याकूब 2:1 - Sunuwar Bible

¹ आं लोक्‍बपुकी, इं प्रभु येसु ख्रीस्‍त कली थमा सुइक्‍नीनी। मेको छेङछेङ ङा प्रभु बाक्‍ब। मोपतीके गेपुकी यो मुर आन कुल मकोव़ङीन।

याकूब 2:1 ပူးပေါင်းရင်းမြစ်များ

२ इतिहास 19:7

परमप्रभु यावे कली मान पा हिनीन। होस पा निसाफ पने। मारदे हना परमप्रभु यावे, इं परमप्रभुमी दूली निसाफ मपाइब। मेको कुल मकोव़ब नु घूस मताक्‍ब निसाफ पाइब बाक्‍ब” देंमाक्‍त। प्रस्‍थान १८:२१; ब्‍यवस्‍था १०:१७; रोमी २:३१

हितोपदेस 24:23

एको लोव़ जोक्‍ब तुइक्‍ब मुर आन देंशो बाक्‍ब। निसाफ पतीकेमी कुल कोव़मुचा मरिम्‍शो बाक्‍‍ब। लेवी १९:१५

हितोपदेस 28:21

कुल कोव़मुचा मरिम्‍शो बाक्‍ब। तन्‍न मुरुमी आइक्‍च शोब्‍ले तचा कली मरिम्‍शो पाइनीमी कों। हितोपदेस १८:५; ब्‍यवस्‍था १:१७

लेवी 19:15

गे जोल पाइब सांकछी मदुमीन। ठेयब मुर बाक्‍त हना यो, आइक्‍च मुर बाक्‍त हना यो, मुर आन कुल मकोव़थु, ठीक निसाफ पने। प्रस्‍थान २३:३,६; ब्‍यवस्‍था १६:१९,२०

मत्ती 22:16

मिनु आन शेंसीब नु हेरोद आ वारच आन कली येसु आ बाक्‍तीके ओं माइक्‍थ सोइक्‍तीमी बाक्‍त “हे शेंब, गे थमा पाइब ननी। मुर आन कुल मकोव़थु सुइ नु महिंथु, परमप्रभु यावे आ लोव़ थमा पा शेंनीनी, दे तुइक्‍नीक। यूहन्‍ना ३:२

प्रेरित 10:34

मिनु पत्रुसमी “परमप्रभु यावेमी सुइ आन कली मतिल्‍थु, उइक्‍थ उइक्‍थ मिम्‍ब। ब्‍यवस्‍था १०:१७; १सामुएल १६:७; रोमी २:११

प्रेरित 20:21

मोदेंशो शेंशा गाक्‍शा यहूदी, ग्रीक नु नेल्‍ल रागी ङा मुर आन कली ‘पाप पचा प्रोंइशा, परमप्रभु यावे गे लेश्‍शा, इं प्रभु येसु ख्रीस्‍त कली थमा सुइक्‍य’ दे शेंना शेंन गाक्‍ती।

प्रेरित 24:24

इच्‍का नाक्‍त नोले हुकुम पाइब फेलीक्‍स नु आ मीश द्रुसील्‍ला जाक्‍सा बाक्‍त। आ मीश यहूदी तमी बाक्‍माक्‍त। मिनु पावल कली चाक्‍पाइश्‍शा, ख्रीस्‍त कली थमा सुइक्‍चा आ पर्बम लोव़ पपदसे बाक्‍त।

प्रेरित 7:2

स्‍तीफानसमी “आं आफ, बाजे नु आं लोक्‍बपुकी, गो लोव़ का निक्‍शी पाइनुङ। दोपा छेङछेङ नु सक्ति पाइश्‍शो परमप्रभु यावेमी इं किकी पिपी अब्राहाम कली तपांइसे, गो मेको नेल्‍लेमी तुइक्‍नय। उत्‍पत्ती ११:- ५०:-; यहोसु २४:३२

