याकूब 3:14 - Sunuwar Bible

¹⁴ गे अरु मुर आन थोव़क वाल्‍तीक नु आंम कली ला मिम्‍तीक थुं बाक्‍त हना, ठेयब लेश्‍शा, थमा शेंतीके कली जोल मसेलीन माइ? मबाक्‍कीन।

याकूब 3:14 ပူးပေါင်းရင်းမြစ်များ

उत्पत्ती 37:11

मिनु आ लोक्‍बपुकीमी योसेफ कली मदाक्‍तमे बाक्‍त। आ आफोम चहिं योसेफ आ देंशो मिम्‍शा आ थुंमी वोदा बाक्‍माक्‍त।

उत्पत्ती 38:9

मिनु ओनानमी आ आल मदुम्ब, दे तुइश्‍शा, आ लोक्‍ब आ मीश नु बाक्‍ची ना आ लोक्‍ब आ आल मसेल्‍चा, दे आ वांचेर खपीम ताइक्‍बाक्‍माक्‍त।

२ राजा 10:16

मिनु येहूम मेको कली “गे गो नु पिने। मिनु परमप्रभु यावे कली आं जोंब बोक्‍शा गेय पशो कोव़ङीन” दे मदा बाक्‍त। मिनु मेकोम मेको कली आ बग्‍गीम लदा बाक्‍त।

२ राजा 10:31

मो हना यो येहूम आ थुं नेल्‍लेम होस पा परमप्रभु यावे, इस्राएली आन परमप्रभु आ अरेशो मटिवा बाक्‍त। मेकोमी इस्राएली आन कली पाप पपाइक्‍ब येरोबाम आ पाप पतीक मप्रोना बाक्‍त।

अय्‍युब 5:2

गाइक्‍तीकेम मूर्ख आन कली साइक्‍ब। मिनु गेहे पतीकेम मारेइ मजोक्‍ब आन कली साइक्‍ब।

हितोपदेस 14:30

नांइसीशो थुंमी मुर आन कली ब्रोंइचा गेब। तन्‍न गेहेमी मुर आन रुश मुपाइक्‍ब।

हितोपदेस 27:4

गाइक्‍चा मरिम्‍शो बाक्‍ब। चुरचा मेको क्‍येङा मरिम्‍शो बाक्‍ब। रुश पतीके कली सु फाल्‍ने चाप्‍बा ङा?

यसैया 11:13

एफ्राइम आ गेहे पतीके जाम्‍शा लाइब। यहूदा कली श्‍येत गेब साइक्‍चा पुंइसीनीम। मेना एफ्राइममी यहूदा कली गेहे मपाइब। मिनु यहूदामी यो एफ्राइम कली श्‍येत मगेब।

हबकुक 1:3

गे मारदे आं कली मरिम्‍शो पशो तपाइक्‍नीनी? गे मारदे आं कली श्‍येत जशो तपाइक्‍नीनी? खतम सेल्‍तीके नु जिचा पोक्‍तीक आं ङोंइती बाक्‍नीस। तेइ तेइ राम्‍शी पचा नु जिचा ला पोक्‍नीम।

मत्ती 27:18

मारदे हना आन थुं चोशा, येसु कली ग्‍याइक्‍पदमे बाक्‍त, दे तुइक्‍ता बाक्‍त, मोपतीके येसु कली प्रोंइचा माला बाक्‍त। यूहन्‍ना १२:१९

यूहन्‍ना 16:2

मुरपुकीमी इन कली ग्रुम्‍तीक खिं रे तिल्‍नीम। थमा, इच्‍का नोले इन कली साइक्‍बपुकीमी ‘गो परमप्रभु यावे आ दाक्‍शो पना पन बाक्‍ती’ दे मिम्‍नीम। मत्ती १०:१७,२२; मत्ती २४:९

प्रेरित 13:45

मोपा शुश मुर देल्‍शो तशा, यहूदी आन थुं चोव़मे बाक्‍त। मिनु पावलमी लोव़ शेंदानु, मेकोपुकीमी आ लोव़ ख्रोइश्‍शा, जिचा पोक्‍ग्‍मे बाक्‍त।

प्रेरित 26:9

साइ गो दोपा यो मेको नासरथ ङा येसु आ नें क्‍याम्‍चा, दे मिम्‍शो नङ। प्रेरित ९:१-२९; प्रेरित २२:३-२१

प्रेरित 5:17

सोइश्‍शोपुकीमी मोदेंशो छक लाक्‍चा ङा गेय पशो तशा, ठेयब चढ़ेब नु सदुकी आन थुंम गेहे पामे बाक्‍त। प्रेरित ४:१,६

