याकूब 1:14 - Sunuwar Bible

¹⁴ मुरपुकीमी दोपा पाप पाइनीम देंशा हना, आंम दला दाक्‍स पा पाप पाइनीम। उत्‍पत्ती ३:६; रोमी ७:७-८

याकूब 1:14 ပူးပေါင်းရင်းမြစ်များ

उत्पत्ती 3:6

मिनु मीश मुरुम मेको रवा तशा ब्‍वशोनु, ब्रोव़चा ङा कोव़शोनु, दारशो, रुप्‍तीक थुं गेचा ङा तवा बाक्‍त। मोपतीके फल सेक्‍शा, ब्‍ववा बाक्‍त। मेको आ नेक्‍था बाक्‍ब आ वोंइश कली यो गेवा बाक्‍त। मेकोमी यो ब्‍ववा बाक्‍त। याकूब १:१४-१५; १तिमोथी २:१४

उत्पत्ती 6:5

मिनु परमप्रभु यावेमी “रागीम बाक्‍शो मुर आं अरेशो मटीब नु मरिम्‍शो पाइब ला बाक्‍नीम। मार मिम्‍ताक्‍म हना यो, मरिम्‍शो बाक्‍त” दे मिम्‍ता बाक्‍त। उत्‍पत्ती ८:२१

उत्पत्ती 8:21

मिनु परमप्रभु यावेमी मेको ब्रोव़शो रिना नाम्‍शा, ग्‍येरसे बाक्‍त। आ थुंमी “मुरुम मरिम्‍शो पतीकेम खप कली मुल सराप गेनायो मपाइनुङ। मुर आ थुं मरिम्‍शो बाक्‍त हना यो, गेनायो सराप मपाइनुङ। गो ब्रोंइशा बाक्‍ब नेल्‍ल आन कली साइश्‍शा क्‍याम्‍ताक्‍ङ। मोदेंशो गेनायो लेंशा मपाइनुङ। उत्‍पत्ती ६:५; अय्‍युब १४:४; भजन संग्रह १४:३; मत्ती १५:१९; रोमी ३:२३

२ सामुएल 11:4

मिनु दाऊदम मेको कली ब्रथ सोइक्‍ता बाक्‍त। मिनु मेको जाक्‍माक्‍त। मिनु दाऊद मेको नु इम्‍माक्‍त। मेको मीश मुर मेना आ रां ब्रोल्‍शा चिक्‍शो बाक्‍माक्‍त। मिनु नोले बाथ्‍शेबा आ खिं लेम्‍माक्‍त। प्रस्‍थान २०:१४; लेवी २०:१०; ब्‍यवस्‍था २२:२२; लेवी १५:१९

अय्‍युब 31:27

मेकोम आं थुं कली ख्रुइश्‍शोमी हेंथे मिम्‍ब सेल्‍शो बाक्‍ती हना, मेको कली पुक्‍पु पाइक्‍चा कली आं गुइ क्‍युक्‍शो बाक्‍ती हना,

अय्‍युब 31:9

आं कली मीश मुरुम हेंथे गाक्‍पाइक्‍ती हना, गो आं नेक्‍था ङा मुर आन लाप्‍चोमी बाप्‍शा बाक्‍शो बाक्‍‍ती हना,

हितोपदेस 4:23

नेल्‍ल आन क्‍येङा इ थुं कली कोव़ङो। मारदे हना मेको रे इ ब्रोंइतीक जाक्‍ब।

यसैया 44:20

सु सुमी पुलु कली सेउ पाइनीमी, मेको आन दूली थुंमी दूली मिम्‍पाइश्‍शो बाक्‍नीम। मेकोमी आंम कली प्रोंइने मचाप्‍ब। मिनु “आंइ सेल्‍शो मूर्ति जोल बाक्‍ब” मदेंनीम।

होसे 13:9

इस्राएलीपुकी, गो इन कली खतम सेल्‍नुङ। इन कली सुम वारच पाइबा? येरमीया २:१७

मत्ती 15:18

शोव़ रे ग्रूशो चहिं थुं रे ग्रूशो बाक्‍ब। मेकोमी मुर कली ग्रांग्रा सेल्‍ब।

मत्ती 15:20

मुर आन कली ग्रांग्रा सेल्‍ब। गुइ मचिक्‍थु जशोमी चहिं मारेइ मपाइब” दे शेंताक्‍मी।

मत्ती 4:1

मिनु नोले सैतान रे पा थुं थाम्‍चा पुंइसीचा कली परमप्रभु यावे आ सोक्‍तीमी येसु कली गोरशो रागीमी चाक्‍दीदा बाक्‍त। हिब्रू ४:१५;

मत्ती 5:28

गो मार देंनुङ देंशा हना, ग्‍युंबे पशो मुरुमी अर्को मीश मुर तशा वाल्‍त हना, आ थुंमी मीश वोंइश आस नाता ख्रोइक्‍ब। २सामुएल११:२; अय्‍युब ३१:१; २पत्रुस २:१४

रोमी 7:11

मारदे हना मेको अरेशो लोव़ टिने मचाप्‍तीके पापम ख्रुम्‍शा साइक्‍ती। हिब्रू ३:१३

रोमी 7:13

मिनु मार? ठीक नु रिम्‍शो लोव़मी आं कली साइय्‍यी ङा? ममाइ। पापम कका साइक्‍ती। परमप्रभु यावे आ देंशो लोव़ रे पाप शुश मरिम्‍शो बाक्‍ब, दे तुंइसीब। रोमी ५:२०

एफिसी 4:22

मोपतीके इन ङोंइती ङा ग्रांग्रा दिचा ङा दला दाक्‍स पाइब माइत थुं ङा मुर दुम्‍शा बाक्‍चा ताइक्‍तीने। मारदे हना मेकोम इन कली खतम सेल्‍ब। कलस्‍सी ३:९-१०; रोमी ८:१३; गलाती ६:८

हिब्रू 3:13

पापम इं थुं क्‍याल्‍शा मटीब मदुम्‍यल, दे मुलाक्‍त रेन नाक्‍त किंत किंत अर्ती गेमुने। १थिस्‍सलोनिकी ५:११

याकूब 1:13

पाप पचा चिक्‍शो मुरुमी “परमप्रभु यावेमी आं कली पाप पपाइक्‍चा चिक्‍ताक्‍व” दे गेनायो देंचा मदुम्‍ब। मारदे हना सुइमी परमप्रभु यावे कली थुं नाक्‍शा, पाप पपाइक्‍ने मचाप्‍‍ब। आं यो सुइ कली पाप मपपाइक्‍ब।

याकूब 1:15

मोपा दला दाक्‍स पामेनु, पाप ग्रूब। मेको पाप बारने थुमानु, मेको मुर नरकम लाइनीम। मेको पाप पतीके बाक्‍ब। रोमी ७:१०