याकूब 1:10 - Sunuwar Bible

¹⁰ मेकेर थमा सुइक्‍ब क्‍येट थीब मुर बाक्‍त हना, मेकोमी “गो परमप्रभु यावे आ ङोंइती पुंइब दुम्‍शा, आं पुंइशो गेब” दे ग्‍येरसेक्‍ल। क्‍येट थीब मुर बोइश्‍शो फू बेक्‍शो खोदेंशो पा सोल बेक्‍नीम। १तिमोथी ६:१७; १पत्रुस १:२४

याकूब 1:10 ပူးပေါင်းရင်းမြစ်များ

अय्‍युब 14:2

मेको फू खोदेंशो पा बोइश्‍शा, सोल सुल बेक्‍ब। वांकु जाम्‍शो खोदेंशो पा जाम्‍शा लाइब। भजन संग्रह ९०:५

भजन संग्रह 102:11

आं ब्रोंइतीक नाक्‍त पेरचा चिक्‍शो नां खोदेंशो बाक्‍ब। मिनु गो घांस खोदेंशो पा बेक्‍शो बाक्‍नुङ। भजन संग्रह ९०:५-६

भजन संग्रह 103:15

मुर आन ब्रोंइतीके घांस खोदेंशो बाक्‍ब। रूमी बोइश्‍शो फू खोदेंशो पा बोइक्‍ब। भजन संग्रह ९०:५-६; अय्‍युब ७:१०

भजन संग्रह 37:2

मारदे हना मेकोपुकी घांस खोदेंशो पा रीब पा सोव़नीम। गिग खाइ खोदेंशो पा सोल सुल बेक्‍नीम।

भजन संग्रह 39:6

मुरपुकी वांकु खोदेंशो पा गाक्‍शो बाक्‍नीम। मेकोपुकी मोशा सुर्ता पाइनीम। शुश शोंप तेल्‍नीम। मेको सुम जाइबा मतुइक्‍नीम। भजन संग्रह ४९:१७-२१; उपदेसक २:१८-२१; लूका १२:१५-२१

यसैया 40:6

मिनु लोव़ पाइब कामी आं कली “शेंदो” देंत। मिनु गो “मार शेंनुङा?” दे हिल्‍लो पाता। मिनु मेकोमी “मुर नेल्‍ले घांस खोदेंशो बाक्‍नीम। मेको आन दारस नेल्‍ल रू ङा फू खोदेंशो बाक्‍ब। भजन संग्रह ९०:५-६; याकूब १:१०-११

यसैया 40:7

घांस सोव़ब, मिनु आ फू हेम्‍ब। मारदे हना परमप्रभु यावेमी मेको आन कली मुइक्‍ब। मुर थमा पा घांस खोदेंशो बाक्‍नीम।

यसैया 57:15

मिनु ठेयब नु इर ङा, गेना हना यो बाक्‍ब आ नें का ला बाक्‍शो परमप्रभुमी “गो नेल्‍ल क्‍येङा इर ङा आं बाक्‍तीकेमी बाक्‍नुङ। मिनु गो थुं लुक्‍च लशो नु दिप्‍चा पुंइसीशो मुर नु बाक्‍नुङ। गो दिप्‍शो मुर नु आन थुं लुक्‍च लशो आन थुं बारपाइक्‍चा कली मेकोपुकी नु बाक्‍नुङ। भजन संग्रह ११३:५-९; यसैया ६६:१-२; भजन संग्रह ५०:१९

यसैया 66:2

मारेइ मारेइ आं सेल्‍शो मनमी ङा? मोपतीके मेको नेल्‍ल आं के नम” दे परमप्रभु यावेम देंत। मिनु लेंशा “मो हना यो गो आं लोव़ नेंशा, हिंशा, ख्रिंख्रि पा श्‍येत जाइब नु आ थुं जिक्‍‍शो मुर आन कली कोव़नुङ।

मत्ती 5:3

“महिक्‍सीशो मुरपुकी आसीक राइनीम। मारदे हना स्‍वर्ग ङा राज्‍य मेको आन केन बाक्‍ब। यसैया ५७:१५

मत्ती 6:30

परमप्रभु यावेमी चीबेर बोइश्‍शा, हेम्‍शा चोचा पुंइसीब फू, घांस आन कली लायो मिश रिम्‍शो ग्‍योम्‍ताक्‍व हना, गे थमा पा थमा सुइक्‍ने मचाप्‍बपुकी इन कली मफेक्‍पाइक्‍बा ङा?

१ कोरिन्‍थी 7:31

मुरपुकीम रागी ङा गेय पाइनी‍म हना यो, रागी ङा गेय मपशो खोदेंशो पा बाक्‍मल। मारदे हना रागी जाम्‍शा लचा चिक्‍शो बाक्‍ब। १यूहन्‍ना २:१५-१७

फिलिप्‍पी 3:8

थमा पा, गो आं ङोंइती ङा पशो जाम्‍शा लाइब बाक्‍ब, दे तुइक्‍ताक्‍ङ। मारदे हना आं प्रभु येसु ख्रीस्‍त कली तुइक्‍चा नेल्‍ल क्‍येङा ठेयब बाक्‍ब। मोपतीके मेको आ पर्बम आं पशो नेल्‍ल ताइश्‍शा, ग्रांग्रा दिचा ङा बाक्‍ब, दे तुइक्‍ताक्‍ङ। मारदे हना गो ख्रीस्‍त नु बाक्‍ब मुर दुम्‍ती।

१ तिमोथी 6:17

गे मुल शुश क्‍येट थीब आन कली “ठेयब लेश्‍शो मदुमीन। जाम्‍शा लाइब शोंप कली आस मपथु, परमप्रभु यावे कली आस पने। मारदे हना परमप्रभु यावेमी इं कली शुश तेम्‍शा गेब। आ गेशो तशा ग्‍येरसीन” दे माइक्‍मी। भजन संग्रह ६२:११; लूका १२:१५-२१

याकूब 4:14

दीसा नित्‍थी मार दुम्‍बा, ब्रोंइनीनी कों, बेक्‍नीनी कों मारेइ मतुइक्‍नीनी। इन गिंम मार में? मेको गोस्‍स खोदेंशो बाक्‍ब, इच्‍का का ला लीशा, जाम्‍ब। लूका १२:२०

१ पत्रुस 1:24

परमप्रभु यावे आ देंशो लोव़ मार बाक्‍त देंशा हना, रागी ङा मुर नेल्‍ल घांस खोदेंशो बाक्‍नीम। मेको आन दार‍स बोइश्‍शो फू खोदेंशो बाक्‍ब। आ घांस सोव़ब, मिनु फू यो हेम्‍ब। याकूब १:१०-११

१ यूहन्‍ना 2:17

मिनु रागी नु रागी ङा मुर आन दाक्‍शो नेल्‍ल जाम्‍ब। सु चहिं परमप्रभु यावे आ देंशो पाइबा, मेको मुर गेना हना यो ब्रोंइशा बाक्‍ब।