याकूब 2:25 - Sunuwar Bible

²⁵ अब्राहाम खोदेंशो पा राहाब माइश्‍शो तेल्‍लेम मीश मुरुमी यो थमा सुइक्‍ब दुम्‍शा, आ पशो गेयमी ठीक दुम्‍माक्‍त। दोदेंब गेय पवा बाक्‍त देंशा हना, इस्राएल ङा मुर निक्‍शी आस कली अरु लां कोंइशा, सोइक्‍ता बाक्‍त। हिब्रू ११:३१; यहोसु २:-

याकूब 2:25 ပူးပေါင်းရင်းမြစ်များ

मत्ती 1:5

साल्‍मोनमी राहाब माइश्‍शो मीश रे बोआज थि‍माक्‍त। बोआजमी रूथ माइश्‍शो मीश रे ओबेद थि‍माक्‍त। ओबेदमी येस्‍से थि‍माक्‍त। येस्‍सेमी दाऊद थि‍माक्‍त। दाऊद चहिं पिप दुम्‍माक्‍त। यहोसु २:१; रूथ ४:१३-१७

मत्ती 21:31

आस आफ आ दाक्‍शो सुमी पवा? जेठामी पवा, दे कान्‍छामी पवा?” दे माइक्‍मीनु “जेठामी पवा बाक्‍त” देंतेक्‍म। मिनु येसुमी मेको आन कली “नोफा दाइश्‍शा नेनीने, इन क्‍येङा ङोंइती तिरो पोक्‍ब नु तेल्‍लेम पाइबपुकी परमप्रभु यावे आ राज्‍य ओव़चा ताइनीम। लूका १८:९-१४

प्रेरित 17:7

मिनु एको यासोनमी मेको आन कली बास गेशा थुल्‍शा वोइक्‍तीमी। मेकोपुकीमी इं रोमी पिप सिजर कली ममानेचा। येसु कका पिप बाक्‍ब, दे शेंना शेंन गाक्‍नीम” दे दोस गेमे बाक्‍त। लूका २३:२

हिब्रू 11:31

ङोंइती राहाब तेल्‍लेममी मोसाम सोइश्‍शो क्‍यारी पाइब आन कली जतीक बाक्‍तीक गेशा मान पशो बाक्‍माक्‍त। मिनु आन देंशो लोव़ थमा सुइक्‍तीके मटीब नेल्‍ल नु मबेक्‍थु, ब्रोंइचा तवा बाक्‍त। याकूब २:२५

याकूब 2:18

मुर का निक्‍शीमी “गे थमा सुइक्‍ब दुम्‍तीनी। गो चहिं परमप्रभु यावे आ गेय पाइब दुम्‍तक। मोपतीके इन थमा सुइश्‍शो कोंइदीन। इन गेय कोंइचा ममाल्‍नीनी। गो यो आंइ पशो गेय रे आंइ थमा सुइक्‍तीके कोंइनीकी” देंने चाप्‍नीम। गलाती ५:६

याकूब 2:22

आ थमा सुइक्‍तीके नु आ गेय काथ काथा पवा बाक्‍त। मोपा आ थमा सुइक्‍तीके आ गेयमी ठीक दुम्‍शो बाक्‍माक्‍‍त।

याकूब 2:24

मुरुमी थमा सुइक्‍चा ला ममाइ, आन गेयमी यो ठीक दुम्‍नीम, दे गेपुकी रुप्‍‍‍ने मचाप्‍नीनी ङा?

यहोसु 2:1

मिनु नून आ तौ यहोसुमी, सुइम मतुइक्‍चा ङा पा, शित्तीम रे मुर निक्‍शी क्‍यारी पथ सोइक्‍ताक्‍व। मिनु यहोसुमी मेको आस कली “मेको रागी नु यरीको नेल्‍ल क्‍यारी पथ लस” देंत। मिनु मेको निक्‍शी मेकेर जाक्‍दीश्‍शा, राहाब माइश्‍शो तेल्‍लेम आ खिंमी बास बाक्‍सा बाक्‍त। मत्ती १:५; हिब्रू ११:३१; याकूब २:२५

यहोसु 2:15

मिनु मेको मीश मुरुमी मेको निक्‍शी आस कली झेल रे डोरी तोक्‍‍शा, उइ तोइक्‍चा गेम्‍सी बाक्‍त। मारदे हना मेको आ खिं मेको सहर ङा गारोम बाक्‍माक्‍त।

यहोसु 2:16

मिनु मेको मीश मुरुमी मेको निक्‍शी आस कली “गे डांडा गे लसे। मेक लाइतीसी हना, खेदा पाइबपुकीमी इस कली मथित्‍नीम। मेको खेदा पाइब एक्‍य मलेम्‍मा सम्‍म, गे सां नाक्‍ती मेकेर ख्रुंइसीस। मिनु नोले इस लां लसे” देंमाक्‍त।

यहोसु 2:4

तन्‍न मेको मीश मुरुमी मेको निक्‍शी आस कली लाइश्‍शा, ख्रुइक्‍तीम्‍सी बाक्‍त। मिनु मेकोमी लोव़ चाक्‍ब आन कली “मेको निक्‍शी थमा पा आं बाक्‍तीकेमी जाक्‍ताक्‍स। तन्‍न ते रे जाक्‍शो नसी गो मतुइक्‍तु।

यहोसु 2:6

तन्‍न मेकोमी मेको निक्‍शी आस कली तला तारी वोइश्‍शा, पले आ डाठमी सुम्‍शा, ख्रुइश्‍शा वोइश्‍शो बाक्‍माक्‍त।

यहोसु 6:17

एको सहर नु एको आगा बाक्‍शो मारेइ मारेइ खतम सेल्‍तीक परमप्रभु यावे केन बाक्‍ब। राहाब तेल्‍लेम नु आ खिंमी बाक्‍ब मुर ला ब्रोंइचा ताइनीम। मारदे हना मेकोमी आंइ सोइश्‍शो क्‍यारी पाइब मुर आस कली ख्रुइश्‍शा प्रोंइशो बाक्‍त। ब्‍यवस्‍था २०:१६-१७; यहोसु २:१२-१३; हिब्रू ११:३१