याकूब 2:14 - Sunuwar Bible

¹⁴ आं लोक्‍बपुकी, मुर कामी “गो थमा सुइक्‍नुङ” दे परमप्रभु यावे आ अरेशो लोव़ नु गारब गेय मपाप्‍तु हना, आ थमा सुइश्‍शोमी मेको कली पाप रे प्रोंइने चाप्‍बा ङा? मत्ती ७:२१

याकूब 2:14 ပူးပေါင်းရင်းမြစ်များ

येरमीया 7:8

तन्‍न गेपुकी दा जोल लोव़ कली थमा सुइक्‍‍नीनी। मेको नेल्‍ल मोशा बाक्‍नीम।

मत्ती 5:20

सास्‍त्री नु फरिसी आन पशो क्‍येङा गे रिम्‍शो ठीक गेय मपाइतीनी हना, गेपुकी यो स्‍वर्ग ङा राज्‍य ओव़चा मताइनीनी, दे इन कली देंनुङ। मत्ती २३:२-३३

लूका 3:11

मिनु यूहन्‍नामी “सु के फेक्‍तीक वा निक्‍शी बाक्‍मे, मेकोमी फेक्‍तीक का मबाक्‍शो कली गेचा माल्‍ब। सु के जचा थोव़क बाक्‍मे, मेकोमी जचा मताइब कली गेचा माल्‍ब” देंमाक्‍त।

लूका 6:49

सुमी आं लोव़ नेंशा मपाइबा, मेकोमी खिं सेलानु, जग मदोथु सेल्‍ब। मिनु रेउ यिमेनु, मेको खिं नेल्‍ल ब्रेश्‍शा भोलम योल्‍ब” दे शेंदीमी बाक्‍त।

प्रेरित 15:9

मेकोपुकीमी येसु ख्रीस्‍त कली थमा सुइक्‍तीकेमी माफ तशा, गो नेल्‍ल का दुम्‍शो बाक्‍नीकी।

प्रेरित 8:13

शुशेमी थमा सुइश्‍शो तशा, मेको चटक पा गाक्‍ब सिमोन यो थमा सुइक्‍ब दुम्‍शा, ब्‍वाक्‍कुम ख्रुम्‍शा ग्रुंइचा पुंइसे बाक्‍त। मिनु फिलीप कली मप्रोंइथु, काथा गाक्‍बा दुम्‍माक्‍त। फिलीपमी चिन्‍ड नु छक लाक्‍चा ङा गेय कोंइदानु, सिमोन यो छक लाक्‍बाक्‍माक्‍त।

प्रेरित 8:21

गे मेको गेय पने मचाप्‍नेवे। मारदे हना इ थुं परमप्रभु यावे आ ङोंइती मरिम्‍शो बाक्‍ब।

रोमी 2:25

गे ख्रोइक्‍तीक चिनु ख्रोइश्‍शा, परमप्रभु यावे आ आ अरेशो लोव़ टीतीनी हना, रिम्‍शो दुम्‍ब। तन्‍न ख्रोइक्‍तीक चिनु ख्रोइश्‍शा आ अरेशो मटीतीनी हना, गे ख्रोइक्‍तीक चिनु मख्रोइश्‍शो खोदेंशो दुम्‍नीनी।

१ कोरिन्‍थी 15:2

एको लोव़ दोपा शेंदन्‍नी, मोपा थमा सुइक्‍ना सुइक्‍न बोल्‍यो दुम्‍‍तीनी हना, परमप्रभु यावे नु बाक्‍चा ताइनीनी।

१ कोरिन्‍थी 16:22

प्रभु कली मदाक्‍बपुकी सराप रमल। इं प्रभु जाक्‍कीन। प्रकाश २२:२०

गलाती 5:13

आं लोक्‍बपुकी, प्रभुमी रिती थिती पचा प्रोंइपाइक्‍तीकी, दे गेनायो मप्रेंदीने। मोपा ब्रोंइशा यो इन दला दाक्‍स मपने। तन्‍न दाक्‍मुशा, वारच पमुशा बाक्‍कीने। १पत्रुस २:१६; २पत्रुस २:१९

गलाती 5:6

ख्रीस्‍त येसु नु थुं का दुम्‍शा, ख्रोइक्‍तीक चिनु ख्रोइश्‍शो, मख्रोइश्‍शो आन कली मतिल्‍थु, थमा सुइक्‍तीकेमी दुशा गारशा दाक्‍मुशा बाक्‍शोम सक्ति बाक्‍ब। गलाती ६:१५; रोमी २:२६; १कोरिन्‍थी ७:१९

१ थिस्‍सलोनिकी 1:3

गोपुकी इं आफ परमप्रभु यावे आ ङोंइती इन थमा सुइक्‍तीके ङा गेय, दाक्‍चा ङा गेय नु इं प्रभु येसु ख्रीस्‍त कली आस पतीके मिम्‍ना मिम्‍न बाक्‍नीकी। १कोरिन्‍थी १३:१३

