याकूब 1:1 - Sunuwar Bible

¹ गो, याकूब, परमप्रभु यावे नु प्रभु येसु ख्रीस्‍त आस वाइल नङ। गो ब्रशा बाक्‍शो १२ थर ङा यहूदी इन कली नमो पाइनुङ। गे रिम्‍शो बाक्‍कीन।

याकूब 1:1 ပူးပေါင်းရင်းမြစ်များ

१ राजा 18:31

मिनु एलीयाम १२ ओटा फुल्‍लु चाक्‍मी बाक्‍त। मेको याकूब आ १२ जना तौ आन थर का का पा १२ ओटा फुल्‍लु गुबा बाक्‍त। ङोंइती परमप्रभु यावेमी याकूब कली “इ नें इस्राएल दुम्‍ब” देंशो बाक्‍माक्‍त। प्रस्‍थान २४:४; उत्‍पत्ती ३२:२९

एज्रा 6:17

मोपा मेकोपुकीमी मेको खिं परमप्रभु कली जिम्‍मा गेमेनु, सहे का ब्‍यफ, सहे निक्‍शी सांड नु ४ सहे पाठा चढ़ेम्‍तेक्‍म। मिनु इस्राएली आन पाप आ पर्बम १२ थर आन कली, बोका का का पा, १२ ओटा बोका चढ़ेम्‍तेक्‍म। गन्‍ती ७:१०

एस्‍तर 3:8

मिनु हामानमी पिप अहासूरस कली “इन राज्‍य ङा रागी नेल्‍लेमी मुर आन दातेमी जात का ङा मुर ब्रशा बाक्‍शो बाक्‍नीम। मेकोपुकी अरु मुर रे ब्राशा बाक्‍नीम। मिनु मेको आन पतीके गो नु मगारचा ङा बाक्‍ब। मेकोपुकीमी इन ऐन कानुन मटीनीम। मिनु गेमी मेको आन कली मोदेंशो पचा गेचा मदुम्‍ब। ब्‍यवस्‍था ४:५-८

प्रस्‍थान 24:4

मिनु मोसामी परमप्रभु यावे आ देंशो लोव़ नेल्‍ल ब्रेक्‍ताक्‍व। मिनु सुनी कना बोक्‍शा, डांडा आ पुंमी चढ़ेतीक का नु इस्राएल आ १२ थर मिम्‍चा कली १२ ओटा फुल्‍लु ख्रुक्‍तु। प्रस्‍थान ३४:२७; यहोसु ४:२०

प्रस्‍थान 28:21

मेको हीरा १२ ओटा दुम्‍चा माल्‍नीम। मिनु इस्राएल आ तौ आन नें का का पा मेको आन तार छाप थोक्‍शो खोदेंशो पा मुशा ब्रेक्‍पाइक्‍चा माल्‍नेवे। हीरा का आ तारी थर का आ नें दुम्‍चा माल्‍ब।

प्रस्‍थान 39:14

मेको हीरा १२ ओटा बाक्‍तेक्‍म। मिनु इस्राएल आ तौ आन नें का का पा मेको आन तार छाप थोक्‍शो खोदेंशो पा मुशा ब्रेक्‍शो बाक्‍तेक्‍म। हीरा का आ तारी थर का आ नें ब्रेक्‍शो बाक्‍त।

इजीकीएल 12:15

मिनु गो मेको आन कली रागी रागी ङा मुर आन दातेम फ्राइ‍‍नुङमी। राज्‍य राज्‍यम एर ओंथ ब्रपाइक्‍नुङमी। मिनु मेकोपुकीम गोन परमप्रभु यावे नङ, दे तुइक्‍नीम।

लेवी 26:33

गो इन कली रागी रागी ङा मुर आन दातेमी ब्रपाइक्‍नुङ। मिनु लडाइ तोपाइश्‍शा, इन कली खेदा पपाइक्‍नुङ। मिनु इन रागी श्‍येत्‍थ नु इन सहरपुकी गोरशो सेल्‍नुङ।

मत्ती 10:3

फिलीप नु बारथोलोमाइ, थोमास, तिरो पोक्‍ब मत्ती, अल्‍फयस आ तौ याकूब, थदेयस,

मत्ती 13:55

शी के सेल्‍ब आ तौ ममाइ ङा? आ ममा मरीयम ममाइ ङा? आ लोक्‍ब याकूब, योसेफ, सिमोन, यहूदा मनमी ङा?

