याकूब 1:8 - Sunuwar Bible

⁸ थुं निक्‍शी पाइश्‍शो मुर आ थुं कामी परमप्रभु यावे आ लां खोइक्‍ब, थुं कामी मुर आन लां खोइक्‍ब।

याकूब 1:8 ပူးပေါင်းရင်းမြစ်များ

१ राजा 18:21

मिनु एलीया मुर नेल्‍ल आन ङोंइती राप्‍शा “गे गेना सम्‍म थुं निक्‍शी पा बाक्‍नीनी? परमप्रभु यावे, थमा परमप्रभु बाक्‍ब देंनीनी हना, मेको आ नोले खोतीन। बालन परमप्रभु बाक्‍ब देंनीनी हना, मेको आ नोले खोतीन” देंमाक्‍त। तन्‍न मुरपुकीम लोव़ का यो मलेत्‍थु, सिक्‍सी पा बाक्‍मा बाक्‍त। यहोसु २४:१४; मत्ती ६:२४

२ राजा 17:33

मिनु मोपा मेकोपुकीम परमप्रभु यावे कली ठेयब सेल्‍शा, आंम आन देवी देवता आन कली यो पूजा पामे बाक्‍त। तेको रागी रे चाक्‍शो बाक्‍मा, मेको आन देवी देवता आन पतीक पशा, पूजा पामे बाक्‍त।

२ राजा 17:41

मेको रागी रागी ङा मुरपुकीमी परमप्रभु यावे कली ठेयब सेल्‍शा यो आन मुशा सेल्‍शो मूर्ति आन कली पूजा पामे बाक्‍त। मुल सम्‍म आन चच युइमी आन किकी पिपीम पशो खोदेंशो पना पन बाक्‍नीम।

भजन संग्रह 119:113

गो थुं निक्‍शी पाइश्‍शो मुर आन कली काइ मदाक्‍नुङ। मिनु इन अरेशो लोव़ दाक्‍नुङ। भजन संग्रह ३१:७; १राजा १८:२१

यसैया 29:13

परमप्रभु यावेमी “एको मुरपुकी लोव़ पशा आं नेक्‍था जाक्‍नीम। मिनु आन शोव़मी आं कली ठेयब सेल्‍नीम। तन्‍न आन थुंम चहिं आं क्‍येङा ङोन बाक्‍नीम। मेको आन आं कली मान पतीके मुर आन शेंशो ला बाक्‍ब। यसैया १:१५; यसैया ५८:२-३; मत्ती १५:८-९

होसे 10:2

मेको आन थुं दूली बाक्‍ब। मुल मेकोपुकीमी आन मरिम्‍शो पशो आ सजाइ तचा माल्‍नीम। परमप्रभुमी मेको आन चढ़ेतीक नु आन ख्रुक्‍शो फुल्‍लु प्रेप्‍ब। मेको आन थाम ङा मूर्ति यो खतम सेल्‍ब।

मत्ती 6:22

इन मिक्‍च रां ङा छेङछेङ बाक्‍ब। मिक्‍च ब्राब्रा मदुम्‍शो बाक्‍त हना, इन रां नेल्‍ल छेङछेङ बाक्‍ब। लूका ११:३४-३६

मत्ती 6:24

सुइमी होव़प निक्‍शी आस गेय पने मचाप्‍ब। मारदे हना का कली मदाक्‍ब, का कली दाक्‍ब। का कली मान पा टीब, का कली मान मपथु मटीब। परमप्रभु यावे नु शोंप निम्‍फा आस कली गेय पने मचाप्‍नीनी। लूका १६:१३; याकूब ४:४

याकूब 1:7

मोदेंशो मुरुम मारेइ मताइब।

याकूब 4:8

परमप्रभु यावे आ नेक्‍था लने। मो पाइतीनी हना, मेको इन नेक्‍था जाक्‍ब। गे पापीपुकी “आंइ पाप क्‍याम्‍दीने” देंशा, माफ पुनीने। थुं निक्‍शी पाइश्‍शो मुरपुकी, इन थुं परमप्रभु यावे गे लेश्‍शा, थुं का दुमीने। जकरिया १:३; यसैया १:१६

२ पत्रुस 2:14

मेकोपुकीमी मुर आन मीश तशा वाल्‍नीम। पाप पचा गेनायो “मोक्‍ल” मदेंनीम। सक्ति मपाइश्‍शो थमा सुइक्‍ब आन कली लेम्‍शा, आंम दूली लां खोइक्‍पाइक्‍नीमी। मेकोपुकी शीम बाक्‍नीम। मिनु सराप रशो मुर बाक्‍नीम।

२ पत्रुस 3:16

मेको आ पर्बम आ चिठी नेल्‍लेमी लोव़ पाइब। पावल आ ब्रेक्‍शो लोव़ का निक्‍शी रुप्‍चा कली श्‍येत बाक्‍ब। मजोक्‍ब नु थमा मसुइक्‍ब मुरपुकीमी मेको दूली शेंनीम। परमप्रभु यावे आ ब्रेक्‍पाइश्‍शो अरु लोव़ यो दूली शेंनीम। मोपा आंमा जाम्‍शा लाइब दुम्‍नीम।