१ तिमोथी 1:5

इं शेंतीके चहिं रिम्‍शो थुं, रिम्‍शो थुं ङा मिम्‍तीके नु रिम्‍शो थमा सुइक्‍तीके रे जाक्‍शो शुश दाक्‍मुचा आ पर्बम बाक्‍ब। मत्ती २२:३७-४०; रोमी १३:१०; गलाती ५:६

१ तिमोथी 4:8

रां कली रिम्‍शो पतीके इच्‍का ला रिम्‍शो बाक्‍ब। परमप्रभु यावे कली मिम्‍शा दाक्‍तीके नेल्‍ल क्‍येङा रिम्‍शो बाक्‍ब। मारदे हना मुल कली रिम्‍शो बाक्‍ब नु गेना हना यो परमप्रभु यावे नु बाक्‍चा कली नोले यो रिम्‍शो बाक्‍ब। १तिमोथी ६:६

तीतस 1:16

मिनु मेकोपुकीमी “गो परमप्रभु यावे कली तुइक्‍नुङ” देंखु पाइनीमी। तन्‍न आन पतीकेमी मतुइक्‍ब बाक्‍नीम, दे तुंइसीब। मोपा मेकोपुकी ग्रांग्रा दिचा ङा मुर बाक्‍नीम। मिनु मटीब दुम्‍शा, रिम्‍शो गेय यो पने मचाप्‍नीम। २तिमोथी ३:५

तीतस 3:8

एको लोव़ थमा बाक्‍ब। मिनु एको लोव़ शुश शेंदो। मोदेंशो पा शेंताक्‍वी हना, परमप्रभु यावे कली थमा सुइक्‍ब दुम्‍शो मुरपुकी रिम्‍शो गेय पचा कली होस पा बाक्‍नीम। आं देंशो शेंतीके मुर आन कली रिम्‍शो नु गारचा ङा बाक्‍ब।

हिब्रू 11:17

अब्राहाममी आ थुं थाम्‍चा पुंइसीशा थमा सुइश्‍शा, आ तौ इसहाक कली चढ़ेवा बाक्‍त। इसहाक अब्राहाम आ कांइचीक तौ बाक्‍माक्‍त। मेको रे पा परमप्रभु यावे आ गेशो लोव़ थमा दुम्‍चा माल्‍शो बाक्‍माक्‍त। उत्‍पत्ती २२:१-१९; याकूब २:२१

हिब्रू 13:9

मुल सम्‍म मनेंशो नु दूली शेंब लोव़मी इन थुं क्‍याल्‍चा मगेने। परमप्रभु यावे आ शिशीमी रिम्‍शो थुं पाइश्‍शो दुम्‍तय, दे गेनायो मप्रेंदीने। चोव़खो जशोमी ठीक थुं मसेल्‍ब, दे रुपीने। एफिसी ४:१४; २कोरिन्‍थी १:२१; रोमी १४:१७; १तिमोथी ४:८

याकूब 1:16

आं दाक्‍शो थमा सुइक्‍ब लोक्‍बपुकी, दूली लां मखोतीन।

याकूब 2:16

मेको कली “थुं नाइश्‍शा बाक्‍को। परमप्रभुमी इ कली फेक्‍तीक गेवल। जचा गेवल” देंशा, गे मेको कली आ माल्‍शो मारेइ मगेतीनी हना, इन थमा सुइक्‍तीके शोर गाक्‍शो बाक्‍ब। १यूहन्‍ना ३:१८

याकूब 2:18

मुर का निक्‍शीमी “गे थमा सुइक्‍ब दुम्‍तीनी। गो चहिं परमप्रभु यावे आ गेय पाइब दुम्‍तक। मोपतीके इन थमा सुइश्‍शो कोंइदीन। इन गेय कोंइचा ममाल्‍नीनी। गो यो आंइ पशो गेय रे आंइ थमा सुइक्‍तीके कोंइनीकी” देंने चाप्‍नीम। गलाती ५:६

याकूब 2:26

मिनु दोपा सोक्‍त मपाइश्‍शो मुर बेक्‍शो बाक्‍बा, मोपा थमा सुइक्‍बमी थमा सुइश्‍शो गेय मपाप्‍तु हना, आ थमा सुइक्‍तीके बेक्‍शो बाक्‍ब।

२ पत्रुस 1:5

मोपतीके गे इन थमा सुइक्‍तीके नु इन पशो गेय गारचा माल्‍ब। इन पशो गेय नु “परमप्रभु यावे आ दाक्‍शो मार बाक्‍मे?” दे तुइक्‍चा माल्‍नीनी। गलाती ५:६,२२