याकूब 2:9 - Sunuwar Bible

⁹ तन्‍न गेपुकीमी थमा सुइक्‍ब का कली ठेयब सेल्‍शा, अरु आन कली आइक्‍च सेल्‍तीनी हना, गे पाप पाइनीनी। मिनु परमप्रभु यावे आ अरेशो लोव़ मटीब दुम्‍नीनी। ब्‍यवस्‍था १:१७

याकूब 2:9 ပူးပေါင်းရင်းမြစ်များ

लेवी 19:15

गे जोल पाइब सांकछी मदुमीन। ठेयब मुर बाक्‍त हना यो, आइक्‍च मुर बाक्‍त हना यो, मुर आन कुल मकोव़थु, ठीक निसाफ पने। प्रस्‍थान २३:३,६; ब्‍यवस्‍था १६:१९,२०

यूहन्‍ना 16:8

मिनु मेको जाक्‍शा, रागी ङा मुर आन कली पाप आ पर्बम नु परमप्रभु यावे आ ङोंइती मार ठीक बाक्‍ब नु परमप्रभु यावे आ निसाफ पतीक दोदेंशो बाक्‍बा, दे शेंब।

यूहन्‍ना 8:46

गेपुकीमी आं कली ‘गे मरिम्‍शो पाइब नवे’ दे दोसी सेल्‍ने चाप्‍नीनी ङा? गो थमा लोव़ पाता हना, मारदे आं कली थमा मसुइक्‍नीनी? २कोरिन्‍थी ५:२१; १पत्रुस २:२२; १यूहन्‍ना ३:५; हिब्रू ४:१५

यूहन्‍ना 8:9

मिनु येसु आ लोव़ नेंशा, दोस गेब मुर जोक्‍ब तुइक्‍ब खाल्‍पा रे का का पा नेल्‍ल लाम्‍तेक्‍म। मिनु येसु नु मेको मीश मुर ला लीताक्‍स।

प्रेरित 10:34

मिनु पत्रुसमी “परमप्रभु यावेमी सुइ आन कली मतिल्‍थु, उइक्‍थ उइक्‍थ मिम्‍ब। ब्‍यवस्‍था १०:१७; १सामुएल १६:७; रोमी २:११

रोमी 3:20

मिनु अरेशो लोव़ पशा, सुइ ठीक मदुम्‍नीम। मारदे हना आ अरेशो लोव़ तुइश्‍शा, गो मरिम्‍शो पाइब बाक्‍नय, दे तुइक्‍नय। भजन संग्रह १४३:२; गलाती २:१६; रोमी ७:७

१ कोरिन्‍थी 14:24

तन्‍न गे नेल्‍ल परमप्रभु यावे आ लोव़ पना पन बाक्‍नीनु, थमा मसुइक्‍ब, अरु मुर ओव़शा, इन मोदेंशो नेंशा, आ थुंमी मिम्‍शा, आ मरिम्‍शो पशो नेल्‍ल फ्रुक्‍ब।

गलाती 2:19

गो यहूदी आन पतीके आन पर्बम बेक्‍शो मुर दुम्‍ती। ख्रीस्‍त नु काथा शीम कांटी थोक्‍शा, क्‍याइश्‍शा साइक्‍चा पुंइसाक्‍यी। मुल गो परमप्रभु यावे आ दाक्‍शो पा ब्रोंइनुङ।

ब्‍यवस्‍था 1:17

निसाफ पनीनु, मुर आन कुल मकोव़ङीन। गेपुकीमी आइक्‍च नु ठेयब मुर, नेल्‍ल आन लोव़ नेनीन। सुइ कली महिनीन। मारदे हना निसाफ परमप्रभु आ गुइमी बाक्‍ब। इन मचाप्‍शो निसाफ चहिं गो नेंनुङ। मेको कली आं बाक्‍तीक चाक्‍कीन’ दे माइक्‍ताक्‍मी। ब्‍यवस्‍था १६:१९; २इतिहास १९:६-७; प्रस्‍थान २१:६

१ यूहन्‍ना 3:4

मिनु सुम मरिम्‍शो पाइबा, मेकोमी परमप्रभु यावे आ अरेशो लोव़ मटीब। मरिम्‍शो मार बाक्‍ब देंशा हना, परमप्रभु यावे आ अरेशो लोव़ मटिचा मरिम्‍शो बाक्‍ब।

यहूदा 1:15

परमप्रभु यावे कली मटीब नेल्‍ल आन कली आन थमा मसुइक्‍तीकेमी पशो मटितीके तपाइक्‍नीम। परमप्रभु यावे रे ङोन बाक्‍ब पापीपुकीम परमप्रभु यावे कली मार मार मरिम्‍शो लोव़ पामे, मेको आन कली निसाफ पशा, सजाइ गेचा, दे जाक्‍तेक्‍म” दे लोव़ पवा बाक्‍त।