मत्ती 19:28

येसुमी “नोफा दाइश्‍शा नेनीने, मार ताइनीनी देंशा हना, परमप्रभु यावेमी सेल्‍शो नक सरीङ नु रागीमी दुम्‍शा, रागीम जरमेशो पिप दुम्‍मेनु, आं कली खोइक्‍बपुकी १२ ओटा ठेयब नित्‍तीकेम निश्‍शा, इं इस्राएल ङा १२ थर आन कली निसाफ पाइब दुम्‍नीनी। लूका २२:३०; प्रकाश ३:२१; १कोरिन्‍‍थी ६:२

मर्कूस 3:18

मिनु अ‍न्‍द्रीयास, फिलीप, बारथोलोमाइ, मत्ती, थोमास, अल्‍फयस आ तौ याकूब, थदेयस, सिमोन कनानी

लूका 22:30

आं राज्‍यमी गो नु काथा बाक्‍शा, जचा तूचा ताइनी‍नी। मिनु इं इस्राएल ङा १२ थर आन कली निसाफ पाइनीनी” दे माइक्‍मी बाक्‍त। मत्ती १९:२८

लूका 6:15

मत्ती, थोमास, अल्‍फयस आ तौ याकूब, सिमोन, मेको कली कनानी यो देंनीम,

यूहन्‍ना 12:26

सुमी आं गेय पाइबा, आं देंशो यो पचा माल्‍बा, मेको आं बाक्‍तीकेमी बाक्‍चा ताइब। आं आफोमी आं गेय पाइब आन कली ठेयब सेल्‍ब” देंत। यूहन्‍ना १७:२४

यूहन्‍ना 7:35

मिनु यहूदीपुकीमी “एको ते लचा चिक्‍शो बाक्‍मे? मिनु गोपुकीमी एको कली मथित्‍नीकी? ग्रीस ङा मुर आन बाक्‍तीक लशा, मेकेर ब्रशा बाक्‍शो यहूदी आन कली ममाइ, तन्‍न ग्रीस ङा मुर आन कली शेंचा दाक्‍बा, कों?

प्रेरित 1:13

मिनु यरूसलेम सहरम जाक्‍शा ङा मीन, खिं का ङा तला तारी ओव़शा बाक्‍मा बाक्‍त। मोपा बाक्‍बपुकी सु सु बाक्‍मा बाक्‍त देंशा हना, पत्रुस, यूहन्‍ना, याकूब, अन्‍द्रीयास, फिलीप, थोमास, बारथोलोमाइ, मत्ती, अल्‍फयस आ तौ याकूब, सिमोन, मेको कली कनानी यो देंसीब नु याकूब आ तौ यहूदा बाक्‍मा बाक्‍त। लूका ६:१३-१६

प्रेरित 12:17

मिनु पत्रुस ओव़शा आ गुइ हिक्‍शा, आ शोव़ थीप थीप पा सिक्‍सी पा नेनीन देंशा, दोपा प्रभुमी जेल्‍खान रे प्रोंइशा सोइक्‍ता, मेको नेल्‍ल तुइक्‍पाइक्‍मी बाक्‍त। मिनु “याकूब नु इं थमा सुइक्‍ब लोक्‍ब नेल्‍ल आन कली एको लोव़ नेंपतीन, है” देंशा, मेकेर रे गाक्‍माक्‍त।

प्रेरित 15:13

मेको लोव़ पने थुम्‍से नोले याकूबमी “आं लोक्‍बपुकी, इन नोफा दाइश्‍शा, आं लोव़ नेनीने। प्रेरित २१:१८; गलाती २:९

प्रेरित 15:21

परमप्रभुमी मोसा कली ब्रेक्‍पाइश्‍शो लोव़ चहिं तुइक्‍नीम। मारदे हना साइ रे नाइक्‍तीक नाक्‍त इं ग्रुम्‍तीक खिंमी नेंशा तुइक्‍नीम” दे माइक्‍मी बाक्‍त। प्रेरित १३:१५

प्रेरित 15:23

मेको चिठीम चहिं “एन्‍टीओक, सिरीया नु सिलीसीया ङा अर्को रागी ङा येसु ख्रीस्‍त कली थमा सुइक्‍ब आंइ लोक्‍बपुकी, गो यरूसलेम सहरम बाक्‍ब ख्रीस्‍त आ सोइश्‍शो, आंइ ग्रुम्‍तीक ङा शेंब खाल्‍पा नु थमा सुइक्‍ब लोक्‍ब नेल्‍लेमी इन कली ‘रिम्‍शो बाक्‍कीन’ देंशा ब्रेक्‍शा सोइक्‍ताक्‍क।