प्रेरित 7:9

मिनु याकूब आ तौ आन लोक्‍ब योसेफ कली गेहे पा, मेको कली इजीप्‍त रागी ङा मुर आन कली लेयङमे बाक्‍त। तन्‍न परमप्रभु यावेमी मेको कली कोव़शो बाक्‍माक्‍त।

रोमी 1:29

मिनु आन थुं पापम ब्रीशो दुम्‍तेक्‍म। मिनु मार पाम्‍तेक्‍म देंशा हना, मारेइ मारेइ मरिम्‍शो ला पमुम्‍तेक्‍म, शिंम दुम्‍तेक्‍म, थुं चोमुम्‍तेक्‍मे, रुश पमुम्‍तेक्‍मे, मुर साइक्‍तेक्‍मे, जिम्‍तेक्‍मे, जोल पाम्‍तेक्‍मे, ख्रुइश्‍शा मुर आन लोव़ पाम्‍तेक्‍म।

रोमी 13:13

नाक्‍ती छेङछेङ दुम्‍शो खोदेंशो पा रिम्‍शो गेय पय। छिङछिङ ङा गेय मार बाक्‍नीम देंशा हना, शुश जचा ब्‍वचा, दुक्‍शा हेंथे गाक्‍चा, तेल्‍लेम पा, ग्रांग्रा दिचा ङा गेय पचा, जिचा खेचा नु रुश पचा बाक्‍नीम। लूका २१:३४; एफिसी ५:१८

रोमी 2:17

मिनु गे “गो यहूदी ठेयब जात नकी। परमप्रभु यावे आ अरेशो ताइतक, आ योव़शो मुर नकी” दे मिम्‍नीनी।

रोमी 2:8

तन्‍न आंम कली ला मिम्‍बपुकी, थमा लोव़ मटीबपुकी, जोल लोव़ थमा सुइक्‍बपुकी परमप्रभु यावे आ गाइश्‍शो चुरशो ताइनीम। २थिस्‍सलोनिकी १:८

१ कोरिन्‍थी 13:4

दाक्‍तीकेमी श्‍येत फाल्‍ने नु शिशी पने चाप्‍ब। दाक्‍तीकेमी गेहे मपाइब मबोरब।

१ कोरिन्‍थी 3:3

गे मुल सम्‍म रागी ङा मुर खोदेंशो बाक्‍नीनी। गे जीनीनी, रुश पाइनीनी। मिनु रागी ङा मुर खोदेंशो मदुम्‍नी ङा? १कोरिन्‍थी १:१०-११; १कोरिन्‍थी ११:१८

१ कोरिन्‍थी 5:2

मिनु मुल सम्‍म ठेयब लेश्‍शा बाक्‍नीनी? मोदेंशो पशो तशा, इन थुं मखाइक्‍नीनी? मोदेंशो पाइब कली तिल्‍चा माल्‍नीनी। १कोरिन्‍थी ४:६-८

१ कोरिन्‍थी 5:6

इन ठेयब लेश्‍शो रिम्‍शो ममाइ। इम्‍चीली डल्‍ला का बोरपाइक्‍ब ओख्‍तीमी फस नेल्‍ल ङाम्‍शा, बोरब दे मतुइक्‍नीनी? गलाती ५:९

२ कोरिन्‍थी 12:20

मुल ग्रुम्‍यानु, मार दुम्‍बा, दो दुम्‍ब, दे थुं ग्‍येत्‍थ लुक्‍च पा बाक्‍नुङ। मारदे हना ग्रुम्‍यानु, आं दाक्‍शो खोदेंशो मपाइनीनी कों, गो यो इन दाक्‍शो खोदेंशो मपाइनुङा कों? मिनु मगारथु, जिचा बोक्‍शा, गेहे पमुशा, गाइश्‍शा, आंम कली ठेयब सेल्‍मुशा, शुक्‍शी पमुशा, मुर आन पर्बम मरिम्‍शो लोव़ पा नोफा मुइक्‍मुशा, ठेयब लेश्‍शा, खडङ मडङ दुम्‍नया कों? २कोरिन्‍थी १०:२

गलाती 5:15

गेपुकी कुचुम जिशा क्राइक्‍मुशो खोदेंशो पा जीतीनी हना, खतम दुम्‍नीकी, दे तुइक्‍तीन। याकूब ४:२

