याकूब 1:17 - Sunuwar Bible

¹⁷ हाइश्‍शो नु रिम्‍शो ठीक मिम्‍तीके थुं नेल्‍ल परमप्रभु यावे रे जाक्‍ब। मिनु परमप्रभु यावे छेङछेङ कली सेल्‍ब बाक्‍ब। मोपतीके परमप्रभु यावे छेङछेङमी बाक्‍ब। छिङछिङ ङा गेय काइ मपाइब। आ थुं यो मफांइसीब। मत्ती ७:११; १यूहन्‍ना १:५

याकूब 1:17 ပူးပေါင်းရင်းမြစ်များ

उत्पत्ती 41:16

मिनु योसेफमी फाराओ कली “गो ङोमु ङा लोव़ मतुइक्‍नुङ। परमप्रभुमी फाराओ कली थमा पा थुं नाइक्‍चा ङा लोव़ तुइक्‍पाइक्‍ब” देंमाक्‍त। उत्‍पत्ती ४०:८

१ इतिहास 22:12

परमप्रभु यावेमी इ कली रुप्‍तीक नु जोक्‍ब तुइक्‍ब थुं गेवल। मेकोमी इ कली इस्राएल कली सासन पचा गेवानु, गे परमप्रभु यावे, इ परमप्रभु आ अरेशो लोव़ टिशा पाइब दुम्‍नेवे।

१ इतिहास 29:19

आं तौ सोलोमन कली इन शेंतीके, इन देंशो नु फुल्‍लुम मुशा ब्रेक्‍शो लोव़ आ थुं नेल्‍लेमी पपतीन। मेकोमी नेल्‍ल पने चबल। मिनु आं ठीक पा वोइश्‍शो थोव़कमी इन खिं सेल्‍ने चबल” दे दाऊदमी परमप्रभु कली देंमाक्‍त।

भजन संग्रह 102:27

तन्‍न गे गेना हना यो खाल का ङा बाक्‍नीनी। मिनु इन नाक्‍त गेनायो मनुप्‍नीम।

भजन संग्रह 122:6

यरूसलेम कली “रिम्‍शो दुम्‍ल” दे आसीक गेने। मिनु “यरूसलेम, इ कली दाक्‍बपुकी रिम्‍शो दुम्‍मल। जकरिया ४:७

भजन संग्रह 136:7

मेकोमी नां तास्‍ला सेल्‍तु। मारदे हना मेको आ दाक्‍तीके गेना हना यो लीब। उत्‍पत्ती १:१४-१८

भजन संग्रह 84:11

मारदे हना परमप्रभु, परमप्रभु यावे नां नु तेक्‍तीक बाक्‍ब। परमप्रभु यावेम ठेयब दुम्‍तीक नु मान गेब। मेकोमी ठीक लां खोइक्‍ब आन कली रिम्‍शो पाइब।

भजन संग्रह 85:12

परमप्रभु यावेमी मार रिम्‍शो बाक्‍मे, मेको गेब। मिनु आंइ रागीम बाली नाली ग्रेल्‍पाइक्‍ब।

हितोपदेस 2:6

मारदे हना परमप्रभु यावे तुइक्‍‍तीक थुं गेब बाक्‍ब। आ शोव़ रे जोक्‍तीक नु रुप्‍तीक लोव़ ग्रूब। दानीएल २:२०-२३

यसैया 28:26

मारदे हना आन परमप्रभुमी मेको आन कली रिम्‍शो पा शेंताक्‍व।

यसैया 45:7

गो छेङछेङ नु छिङछिङ सेल्‍ब नङ। गो थुं नाइक्‍पाइक्‍ब नु श्‍येत जपाइक्‍ब सेल्‍ब नङ। गो, परमप्रभु यावेमी, मेको नेल्‍ल पाइनुङ। आमोस ३:६

यसैया 46:10

गो साइ ङोंइती रे नोले सम्‍म मार दुम्‍मे, नेल्‍ल शेंनुङ। ङोंइती रे मुल सम्‍म मदुम्‍शो यो देंनुङ। मिनु गो आं मिम्‍शो मफाइक्‍थु, नेल्‍ल पाइनुङ। आ मिम्‍शो नेल्‍ल खाप्‍नुङ।

