याकूब 1:27 - Sunuwar Bible

²⁷ मखाल्‍थु ठीक पा थमा सुइक्‍तीके दोदेंशो बाक्‍ब देंशा हना, रोम रोइक्‍च नु वोंइश बेक्‍शो मीश मुर श्‍येत जामेनु, वारच पचा नु थमा मसुइक्‍ब पाप पाइब आन खोदेंशो पाप काइ मपचा, मेको इं आफ, परमप्रभु यावे आ ङोंइती ठीक पा थमा सुइक्‍तीके बाक्‍ब।

याकूब 1:27 ပူးပေါင်းရင်းမြစ်များ

भजन संग्रह 119:1

सु सु रिम्‍शो पाइनीमी नु दोस मताइब बाक्‍नीमी, मेको ग्‍येरसीशो मुर बाक्‍नीम। मारदे हना मेकोपुकीमी परमप्रभु यावे आ अरेशो टिशो बाक्‍नीम। भजन संग्रह ११२:१-२

भजन संग्रह 146:9

मिनु परमप्रभु यावेमी अर्को रागी ङा मुर आन कली कोव़ब। मेकोमी वोंइश बेक्‍शो मीश मुर नु रोम रोइक्‍च आन कली यो कोव़ब। तन्‍न आ अरेशो मटीब आन मिम्‍शो दुम्‍चा मगेब। प्रस्‍थान २२:२०-२१

भजन संग्रह 68:5

परमप्रभु आ बाक्‍तीकेमी बाक्‍शा, रोम रोइक्‍च आन आफ बाक्‍ब। वोंइश बेक्‍शो मीश मुर आन कली वारच पाइब यो बाक्‍ब। भजन संग्रह १०:१४

यसैया 1:23

इ सासन पाइबपुकी मटीब नु खुइ आन वारच दुम्‍शा, घूस जशा, क्‍येट ताक्‍चा दाक्‍नीम। मेकोपुकीम रोम रोइक्‍च आन कली ठीक निसाफ मपाइनीम। वोंइश बेक्‍शो मीश मुर आन लोव़ मनेंनीम” देंत।

मत्ती 12:32

रागीम जरमेशो आ पर्बम शुक्‍शी लोव़ पाम्‍तेक्‍म हना, माफ ताइनीम। तन्‍न सुमी परमप्रभु यावे आ सोक्‍त आ पर्बम शुक्‍शी लोव़ पाइबा, मेको आ पाप मुल मक्‍याम्‍सीब, बेक्‍शा लशा नोले यो मक्‍याम्‍सीब, गेना हना यो लीब। १तिमोथी १:१३

मत्ती 5:8

आन पाप क्‍याम्‍चा पुंइसीशा, रिम्‍शो थुं दुम्‍शोपुकी आसीक राइनीम। मारदे हना परमप्रभु यावे कली ताइनीम। भजन संग्रह २४:३-५; भजन संग्रह ५१:१२-१३; १यूहन्‍ना २:२-३

लूका 1:6

मेको निक्‍शी परमप्रभु यावे आ ङोंइती ठीक पाइब बाक्‍सा बाक्‍त। परमप्रभु यावे आ अरेशो लोव़ नु पतीके लोव़ नेल्‍ल टिशा, दोस मताइब दुम्‍शा बाक्‍शो बाक्‍सा बाक्‍त।

रोमी 12:2

परमप्रभु यावे कली मटीब आन पशो खोदेंशो मपने। तन्‍न परमप्रभु यावे कली इन थुं कली फाइक्‍चा गेन। मो पाइतीनी हना, परमप्रभु यावे आ मिम्‍‍शो मार में, रिम्‍शो मार में, आ दाक्‍शो मार में नु नेल्‍लेम ठीक दुम्‍शो तुइक्‍नीनी। एफिसी ४:२३; एफिसी ५:१०,१७

रोमी 2:13

परमप्रभु यावे आ अरेशो लोव़ नेंशा ला मुर ठीक मदुम्‍नीम। आ देंशो पशा ला ठीक दुम्‍नीम। ब्‍यवस्‍था ६:२५; मत्ती ७:२१; याकूब १:२२