गलाती 5:20

मूर्ति पूजा पाइनीमी, मन्‍तर तन्‍तर पाइ‍नीमी, जिचा पोक्‍नीमी, थुं खाइक्‍पाइक्‍नीमी, रुश पाइनीमी, शुश चुरनीमी, आंम कली ला मिम्‍नीमी, गाइश्‍शा बाक्‍नीमी, दुशा गारशा बाक्‍ब आन कली फ्रानीमी,

गलाती 5:21

गेहे पाइनीमी, तूशा दुक्‍शा हेंथे पाइनीमी, शुश जाइनीमी। मारेइ मारेइ मरिम्‍शो पशा गाक्‍नीम। साइ गोमी मोदेंशो गेय पाइबपुकी परमप्रभु यावे आ राज्‍य ओव़चा मताइनीम, दे शेंताक्‍न्‍नी। मुल लेंशा मिम्‍पाइक्‍तन्‍नी। एफिसी ५:५; प्रकाश २२:१५

गलाती 5:26

मोपतीके ठेयब मसेल्‍सीय, मगाइक्‍मुय अरु आन कली रिम्‍शो दुम्‍शो तशा गेहे मपय। फिलिप्‍पी २:३

गलाती 6:13

आंइ यहूदी रिती थिती नेल्‍ल मपाइनीमी, ख्रोइक्‍तीक चिनु ला ख्रोइक्‍नीम। मिनु इन कली ख्रोइक्‍तीक चिनु ख्रोइश्‍शो तचा दाक्‍नीम। मोदेंशो पशो तशा “आंइ शेंशो पामे बाक्‍त” दे आन नें बोरपाइश्‍शा गाक्‍चा ताइनीम।

फिलिप्‍पी 1:15

का निक्‍शीमी गेहे पशा, नेल्‍ल क्‍येङा ठेयब नङ, दे ख्रीस्‍त आ पर्बम शेंनीम। का निक्‍शीमी चहिं रिम्‍शो थुं पा शेंनीम।

फिलिप्‍पी 2:3

गेपुकी ठेयब लेश्‍शा “गो ठेयब नङ” दे मिम्‍शा, काइ गेय मपने। ब्रेम्‍शो थुंमी “मेको मुर आं क्‍येङा ठेयब बाक्‍ब” दे मिम्‍तीन। गलाती ५:२६; रोमी १२:१०

१ तिमोथी 2:4

परमप्रभु यावेमी नेल्‍ल मुर आन कली मरिम्‍शो गेय रे प्रोंइश्‍शा, थमा लोव़ तुइक्‍पाइक्‍चा दाक्‍ब। इजीकीएल १८:२३; रोमी ११:३२; २पत्रुस ३:९

१ तिमोथी 6:4

मेको अरु लोव़ शेंब ठेयब लेश्‍शो मारेइ मजोक्‍ब बाक्‍नीम। आन लोव़ ला आ तार पशा, जिचा पोक्‍चा माल्‍नीम। मेकोपुकीमी गेहे पाइब, जीब, मरिम्‍शो लोव़ पाइब नु मरिम्‍शो मिम्‍ब सेल्‍नीम। २तिमोथी २:१४; तीतस ३:१०-११

तीतस 3:3

ङोंइती गो मरुप्‍ब बाक्‍तय। परमप्रभु यावे कली मटीब बाक्‍तय, हेंथे गाक्‍ब, मार मार दाक्‍तय, मेको दला दाक्‍स पाइब बाक्‍तय। ग्रांग्रा दिचा ङा गेय पाइब बाक्‍तय। गो मरिम्‍शो पा गेहे पाइतय। मिनु गोपुकी काइ मदाक्‍मुय। १कोरिन्‍थी ६:११; एफिसी २:२; एफिसी ५:८; १पत्रुस ४:३

याकूब 1:18

परमप्रभु यावेमी इं कली आ थमा लोव़ पतीकेमी नक जरमेशो मुर सेल्‍तु। मोदेंशो पा ङोंइती सिश्‍शो फल खोदेंशो पा आ मुर दुम्‍तय। यूहन्‍ना १:१३; १पत्रुस १:१:२३

याकूब 3:16

मुरुमी मुर आन के थोव़क वाल्‍चा नु आंम कली ठेयब सेल्‍चा ला मिम्‍ताक्‍व हना, मेको मुरुमी मरिम्‍शो गेय नु अरु पाप यो पना पन बाक्‍ब।

याकूब 5:19

आं दाक्‍शो लोक्‍बपुकी, इन दाते ङा मुर का थमा लां रे ङोन लत हना, अर्को थमा सुइक्‍बमी मेको कली आ पशो पाप रुप्‍पाइश्‍शा, परमप्रभु यावे आ लां गे लेप्‍पाइक्‍तु हना, गलाती ६:१