याकूब 3:3 - Sunuwar Bible

³ गोपुकीमी शारा बिप्‍पाइक्‍चा कली लगम पाइक्‍नय। मोपा मेको शारा आ रां नेल्‍ल चलेने चाप्‍नय।

याकूब 3:3 ပူးပေါင်းရင်းမြစ်များ

२ राजा 19:28

मारदे हना गेम आं पर्बम गाइश्‍शा, इ ठेयब लेश्‍शो लोव़ पशो नेंता। मोपतीके गो इ नेंमी आं बोल्‍सी ब्‍वेक्‍नुङ। इ शोव़मी लगम पाइक्‍नुङ। मिनु गो इ जाक्‍शो लां रेन लेप्‍पाइक्‍नन’ दे परमप्रभु यावेमी सन्‍हेरीब आ पर्बम देंत” देंमाक्‍त।

अय्‍युब 41:13

मेको आ फेक्‍शो वा सुम प्रुइक्‍ने चाप्‍बा? मेको आ तेक्‍तीक कली सुम तूने चाप्‍बा?

भजन संग्रह 32:9

गे मिम्‍तीके मपाइश्‍शो शारा नु खच्‍चर खोदेंशो मदुमीन। मेको आन कली बिप्‍पाइक्‍चा कली लगम नु चलेतीके माल्‍ब। मो मदुम्‍त हना, मेकोपुकी इन नेक्‍था मजाक्‍नीम” देंत।

भजन संग्रह 39:1

मिनु गो “गो आं गेय नेल्‍ल होस पा पाइक्‍नुङ। गो लोव़ पचा यो होस पा पाइक्‍नुङ। मरिम्‍शो पाइबपुकी आं नेक्‍था बाक्‍तेक्‍म हना, गो सिक्‍सी पा बाक्‍नुङ” देंती।

यसैया 37:29

मारदे हना गे आं पर्बम गाइक्‍तीनु, इ ठेयब लेश्‍शो नेंता। मोपतीके गो इ नेंम बोल्‍सी का ब्‍वेक्‍नुङ। मिनु इ शोव़मी लगम पाइश्‍शा इ जाक्‍शो लां लेप्‍पाइश्‍शा सोइक्‍नन’ देंत, दे मतीन” दे मुर सोइताक्‍मी।

याकूब 1:26

सुमी “गो थमा सुइक्‍ब नङ” दे मिम्‍बा, तन्‍न हेंथे ब्‍वाक्‍बा, मेको मुर जोल पाइब बाक्‍ब। मिनु आ थमा सुइक्‍तीके मोशा दुम्‍ब। १पत्रुस ३:१०

याकूब 3:4

जहाज यो मिम्‍तीन। दोदेंशो ठेयब बाक्‍त हना यो, दोदेंशो ठेयब फशेमी मेको कली गाक्‍पाइश्‍शो बाक्‍त हना यो, चलेबमी मेको कली इम्‍चीली थोव़कमी चलेशो बाक्‍ब। मिनु ते लाइक्‍चा दाक्‍ता, मेकेर लाइक्‍ने चाप्‍ब।