गलाती 1:4

प्रभु येसु ख्रीस्‍तमी इं पाप क्‍याम्‍चा नु रागीम ग्रूशो मरिम्‍शो पतीके रे प्रोंइचा कली आ गिंम गेप्‍तु। आ मोदेंशो पशो चहिं इं आफ परमप्रभु यावे आ दाक्‍शो बाक्‍त। गलाती २:२०; १तिमोथी २:६; तीतस २:१४; १यूहन्‍ना ५:१९

गलाती 3:11

सुइमी यहूदी आन पतीक पशा परमप्रभु यावे आ ङोंइती ठीक मदुम्‍नीन, दे तुंइसीब। “थमा सुइश्‍शो रे पा ठीक दुम्‍पाइक्‍चा पुंइसीब चहिं गेना हना यो ठीक बाक्‍नीम” दे ब्रेक्‍शो बाक्‍ब। हबकुक २:४; रोमी १:१७; हिब्रू १०:३८

गलाती 5:6

ख्रीस्‍त येसु नु थुं का दुम्‍शा, ख्रोइक्‍तीक चिनु ख्रोइश्‍शो, मख्रोइश्‍शो आन कली मतिल्‍थु, थमा सुइक्‍तीकेमी दुशा गारशा दाक्‍मुशा बाक्‍शोम सक्ति बाक्‍ब। गलाती ६:१५; रोमी २:२६; १कोरिन्‍थी ७:१९

गलाती 6:14

नें बोरपाइक्‍चा दा गो यो आं नें बोरपाइश्‍शा गाक्‍ती। तन्‍न मुर आन पशो तशा ममाइ। इं प्रभु येसु ख्रीस्‍त इं पा ङा शीम केप्‍शा कांटी थोक्‍शा साइक्‍चा पुंइसीशा, इं पाप क्‍याम्‍ताक्‍व, दे ख्रीस्‍त आ पशो मिम्‍शा, आं नें बोरपाइश्‍शा गाक्‍ती। ख्रीस्‍त आ गेय ङा लाक्‍शा मारेइ ठेयब ममिम्‍नुङ। रागी ङा मिम्‍तीक पतीक नेल्‍ल बेक्‍शो खोदेंशो मिम्‍ताक्‍ङ। रागीमी यो आं कली बेक्‍शो खोदेंशो मिम्‍ताक्‍व। १कोरिन्‍थी १:३१; १कोरिन्‍थी २:२

एफिसी 2:2

मिनु रागी ङा मुर आन लां खोइक्‍तीनी। मोपा फशेम हुकुम पाइब, सैतान आ देंशो टीब बाक्‍तीनी। मेको आ सोक्‍ती परमप्रभु परमप्रभु यावे कली मटीब आन आगाम बाक्‍ब। तीतस ३:३; एफिसी ६:१२; यूहन्‍ना १२:३१

ब्‍यवस्‍था 14:29

मिनु इन खोदेंशो पा शोंप मताइब लेवी आ थर ङा मुरपुकी, अर्को रागी ङा मुर, रोम रोइक्‍च नु वोंइश बेक्‍शो मीश मुरपुकी मेकेर जाक्‍शा, रूथ्री जचा ब्‍वचा तामेक्‍ल। मो पाइतीनी हना, परमप्रभु यावे, इन परमप्रभुमी इन कली इन पतीक नेल्‍लेमी आसीक गेब” देंत।

१ तिमोथी 1:5

इं शेंतीके चहिं रिम्‍शो थुं, रिम्‍शो थुं ङा मिम्‍तीके नु रिम्‍शो थमा सुइक्‍तीके रे जाक्‍शो शुश दाक्‍मुचा आ पर्बम बाक्‍ब। मत्ती २२:३७-४०; रोमी १३:१०; गलाती ५:६