प्रेरित 2:5

यरूसलेममी परमप्रभु यावे कली मान पा हिंब, रागी नेल्‍ल रे जाक्‍शो यहूदी बाक्‍मा बाक्‍त। प्रेरित १३:२६

प्रेरित 21:18

जाक्‍दीश्‍शो आ दीसा पावलमी आंइ कली याकूब आ खिं लाइश्‍शा, थमा सुइक्‍ब आन कली शेंब खाल्‍पा नु ग्रुम्‍पाइक्‍तु। प्रेरित १५:१३

प्रेरित 23:26

मेको चिठीमी “हुकुम पाइब फेलीक्‍स हजुर, गो क्‍लौदीयस लिसीयस आं के नमस्‍ते। हजुर, आं के लोव़ का निक्‍शी नेनीने।

प्रेरित 26:7

मिनु मेको लोव़ नेल्‍ल खाप्‍ब, दे आंइ १२ थर ङा यहूदी नेल्‍लेमी थमा सुइश्‍शा, परमप्रभु यावे कली नाक्‍दो नाक्‍त ठेयब सेल्‍शा बाक्‍नीकी। मेको आन थमा सुइश्‍शो खोदेंशो पा गो यो थमा सुइक्‍ब का नङ। मेको थमा सुइश्‍शो आ पर्बम आं कली दोस गेतीमी, अग्रीप्‍पा सरकार। प्रेरित २४:१५

प्रेरित 8:1

स्‍तीफानस कली साइश्‍शो तशा, सावलमी “एको कली साइक्‍चा माल्‍शो। मिनु साइश्‍शा ठीक पाइतीनी” देंमाक्‍त। स्‍तीफानस कली सादमे नाक्‍त रे यरूसलेम सहरम बाक्‍ब थमा सुइक्‍ब नेल्‍ल आन कली खेदा पा श्‍येत गेचा गोव़मे बाक्‍त। मिनु श्‍येत गेशा प्रोक्‍पदमेनु, मेकोपुकी ब्रशा गाक्‍शा, यहूदीया नु सामरीया रागीमी जाक्‍दीश्‍शा बाक्‍मा बाक्‍त। १२ जना येसु आ सोइश्‍शोपुकी ला यरूसलेम उइ बाक्‍मा बाक्‍त। प्रेरित १:८; प्रेरित ११:१९

रोमी 1:1

गो ख्रीस्‍त येसु आ वाइल पावल नङ। आ सोइश्‍शो दुम्‍शा, परमप्रभु यावेमी आ ग्‍येरपाइक्‍ब लोव़ तुइक्‍पाइक्‍चा कली योव़चा पुंइसाक्‍यी। प्रेरित ९:१५; प्रेरित १३:२; गलाती १:१५

गलाती 1:19

मेना ख्रीस्‍त आ सोइश्‍शो सुइ आन कली मग्रुमुमी। प्रभु आ लोक्‍ब याकूब चहिं ग्रुम्‍ता। मत्ती १३:५५

गलाती 2:12

ङोंइती मेकोमी अर्को रागी ङा थमा सुइक्‍ब नु काथा जशा, नोले याकूबमी सोइश्‍शो वारच का निक्‍शी जाक्‍मा रे यहूदीपुकी नु ला जचा गोप्‍तु। मारदे हना यहूदी जात ङा थमा सुइक्‍बपुकीमी आ कली मोदेंशो पा जशो तशा, मरिम्‍शो सुइक्‍नीम, आ लोव़ यो मनेंनीम, दे हिंशा मो पाप्‍तु। प्रेरित ११:२-३

गलाती 2:9

गो थमा पा एको शेंतीक गेय कली योव़शो नङ, दे रुप्‍शा, याकूब, केफास नु यूहन्‍ना सांफामी बारनाबास नु आं कली “गो इं यहूदी आन कली शेंनीकी। गे निक्‍शी चहिं अर्को रागी ङा मुर आन कली शेंथ लसे” देंशा, ग्‍युरा गुइमी ग्‍याइश्‍शा, लोव़सी गारपाइक्‍तेक्‍म। यूहन्‍ना १:४२

