याकूब 2:20 - Sunuwar Bible

²⁰ गे दूली पाइबपुकी, गेय मपथु थमा सुइक्‍तीके शोर गाक्‍शो बाक्‍ब, मेको तुइक्‍तीन।

याकूब 2:20 ပူးပေါင်းရင်းမြစ်များ

हितोपदेस 12:11

सु सुमी आंम रूम शोक्‍नीमी, मेकोमी जचा शुश ताइनीम। तन्‍न सु सुमी शोर गाक्‍‍शो लोव़ पा गाक्‍नीमी, मेको निप्‍स मपाइश्‍शो बाक्‍नीम। हितोपदेस २८:१९

येरमीया 2:5

परमप्रभु यावेमी मार देंत देंशा हना “इन किकी पिपीम आं कली मार, दोस गेयीमी? मारदे आं कली प्रोंइशा, ङोन लमा? मेकोपुकी शोर गाक्‍शो मूर्ति आन नोले खोइक्‍तेक्‍म। मिनु मेको यो शोर गाक्‍शो दुम्‍तेक्‍म। मीका ६:३

रोमी 1:21

परमप्रभु यावे नेल्‍ल क्‍येङा ठेयब बाक्‍ब, दे तुइश्‍शा यो ठेयब मसेलेम। परमप्रभु यावे कली “गे रिम्‍शो पाइतीनी” दे यो मदेंम। तन्‍न आन मिम्‍तीकेमी दूली पना पन बाक्‍तेक्‍म। मिनु आन मरुप्‍ब थुं क्‍येङा मरुप्‍ब दुम्‍त। एफिसी ४:१८

रोमी 3:28

गोपुकीम “परमप्रभु यावे आ अरेशो लोव़ ङा गेयम मुर आन कली ठीक मसेल्‍ब” दे शेंनीकी। थमा सुइश्‍शोमी ला मुर आन कली ठीक सेल्‍ब। गलाती २:१६

रोमी 9:20

गे मुर दुम्‍शा परमप्रभु यावे कली दोस गेचा दुम्‍बा ङा? सेल्‍चा पुंइसीबमी सेल्‍ब कली “मारदे ओपा सेल्‍यी” देंबा ङा? यसैया ४५:९

गलाती 5:6

ख्रीस्‍त येसु नु थुं का दुम्‍शा, ख्रोइक्‍तीक चिनु ख्रोइश्‍शो, मख्रोइश्‍शो आन कली मतिल्‍थु, थमा सुइक्‍तीकेमी दुशा गारशा दाक्‍मुशा बाक्‍शोम सक्ति बाक्‍ब। गलाती ६:१५; रोमी २:२६; १कोरिन्‍थी ७:१९

गलाती 6:3

सुइ ठेयब मसुंइ‍सेक्‍ल। मजोक्‍थु यो जोक्‍ब तुइक्‍ब नङ, दे ठेयब लेप्‍बमी आंम कली जोल पांइसीब।

कलस्‍सी 2:8

मिनु गेपुकी दूली लोव़ शेंब आन नोले मखोतीन। मेकोपुकीमी इन कली मुर आन मिम्‍तीके नु फश लोव़ पशा, मुर आन रिती थिती ला शेंनीमी। मेको रागी रागी ङा मुर आन थुं ङा बाक्‍ब, ख्रीस्‍त के ममाइ।

१ तिमोथी 1:6

का निक्‍शीमी मेको शेंतीक प्रोंइशा, शोर गाक्‍शो लोव़ पाइनीम। १तिमोथी ६:४,२०

तीतस 1:10

परमप्रभु यावे आ शें‍शो लोव़ मटीबपुकी शुश बाक्‍नीमी। शोर गाक्‍‍शो लोव़ पाइब नु हेंथे लां शेंब बाक्‍नीम। मेको शुश ख्रोइक्‍तीक चिनु पाइश्‍शो इस्राएली बाक्‍नीम।

याकूब 1:26

सुमी “गो थमा सुइक्‍ब नङ” दे मिम्‍बा, तन्‍न हेंथे ब्‍वाक्‍बा, मेको मुर जोल पाइब बाक्‍ब। मिनु आ थमा सुइक्‍तीके मोशा दुम्‍ब। १पत्रुस ३:१०

याकूब 2:17

इन थमा सुइक्‍तीकेमी गेय मपाप्‍तु हना, मेको थमा सुइक्‍तीके बेक्‍शो बाक्‍ब।

याकूब 2:26

मिनु दोपा सोक्‍त मपाइश्‍शो मुर बेक्‍शो बाक्‍बा, मोपा थमा सुइक्‍बमी थमा सुइश्‍शो गेय मपाप्‍तु हना, आ थमा सुइक्‍तीके बेक्‍शो बाक्‍ब।