रोमी 1:11

मारदे हना इन थमा सुइक्‍तीक थुं बारपा बोल्‍यो सेलु, दे इन कली ग्रुम ग्रुम दाक्‍ती। रोमी १५:२९

१ कोरिन्‍थी 2:8

मेको लोव़ रागी ङा ठेयब मुरपुकीमी मरुबेम। रुप्‍तेक्‍म हना, सक्ति पाइश्‍शो प्रभु कली शीम केप्‍शा कांटी थोक्‍शा क्‍याइश्‍शा मसदेम वा।

ब्‍यवस्‍था 1:17

निसाफ पनीनु, मुर आन कुल मकोव़ङीन। गेपुकीमी आइक्‍च नु ठेयब मुर, नेल्‍ल आन लोव़ नेनीन। सुइ कली महिनीन। मारदे हना निसाफ परमप्रभु आ गुइमी बाक्‍ब। इन मचाप्‍शो निसाफ चहिं गो नेंनुङ। मेको कली आं बाक्‍तीक चाक्‍कीन’ दे माइक्‍ताक्‍मी। ब्‍यवस्‍था १६:१९; २इतिहास १९:६-७; प्रस्‍थान २१:६

ब्‍यवस्‍था 16:19

निसाफ हेंथे मपने। कुल मकोव़ङीन। घूस मजने। मारदे हना घूसमी जोक्‍ब तुइक्‍ब मुर आन मिक्‍च सिल्‍ब। मिनु ठीक पाइबमी घूस जशा दूली लोव़ पाइब। १सामुएल ८:३

कलस्‍सी 1:4

मारदे हना गेपुकी ख्रीस्‍त येसु कली थमा सुइक्‍तीनी। मिनु थमा सुइक्‍ब नेल्‍ल आन कली दाक्‍नीनी, देंशो नेंतस्‍कु।

१ तिमोथी 1:19

थमा सुइक्‍तीके नु इ थुं ङा रिम्‍शो मिम्‍तीके टिशा बाक्‍को। आन थुं ङा रिम्‍शो मिम्‍तीके कली मटीब का निक्‍शीमी थमा सुइक्‍चा प्रोंइतेक्‍म। १तिमोथी ३:९; १तिमोथी ६:१०

१ तिमोथी 5:21

परमप्रभु यावे, ख्रीस्‍त येसु नु योव़शो परमप्रभु यावे आ स्‍वर्ग ङा गेय पाइब आन ङोंइती “मुर आन कुल मकोव़थु, आं देंशो नेल्‍ल पावो” दे इ कली अरेनुङ। मुर आन कुल कोव़शा, मारेइ मपावो।

तीतस 1:1

गो परमप्रभु यावे आ वाइल नु येसु ख्रीस्‍त आ सोइश्‍शो, थमा सुइक्‍ब पावल नङ। परमप्रभु यावे आ योव़शो मुर आन कली थमा सुइक्‍चा आ पर्बम शेंतीक नु मेको तुइश्‍शो रे रिम्‍शो गेय पचा माल्‍ब, दे शेंब दुम्‍ती।

तीतस 2:13

मोदेंशो दुम्‍शा, मान ताइब परमप्रभु यावे नु इं कली पाप रे प्रोंइब येसु ख्रीस्‍त आ छेङछेङ ग्रूब, दे गो आस पशा रिम्‍नय। १कोरिन्‍थी १:७; फिलिप्‍पी ३:२०; १थिस्‍सलोनिकी १:१०

हिब्रू 1:3

आ तौ आ आफ आ सक्ति नु छेङछेङ बाक्‍ब। मिनु आ सक्ति ङा लोव़ पतीकेमी नेल्‍ल आन कली कोव़ना कोव़न बाक्‍ब। मेकोमी पाप क्‍याम्‍तीक गेय पने थुम्‍शा, नेल्‍ल क्‍येङा ठेयब मान ताइब आ ग्‍युरा गे निश्‍शो बाक्‍ब।