यसैया 60:19

मेना इ कली नाक्‍त ङा नां छेङछेङ मदुम्‍ब। नाक्‍दो तास्‍ला हाम्‍सो मदुम्‍ब। मारदे हना इ परमप्रभु इ कली गेना हना यो छेङछेङ बाक्‍ब। मिनु इ परमप्रभु इ दारस बाक्‍ब। यसैया २४:२३; प्रकाश २१:२३; प्रकाश २२:५

मलाकी 3:6

मिनु मेकोमी “गो, परमप्रभु यावे, गेनायो मफांइसीनुङ। मोपतीके गे याकूब आ चच युइ मुल सम्‍म ब्रोंइशो बाक्‍नीनी।

गन्‍ती 11:17

मिनु गो यिशा, गे नु लोव़ पाइनुङ। मिनु गो इ आगामी बाक्‍शो सोक्‍त रे लाइश्‍शा, मेको आन तारी वोइक्‍नुङ। मिनु मेकोपुकीमी गे नु गारशा, मेको मुर आन श्‍येत कुरनीम। मिनु गे का ला कुरचा ममाल्‍नेवे।

गन्‍ती 11:25

मिनु नोले परमप्रभु यावे गोस्‍सुमी उइ आगा तोइश्‍शा, मोसा नु लोव़ पाप्‍तु। मिनु मेकोमी मोसा आ आगा बाक्‍शो सोक्‍त इच्‍का लाइश्‍शा, मेको ७० जना खाल्‍पा आन तार वोइक्‍तु। मिनु मेको सोक्‍त मेको आन तार नांइसेनु, मेकोपुकीमी परमप्रभु यावे आ लोव़ पाम्‍तेक्‍म। तन्‍न नोनोले मो मपाम।

गन्‍ती 23:19

परमप्रभु मुर ममाइ। मेकोमी जोल मपाइब। मेको बेक्‍शा लाइब मुर खोदेंशो पा आ थुं मफाइक्‍ब। मेकोमी लोव़ थोक्‍शा देंम ङा मेरे पाइब। मेकोम पाइक्‍नुङ देंम ङा मेरे मेको मपाइक्‍बा ङा? १सामुएल १५:२९

मत्ती 7:11

गेपुकी मरिम्‍शो बाक्‍तीनी हना यो, इन तमी तौ आन कली रिम्‍शो थोव़क गेस जोक्‍नीनी। इन पशो क्‍येङा स्‍वर्गमी बाक्‍ब इन आफोमी आ कली पुंइब आन कली रिम्‍शो थोव़क मगेब ङा?

लूका 11:13

गे, मरिम्‍शो पाइब बाक्‍तीनी हना यो, इन आल आन कली रिम्‍शो थोव़क गेने चाप्‍नीनी, इन पशो क्‍येङा स्‍वर्गम बाक्‍ब इन आफोमी आ तमी तौ आन कली आन पुंइशो गेब। मेकोपुकीमी ‘इन सोक्‍त गेकी’ दे पुंइतेक्‍म हना, आ सोक्‍त यो गेब” दे शेंदीमी बाक्‍त।

यूहन्‍ना 1:9

मिनु छेङछेङ माइश्‍शोमी रागीमी बाक्‍शो मुर नेल्‍ल आन कली रुप्‍ब थुं गेचा कली रागीमी जाक्‍त।

यूहन्‍ना 3:27

मिनु यूहन्‍नामी “परमप्रभु यावेमी गेशो गेय ङा लाक्‍शा, सुइमी मारेइ गेय पने मचाप्‍नीम। हिब्रू ५:४

यूहन्‍ना 3:3

मिनु येसुमी “नोफा दाइश्‍शा थमा लोव़ नेनीन, मुर लेंशा, इर रे नक पा मजरमेसाक्‍व हना, परमप्रभु यावे आ राज्‍य तने मचाप्‍ब” देंत। १पत्रुस १:२३