१ तिमोथी 5:4

आन वोंइश बेक्‍शो मीश मुर आ तमी तौ, चच युइ बाक्‍तेक्‍म हना, मेकोपुकीम आंम खिं ङा मुर आन कली रिम्‍शो गेय पा कोंइचा माल्‍नीम। आम आफ आस कली रिम्‍शो पचा माल्‍नीम। मेको परमप्रभु यावे आ ङोंइती शुश रिम्‍शो बाक्‍ब।

तीतस 2:12

मोदेंशो शिशीमी इं कली परमप्रभु यावे कली मगारचा ङा गेय नु रागी रागी ङा मुर आन पतीके आ पर्बम मोदेंशो मपचा, दे शेंब। मिनु मुल गेय पचा क्‍येङा ङोंइती मिम्‍चा, ठीक गेय पचा नु रागीम बाक्‍शा, परमप्रभु यावे कली मान पा हिंचा, दे शेंब।

याकूब 3:17

परमप्रभुमी गेशो निप्‍स पाइश्‍शो थुंमी मुर कली ग्रांग्रा दिचा ङा गेय मपपाइक्‍ब। सुइ नु मजिपाइक्‍ब। ब्रेम्‍शो सेल्‍ब। गाइश्‍शो फाल्‍पाइक्‍ब। शुश शिशी पपाइक्‍ब। रिम्‍शो गेय पपाइक्‍ब। कुल कोव़शा, गेय मपपाइक्‍ब। जोल मपपाइक्‍ब।

याकूब 3:9

गोपुकीमी प्रभु नु आ आफ कली “गे ठेयब नसी” दे लोव़ पाइनय। मिनु परमप्रभु यावेमी आ खोदेंशो सेल्‍शो मुर आन कली सराप पाइनय। भजन संग्रह १४१:३; उत्‍पत्ती १:२६-२७

याकूब 4:4

गे परमप्रभु यावे आ लां प्रोंइशा हेंथे गाक्‍बपुकी, गे थमा मसुइक्‍ब आन वारच बाक्‍तीनी हना, परमप्रभु यावे आ जोरी सत्रु दुम्‍नीनी। सु थमा मसुइक्‍ब आन वारच दुम्‍चा माल्‍बा, मेको परमप्रभु यावे नु जोरी सत्रु दुम्‍ब। लूका ६:२६; रोमी ८:७; १यूहन्‍ना २:१५

२ पत्रुस 1:4

मोपा आ नेल्‍ल क्‍येङा ठेयब थोक्‍शा पशो लोव़ गेप्‍तु। मेको तुइश्‍शा, गेपुकी रागी ङा मुर आन दला दाक्‍स पतीके रे ब्रोंइशा, प्रोक्‍ने चाप्‍नीनी। मोपा गेपुकी परमप्रभु यावे आ पशो खोदेंशो पाइब दुम्‍नीनी।

२ पत्रुस 2:20

मुरपुकी इं प्रभु येसु ख्रीस्‍त कली तुइक्‍तीकेमी रागी रागी ङा मुर आन पाप रे ब्रोंइशो बाक्‍तेक्‍म हना, मेको लेंशा पापमी मुर कली ग्रात हना, मेको पाप आ वाइल दुम्‍नीम। मेको आन कली ङोंइती ङा दुम्‍तीके क्‍येङा नोले शुश मरिम्‍शो दुम वा। मत्ती १२:४५

२ पत्रुस 3:14

आं दाक्‍शो लोक्‍बपुकी, मोदेंशो रिम्‍शा, गल्‍ती मपाइब नु दोस मताइब दुम्‍चा कली शुश गेय पने। परमप्रभु यावेमी इन कली मोदेंशो पशो नु थुं नाइश्‍शा बाक्‍शो ग्रुम्‍चा दाक्‍ब। १कोरिन्‍थी १:७-८

१ यूहन्‍ना 5:18

मिनु “सु परमप्रभु यावे रे जरमेशो बाक्‍मे, मेको मुरुम मरिम्‍शो मपाइब। मारदे हना परमप्रभु यावे रे जरमेशो आन कली येसु ख्रीस्‍तमी कोव़ब। मिनु सैतानमी मेको आन कली मथीब” दे तुइक्‍नय। १यूहन्‍ना ३:९; यूहन्‍ना १७:१५