हिब्रू 12:2

थमा सुइक्‍तीक लां कोंइशा, पाको सेल्‍ब येसु कली मिम्‍तय। मेकोमी शीम केप्‍शा कांटी थोक्‍शा क्‍याइश्‍शा साइक्‍चा पुंइसीचा आ पर्बम, मुने आ पर्बम मारेइ ममिम्‍ता बाक्‍त। नोले मान पा ग्‍येरसीशा बाक्‍चा ताइनुङ, दे मिम्‍ता बाक्‍त। मिनु मुल परमप्रभु यावे आ ग्‍युरा गे निश्‍शो बाक्‍ब। हिब्रू ५:८-९; फिलिप्‍पी २:८-१०

याकूब 1:16

आं दाक्‍शो थमा सुइक्‍ब लोक्‍बपुकी, दूली लां मखोतीन।

याकूब 1:19

आं दाक्‍शो लोक्‍बपुकी, मार तुइक्‍चा माल्‍नीनी देंशा हना, गेपुकी नेंस ङा नेंस बाक्‍कीन। शुश मब्‍वाक्‍कीन। शुश मचुरीन। हितोपदेस २९:२०; उपदेसक ५:१-२; उपदेसक ७:९

याकूब 2:3

मेको दारशो वा फेक्‍शो कली कोव़शा “हजुर, मेकेर निस्‍सीने” दे लोव़ पशा, प्रुङग कली चहिं “हयु उइ राप्‍शा बाक्‍को। आं खोइल आ नेक्‍था निस्‍सो” दे माइक्‍तीनी हना,

याकूब 2:9

तन्‍न गेपुकीमी थमा सुइक्‍ब का कली ठेयब सेल्‍शा, अरु आन कली आइक्‍च सेल्‍तीनी हना, गे पाप पाइनीनी। मिनु परमप्रभु यावे आ अरेशो लोव़ मटीब दुम्‍नीनी। ब्‍यवस्‍था १:१७

याकूब 3:17

परमप्रभुमी गेशो निप्‍स पाइश्‍शो थुंमी मुर कली ग्रांग्रा दिचा ङा गेय मपपाइक्‍ब। सुइ नु मजिपाइक्‍ब। ब्रेम्‍शो सेल्‍ब। गाइश्‍शो फाल्‍पाइक्‍ब। शुश शिशी पपाइक्‍ब। रिम्‍शो गेय पपाइक्‍ब। कुल कोव़शा, गेय मपपाइक्‍ब। जोल मपपाइक्‍ब।

२ पत्रुस 1:1

गो येसु ख्रीस्‍त आ वाइल नु आ सोइश्‍शो, सिमोन पत्रुस नङ। इं परमप्रभु यावे नु पाप रे प्रोंइब येसु ख्रीस्‍त रे पा ठीक दुम्‍तय, दे थमा सुइश्‍शा, थुं का दुम्‍तय। मोपतीके इन कली एको चिठी ब्रेक्‍ताक्‍ङ।

यहूदा 1:16

मेकोपुकी गन गन पाइब बाक्‍नीम। मेकोपुकीमी “गो श्‍येत जना जन बाक्‍नुङ” दे गेनायो मग्‍येरथु, आन दला दाक्‍स पना पन बाक्‍नीम। ठेयब लोव़ पा, ठेयब लेश्‍शो मुर बाक्‍नीम। मेकोपुकीमी आंम कली ठेयब सेल्‍सीचा कली मुर आन कुल कोव़नीम।

प्रकाश 14:12

मेना रागीमी परमप्रभु यावे आ योव़शो थमा सुइक्‍बपुकीमी श्‍येत फाल्‍चा माल्‍नीम। मारदे हना मेकोपुकीमी परमप्रभु यावे आ अरेशो लोव़ पाइनीम। मिनु येसु कली थमा सुइक्‍नीम। प्रकाश १३:१०