याकूब 1:9 - Sunuwar Bible

⁹ मिनु इन दातेमी सुइ प्रुङग थमा सुइक्‍ब लोक्‍ब बाक्‍त हना, मेकोमी “परमप्रभु यावेमी आं कली ठेयब मुर सेल्‍ती” दे ग्‍येरसेक्‍ल। याकूब २:५

याकूब 1:9 ပူးပေါင်းရင်းမြစ်များ

भजन संग्रह 62:9

महिक्‍सीशो मुरपुकी फश ला बाक्‍नीम। हिक्‍सीशो मुर आन ठेयब दुम्‍तीके जोल ला बाक्‍ब। मेकोपुकी नाक्‍सीमानु, मारेइ मबाक्‍नीम। हिक्‍सीशो नु महिक्‍सीशो मुर नेल्‍ल मुठी का सोक्‍त ङा ला बाक्‍नीम।

हितोपदेस 17:5

सुम प्रुङग आन कली शुक्‍शी पाइबा, मेकोमी आ कली सेल्‍ब, परमप्रभु यावे कली आइक्‍च सेल्‍ब। सु मुर आन कली श्‍येत जशो तशा ग्‍येरसीबा, मेको सजाइ मतथु मब्रोंइब। हितोपदेस १४:३१

हितोपदेस 19:1

दूली लोव़ पा गाक्‍ब मूर्ख दुम्‍चा क्‍येङा प्रुङग नु गेना हना यो रिम्‍शो पाइब मुर दुम्‍चा रिम्‍शो बाक्‍ब। हितोपदेस २८:६

यसैया 29:19

मिनु ब्रेम्‍शो मुर परमप्रभु यावे कली मिम्‍शा ग्‍येरसीनीम। मिनु क्‍येट मथीबपुकी इस्राएली आन परमप्रभु यावे कली मिम्‍शा थाम्‍पा ग्‍येरसीनीम।

लूका 1:52

हुकुम पाइब आन सासन पशो रोइश्‍शा, महिक्‍सीशो आन कली ठेयब सेल्‍तु। भजन संग्रह १४७:६

लूका 10:20

वोलम इन देंशो टीनीम, दे तुइक्‍नीनी। मेको आ पर्बम मग्‍येरसीन। तन्‍न ‘परमप्रभु यावे आ मुर दुम्‍शा, इं नें परमप्रभु यावे नु ब्रोंइचा ताइब आन किताबम ब्रेक्‍साक्‍व’ दे तुइश्‍शा थाम्‍पा ग्‍येरसीने” दे माइक्‍मी बाक्‍त। प्रस्‍थान ३२:३२; यसैया ४:३; फिलिप्‍पी ४:३; प्रकाश ३:५

लूका 14:11

मारदे हना ठेयब सुंइसीब कली मुरपुकीमी महिक्‍थु मान मपाइ‍नीमी। ठेयब मसुंइ‍सीब कली चहिं मुरपुकीमी ठेयब सेल्‍शा, मान पाइनीम” दे शेंदीमी बाक्‍त। लूका १८:१४; मत्ती २३:१२; याकूब ४:६,१०

लूका 9:48

“सुमी एको आल कली आं नेंमी ब्राइबा, मेकोमी आं कली ब्राइब। मिनु सुमी आं कली ब्राइबा, मेकोमी आं कली सोइक्‍ब कली यो ब्राइब। गे इन दातेमी सु नेल्‍ल क्‍येङा आइक्‍च सुंइ‍सीबा, मेको नेल्‍ल क्‍येङा ठेयब दुम्‍ब” दे शेंदीमी बाक्‍त। मत्ती १०:४०

रोमी 8:17

परमप्रभु यावे आ तमी तौ दुम्‍शा, येसु ख्रीस्‍त नु काथा बाक्‍शा, अङस ताइब दुम्‍तय। मेको अङस तचा ङोंइती येसु ख्रीस्‍त आ नेंमी श्‍येत जाइनय। नोले आ राज्‍य तांइसेनु, येसु ख्रीस्‍त नु काथा बाक्‍शा अङस ताइनय। गलाती ४:१७; प्रकाश २१:७

२ कोरिन्‍थी 6:10

सुर्ता पशो, तन्‍न गेना हना यो ग्‍येरसीशो बाक्‍नीकी। प्रुङग दुम्‍शो, तन्‍न शुश आन कली शोंप सेल्‍नीकी। मारेइ मथीब दुम्‍शो, तन्‍न मारेइ मारेइमी गाप्‍शो बाक्‍नीकी। फिलिप्‍पी ४:१२-१३

