15 मिनु लोक्ब का के जचा फेक्चा मबाक्त हना,
गे शोव़लु बेक्ब आन कली इन जचा थोव़क गेतीनी हना, श्येत जाइब आन माल्शो गेतीनी हना, इन छेङछेङ छिङछिङम ब्राइब। इन नाक्दो ङा छिङछिङ नाक्ती ङा छेङछेङ खोदेंशो दुम्ब।
आंम जचा थोव़क शोव़लु बेक्ब नु योक्चा, खिं मबाक्शो नु प्रुङग आन कली इन खिंम बाक्चा गेचा, शिश्रा बाक्ब आन कली वा फेक्चा गेचा नु इन लोक्ब आन कली वारच पचा, आं दाक्शो माइजा बाक्तीक बाक्ब। ब्यवस्था १५:११; इजीकीएल १८:७; मत्ती २५:३५-३६
मेकोम सुइ आन कली मदिप्ब, जाकटी वोइश्शो मार मार लेश्शा गेब, मेकोम खुइ मपाइब, शोव़लु बेक्शो आन कली आ जचा थोव़क गेब। मिनु शिश्रा बाक्शो आन कली वा फेक्पाइक्ब। ब्यवस्था २४:१०-१३; यसैया ५८:७
श्येत जशो मुर गेना हना यो थित्नीनी, मिनु शिशी पाइक्चा दाक्ताक्नी हना, गेना हना यो पाइक्ने चाप्नीनी। आं कली चहिं नोले मथित्नीनी। ब्यवस्था १५:११
मिनु यूहन्नामी “सु के फेक्तीक वा निक्शी बाक्मे, मेकोमी फेक्तीक का मबाक्शो कली गेचा माल्ब। सु के जचा थोव़क बाक्मे, मेकोमी जचा मताइब कली गेचा माल्ब” देंमाक्त।
शेंना शेंन गाक्मेनु, ग्रीक लोव़ पाइब यहूदीपुकी यो ग्रुम्मी बाक्त। मिनु हिल्लो हिक्सी पमुमानु, जिचा बोक्माक्त। मोदेंशो दुम्मेनु, सावल कली साइक्चा माल्मे बाक्त।
फुल्लु आप्शा साइक्चा पुंइसमा बाक्त, आरामी रिक्शा साइक्चा पुंइसमा बाक्त, तरवारम क्योरशा साइक्चा पुंइसमा बाक्त। २इतिहास २४:२१
आं लोक्बपुकी, नेनीन, परमप्रभु यावेमी रागी ङा प्रुङग आन कली शुश थमा सुदमेक्ल, दे मयोव़ङा ङा? मिनु परमप्रभु यावे कली दाक्ब नेल्ल आ राज्य ओव़चा ताइनीम मदेंम ङा? १कोरिन्थी १:२६; १कोरिन्थी ११:२२; लूका १२:२१
सुमी शुश शोंप थिशा यो, लोक्ब आन कली श्येत जशो तशा “गो मारेइ मगेनुङ” दे मिम्बा, मेको मुर आ थुं रे परमप्रभु यावे आ गेशो दाक्तीक सक्ति यो जाम्शा लाइब। ब्यवस्था १५:७; १यूहन्ना ४:२०
