लोव़मी तरवार खोदेंशो पा थोक्‍ब। तन्‍न जोक्‍ब तुइक्‍ब मुर आन लोव़मी सापाइक्‍ब। हितोपदेस १३:३

हितोपदेस 15:2

जोक्‍ब तुइक्‍ब मुरपुकीमी लोव़ पाम्‍तेक्‍म हना, नेंबपुकी जोक्‍ब दुम्‍चा दाक्‍नीम। तन्‍न मूर्ख आन लोव़ शोर गाक्‍शो बाक्‍ब।

हितोपदेस 18:21

मुर आन लोव़मी बेक्‍तीक नु ब्रोंइतीक बाक्‍ब। तेको कली दाक्‍नीनी, मेको आ ततीक ताइनीनी।

हितोपदेस 26:20

शी मबाक्‍त हना, मी काप्‍ब। मोदेंशो पा नोफा मुइक्‍ब मुर मबाक्‍त हना, जिचा खेचा मबोक्‍ब। हितोपदेस २२:१०

येरमीया 18:18

मिनु मेकोपुकीम “मुल गोपुकीम येरमीया कली दोस गेय। मारदे हना चढ़ेब आन शेंशो लोव़ मग्‍याम्‍ब। जोक्‍ब तुइक्‍ब आन अर्ती यो मग्‍याम्‍ब। मिनु परमप्रभु यावे आ लोव़ पाइब आन देंशो लोव़ यो मजाम्‍ब। मोपतीके मुल गो येरमीया कली दोस गेय। मिनु मेको आ देंशो तेकोइ लोव़ मनेंय” देंतेक्‍म।

इजीकीएल 28:2

मार लोव़ पाप्‍तु देंशा हना “ए मुर, टायर ङा पिप आ तौ कली परमप्रभु, परमप्रभु यावेमी ‘गे इ थुं ङा ठेयब लेत्‍तीकेम, गो परमप्रभु नङ। गो समुन्‍द्र आ दातेम देवी देवता आन बाक्‍‍तीकेम बाक्‍नुङ’ देंते। तन्‍न गे मुर ला बाक्‍नेवे। परमप्रभु मनवे। गे ठेयब लेश्‍शा, इ थुंम ‘परमप्रभु खोदेंशो जोक्‍ब तुइक्‍ब बाक्‍नुङ’ दे मिम्‍साक्‍वे। यसैया ३१:३; दानीएल ५:२०; प्रेरित १२:२३

इजीकीएल 29:3

मिनु परमप्रभु, परमप्रभु यावेमी मेको कली ‘ए इजीप्‍त ङा पिप फाराओ, गो इ कली सजाइ गे‍नुङ। गे खोला आन दातेम बाक्‍ब समुन्‍द्र ङा ठेयब जन्‍तु खोदेंशो बाक्‍नेवे। मिनु नील खोला आं केन बाक्‍ब। मेको आं सेल्‍शो बाक्‍ब’ देंते। इजीकीएल ३२:२

दानीएल 3:15

गेपुकीमी मुल ग्रोव़, मुराली, ठेयब नु आइक्‍च तार पाइश्‍शो नु मार मार ताप्‍तीक ताप्‍शो नेंनीनु, आं सेल्‍शो मूर्ति आ ङोंइती खुम्‍की पा बाप्‍शा, सेउ पाइतीनी हना, मेको इन कली रिम्‍शो दुम्‍ब। तन्‍न खुम्‍की पा बाप्‍शा, सेउ मपाइतीनी हना, इन कली ठेयब मी ब्रतीकेमी बो हुम्‍चा पुंइसीनीनी। मिनु इन कली आं गुइ रे तेको परमप्रभुम प्रोंइबाक्‍म?” दे माइक्‍तीमी। प्रस्‍थान ५:२; २राजा १८:३५

दानीएल 4:30

मेकोमी “मार, एको बेबीलोन थम रिम्‍शो मबाक्‍बा ङा? गो एको आं ठेयब सक्तिमी आं शुश शोंप वोइश्‍शा, बाक्‍चा कली सेल्‍ता” देंत। हितोपदेस १६:१८

याकूब 3:4

जहाज यो मिम्‍तीन। दोदेंशो ठेयब बाक्‍त हना यो, दोदेंशो ठेयब फशेमी मेको कली गाक्‍पाइश्‍शो बाक्‍त हना यो, चलेबमी मेको कली इम्‍चीली थोव़कमी चलेशो बाक्‍ब। मिनु ते लाइक्‍चा दाक्‍ता, मेकेर लाइक्‍ने चाप्‍ब।

२ पत्रुस 2:18

मेकोपुकीमी हेंथे लोव़ पा पाप रे प्रोंइचा पुंइसीशो नक थमा सुइक्‍ब दुम्‍शो मुर आन कली आन हेंथे पतीके ग्रांग्रा दिचा ङा गेय पपाइक्‍नीम।

यहूदा 1:16

मेकोपुकी गन गन पाइब बाक्‍नीम। मेकोपुकीमी “गो श्‍येत जना जन बाक्‍नुङ” दे गेनायो मग्‍येरथु, आन दला दाक्‍स पना पन बाक्‍नीम। ठेयब लोव़ पा, ठेयब लेश्‍शो मुर बाक्‍नीम। मेकोपुकीमी आंम कली ठेयब सेल्‍सीचा कली मुर आन कुल कोव़नीम।