यूहन्‍ना 8:12

मिनु येसुमी लेंशा फरिसी आन कली “गो रागी कली छेङछेङ नङ। आं नोले खोइक्‍बपुकी गेनायो छिङछिङमी मगाक्‍नीम। ब्रोंइतीक छेङछेङ ताइनीम” देंत। यूहन्‍ना १:५,९; यसैया ४९:६; यसैया ६०:२०; मत्ती ५:१४-१६

प्रेरित 11:18

पत्रुसम मो देंशो नेंशा, मेको आन पोक्‍शो लोव़ साम्‍शा “मोदेंशो बाक्‍त हना, परमप्रभु यावेमी इं कली गेशो खोदेंशो पा अर्को रागी ङा मुर आन कली यो आन थुं लेप्‍पा आन पाप क्‍याम्‍बाक्‍माक्‍त” दे परमप्रभु यावे कली ठेयब सेल्‍मे बाक्‍त।

प्रेरित 5:31

परमप्रभु यावेमी इस्राएली आन थुं आ गे लेप्‍पाइक्‍ब, लां कोंइब कली नु पाप रे प्रोंइब सेल्‍शा, आ ग्‍युरा गे निप्‍पाइक्‍तु। प्रेरित २:३३

रोमी 6:23

मरिम्‍शो पशो आ गाल्‍च बेक्‍चा बाक्‍ब। परमप्रभु यावे आ गेशो शिशी चहिं इं प्रभु येसु ख्रीस्‍त रे पा गेना हना यो ब्रोंइशा बाक्‍चा बाक्‍ब। रोमी ५:१२; उत्‍पत्ती २:१७; याकूब १:१५

१ कोरिन्‍थी 4:7

सुमी इन कली ठेयब सेल्‍नी? इन पशोमी ठेयब दुम्‍नी ङा? परमप्रभु यावे आ शिशी पशोमी कका ठेयब दुम्‍शो ननी। मिनु परमप्रभु यावे आ गेशोमी ठेयब लेत्‍चा दुम्‍बा ङा?

२ कोरिन्‍थी 4:6

परमप्रभु यावेमी “छिङछिङ जाम्‍शा, छेङछेङ दुम्‍ल” देंमाक्‍त। मेकोमी आंइ थुंमी छेङछेङ ब्रपाइश्‍शो बाक्‍त। गो परमप्रभु यावे आ छेङछेङ ख्रीस्‍त रे पा रुप्‍नीकी। उत्‍पत्ती १:३; २कोरिन्‍थी ३:१८

एफिसी 1:18

गे मेको आन कली मार कली ब्रेश्‍शो बाक्‍नीनी, थमा सुइक्‍ब आन ततीक मार बाक्‍बा, इन छेङछेङ गिश ठेयब बाक्‍बा, मेको नेल्‍ल रुप्‍तीक थुं गेने।

एफिसी 2:8

मिनु गेपुकी परमप्रभु यावे आ शिशी तशा, थमा सुइक्‍तीके पाप रे ब्रोंइतीनी। मेको इन पतीके ममाइ, परमप्रभु यावेमी मोशा गेशो बाक्‍ब। रोमी ३:२३-२४; गलाती २:१६

ब्‍यवस्‍था 4:19

मिनु गे सरीङ इर कोव़शा, परमप्रभु यावे, इन परमप्रभुमी जात जात ङा मुर नेल्‍ल आन कली गेशो नां, तास्‍ला, सोरुल नेल्‍ल तशा, मेको आन ङोंइती सेउ पा पूजा मपने। होस पा बाक्‍कीन। ब्‍यवस्‍था १७:३; रोमी १:२३

फिलिप्‍पी 1:29

ख्रीस्‍त कली थमा सुइक्‍चा ला इन कली गेशो ममाइ, तन्‍न मेको आ पर्बम श्‍येत जचा यो गेशो बाक्‍ब।