ब्‍यवस्‍था 15:11

मारदे हना रागीम श्‍येत जशो प्रुङगपुकी गेना हना यो बाक्‍नीम। मोपतीके गो इन कली इन रागीम बाक्‍शो श्‍येत जाइब इन लोक्‍ब नु प्रुङग आन कली तशा, हाइश्‍‍शो मुर दुम्‍शा गेन। मत्ती २६:११; यसैया ५८:७; याकूब २:१५-१६

ब्‍यवस्‍था 15:7

मिनु परमप्रभु यावे, इन परमप्रभुमी इन कली गेशो रागीम, सहर कामी बाक्‍शो इन लोक्‍ब का प्रुङग बाक्‍त हना, इन थुं खकटा पा मबाक्‍कीन। ‘काइ मगेनुङ’ दे मदेनीन। १यूहन्‍ना ३:१७

ब्‍यवस्‍था 15:9

मिनु इन थुंमी ‘जेर क्‍याम्‍तीक बर्स जाक्‍चा चिक्‍ताक्‍व’ दे इन प्रुङग लोक्‍ब आ पर्बम गन गन पा, मेको कली वारच पा जेर गेचा मदाक्‍नीनी हना, होस पने। मेको प्रुङगुमी इन पर्बम परमप्रभु यावे कली पुंइब। मिनु गे पापी दुम्‍नीनी।

फिलिप्‍पी 3:14

परमप्रभु यावेमी ख्रीस्‍त येसु आ नेंमी आ बाक्‍तीके रे इनाम गेचा कली मार देंमे, मेकोन शुश पाइनुङ। १कोरिन्‍थी ९:२४

फिलिप्‍पी 3:3

मारदे हना गोपुकी थमा ख्रोइक्‍तीक चिनु ङा मुर बाक्‍नय। गोपुकीमी परमप्रभु यावे आ सोक्‍त आ पतीकेमी खुम्‍की पा बाप्‍शा, परमप्रभु यावे कली गेय पशा, ख्रीस्‍त येसु आ पतीकेमी ग्‍येरस‍य। मुर आ पतीकेमी थमा मसुइय्‍य। रोमी २:२९

१ पत्रुस 2:9

तन्‍न गे परमप्रभु यावे आ योव़शो मुर दुम्‍तीके, आ राज्‍य ङा चढ़ेब परमप्रभु यावे आ रागी ङा मुर दुम्‍तीनी। मारदे मोदेंशो दुम्‍तीनी देंशा हना, परमप्रभु यावेमी इन कली रिम्‍शो पशा, छिङछिङ रे ग्रुंइशा, आंम आ छक लाक्‍चा ङा छेङछेङमी वोइश्‍शो बाक्‍त। मिनु अरु नेल्‍ल आन कली शेंचा, दे मोदेंशो दुम्‍तीनी। प्रस्‍थान १९:६; यसैया ४३:२१; प्रकाश १:६; ब्‍यवस्‍था ४:२०; ब्‍यवस्था ७:६; एफिसी ५:८

प्रकाश 2:9

मेकोमी “गो इन श्‍येत जशो तुइक्‍नुङ। गे थमा पा प्रुङग बाक्‍नीनी, दे गो तुइक्‍नुङ। तन्‍न गे इन थुंम शोंप पाइश्‍शो बाक्‍नीनी, दे यो तुइक्‍नुङ। मरिम्‍शो लोव़ पाइब सु सु नमी देंशा हना ‘यहूदी नकी’ देंखु पाइबपुकी सैतानमी शेंशो मुर नम। याकूब २:५; प्रकाश ३:९

१ सामुएल 2:8

मेकोमी मारेइ मथीब आन कली फुरक रे पोक्‍ब। प्रुङग आन कली घुरेन रे पोक्‍ब। मिनु मेको आन कली पिप आन तौ नु निप्‍पाइक्‍ब। मेको ठेयब मुर आन दातेम बाक्‍चा नु मान पाइक्‍तीक ताइनीम। मारदे हना रागी आ थाम परमप्रभु यावे केन बाक्‍नीम। मेकोम मेको तार रागी वोइक्‍तु। भजन संग्रह ११३:७-८