१ तिमोथी 6:16

मेको ला गेनायो मबेक्‍ब। सुइ आन कोव़ने मचाप्‍चा ङा पा छेङछेङमी बाक्‍ब। सुइमी मेको कली गेनायो मताम। तने यो मचाप्‍नीमी। मेको मान तशा नेल्‍ल क्‍येङा सक्ति पाइश्‍शो बाक्‍ब। आमेन। प्रस्‍थान ३३:२०; यूहन्‍ना १:१८

हिब्रू 13:8

साइ ङोंइती, मुल नु गेना हना यो येसु ख्रीस्‍त मफांइसीथु बाक्‍ब, दे तुइक्‍तीन। यसैया ४१:४; १कोरिन्‍थी ३:११; प्रकाश १:१७-१८; प्रकाश २२:१३

याकूब 1:5

तुइक्‍‍ब थुं माल्‍तीनी हना, गेपुकीमी परमप्रभु यावे कली “गो तुइक्‍ब थुं माल्‍नुङ” दे पुनीन। परमप्रभु यावेमी मगाइक्‍थु, शुश तुइक्‍ब थुं गेब। याकूब ३:१५; हितोपदेस २:३-६

याकूब 3:15

ओदेंशो मिम्‍तीके परमप्रभु आ गेशो रुप्‍तीक थुं मबाक्‍ब। तन्‍न मुर आन थुं रे नु सैतान रे जाक्‍ब। याकूब १:५

याकूब 3:17

परमप्रभुमी गेशो निप्‍स पाइश्‍शो थुंमी मुर कली ग्रांग्रा दिचा ङा गेय मपपाइक्‍ब। सुइ नु मजिपाइक्‍ब। ब्रेम्‍शो सेल्‍ब। गाइश्‍शो फाल्‍पाइक्‍ब। शुश शिशी पपाइक्‍ब। रिम्‍शो गेय पपाइक्‍ब। कुल कोव़शा, गेय मपपाइक्‍ब। जोल मपपाइक्‍ब।

१ यूहन्‍ना 1:5

मेकोमी आंइ कली नेंपाइश्‍शो लोव़ इन कली शेंनीकी। मार लोव़ शेंनीकी देंशा हना, परमप्रभु यावे छेङछेङ बाक्‍ब। मिनु मेको नु छिङछिङ काइ मबाक्‍ब। याकूब १:१७

१ यूहन्‍ना 4:10

मिनु परमप्रभु यावे आ दाक्‍चा मार बाक्‍ब देंशा हना, गोपुकी ङोंइती परमप्रभु यावे कली काइ मदाक्‍ताक्‍य हना यो, परमप्रभु यावेमी इं कली दाक्‍ताक्‍व। गिश दाक्‍ताक्‍व देंशा हना, आंम तौ कली साइक्‍चा पुंइसीब पपाइक्‍चा कली रागीमी सोइक्‍ताक्‍व। इं कली मरिम्‍शो गेय नु सैतान आ राज्‍य रे प्रोंइचा, दे साइक्‍चा पुंइसीचा कली रागीमी सोइक्‍ताक्‍व।

प्रकाश 21:23

मिनु मेको सहरमी नां नु तास्‍ला दाप्‍चा ममाल्‍ब। मारदे हना परमप्रभु यावे आ छेङछेङ नेल्‍ल सहरमी दाप्‍ब। पाठा मुर आन कली छेङछेङ गेब बत्ती बाक्‍ब। यसैया ६०:३,५,११,१९,२०

प्रकाश 22:5

मेको सहरमी गेनायो नाक्‍दो मदुम्‍ब। मिनु मेको सहरमी बाक्‍ब आन कली बत्ती नु नां आ छेङछेङ यो ममाल्‍नीम। मारदे हना परमप्रभु, परमप्रभु यावे मेको आन छेङछेङ बाक्‍ब। मिनु मेकोपुकीमी गेना हना यो सासन पाइनीम।

१ सामुएल 15:29

परमप्रभु यावे इस्राएल ङा मान ताइब बाक्‍ब। मेकोमी आ लोव़ मफाइक्‍ब। आ थुं यो मफाइक्‍ब। मेको थुं फाइक्‍ब बेक्‍शा लाइब मुर खोदेंशो ममाइ” देंमाक्‍त। गन्‍ती २३:१९