ब्‍यवस्‍था 28:64

मिनु परमप्रभु यावेमी इन कली जात जात ङा मुर आन दातेमी फ्राइब। मिनु गेपुकीमी मेकेर ङा इन किकी पिपी नु इन मतुइश्‍शो शी नु फुल्‍लु के देवी देवता आन कली गेय पाइनीनी।

ब्‍यवस्‍था 30:3

मेना परमप्रभु यावे, इन परमप्रभुमी इन रिम्‍शो नाक्‍ती लेप्‍पाइक्‍ब। मिनु परमप्रभु यावे, इन परमप्रभुमी इन कली शिशी पाइश्‍शा, जात जात ङा मुर आन दातेमी ब्रपाइक्‍तीके रे खुप्‍शा चाक्‍ब। इजीकीएल १६:५३; येरमीया २९:१४; आमोस ९:१४; येरमीया ३२:३७

ब्‍यवस्‍था 32:26

गो मेको आन कली ङोन ङोन सम्‍म ब्रापाइक्‍नुङ। गो मेको आन कली मुर आन दातेम ममिम्पाइक्‍नुङ।

ब्‍यवस्‍था 4:27

मिनु परमप्रभु यावेमी इन कली जात जात ङा मुर आन दातेमी ब्रपाइक्‍ब। मिनु परमप्रभु यावेमी इन कली कोंइशो रागी रागी आन दातेमी इच्‍का ला लीनीनी।

फिलिप्‍पी 1:1

पावल नु तिमोथी, गो निक्‍शी ख्रीस्‍त येसु आ वाइल नस्‍कु। फिलिप्‍पी सहरम बाक्‍शो ख्रीस्‍त येसु कली थमा सुइक्‍ब नेल्‍ल इन कली, थमा सुइक्‍ब आन कली कोव़ब नु ग्रुम्‍तीके ङा गेय पाइब इन कली चिठी ब्रेक्‍ताक्‍ङ। प्रेरित १६:३

२ तिमोथी 4:21

हिउंद क्‍येङा ङोंइती आं कली ग्रुम्‍थ रीब पा जाक्‍को। युबुलसमी इ कली “रिम्‍शो बाक्‍को” देंशो बाक्‍ब। पुडेन्‍स, लिनस, क्‍लौदीया नु थमा सुइक्‍ब लोक्‍ब नेल्‍लेमी यो मो देंतेक्‍म।

तीतस 1:1

गो परमप्रभु यावे आ वाइल नु येसु ख्रीस्‍त आ सोइश्‍शो, थमा सुइक्‍ब पावल नङ। परमप्रभु यावे आ योव़शो मुर आन कली थमा सुइक्‍चा आ पर्बम शेंतीक नु मेको तुइश्‍शो रे रिम्‍शो गेय पचा माल्‍ब, दे शेंब दुम्‍ती।

१ पत्रुस 1:1

गो येसु ख्रीस्‍त आ सोइश्‍शो पत्रुस नङ। एको चिठी पोन्‍टस, गलातीया, कापाडोसीया, एसीया नु बिथीनीया रागीम ब्रशा बाक्‍शो इस्राएल रागी ङा थमा सुइक्‍ब, इन कली ब्रेक्‍ताक्‍न्‍नी। हिब्रू १३:१४

२ पत्रुस 1:1

गो येसु ख्रीस्‍त आ वाइल नु आ सोइश्‍शो, सिमोन पत्रुस नङ। इं परमप्रभु यावे नु पाप रे प्रोंइब येसु ख्रीस्‍त रे पा ठीक दुम्‍तय, दे थमा सुइश्‍शा, थुं का दुम्‍तय। मोपतीके इन कली एको चिठी ब्रेक्‍ताक्‍ङ।

यहूदा 1:1

गो याकूब आ लोक्‍ब यहूदा नङ। गो येसु ख्रीस्‍त आ वाइल दुम्‍ती। परमप्रभु यावे, इं आफ आ दाक्‍शो नु येसु ख्रीस्‍त कली योव़शा वोइश्‍शो मुर, इन कली ब्रेक्‍ताक्‍ङ। मत्ती १३:५५

प्रकाश 7:4

मिनु गिश मुरपुकी छाप थोक्‍चा पुंइसीशो बाक्‍तेक्‍म देंशा हना, इस्राएली आन १२ थर ङा लाख का ४४ हजार मुर छाप थोक्‍चा पुंइसीशो बाक्‍तेक्‍म। मिनु इस्राएली आन थर ङा तेको तेको बाक्‍तेक्‍म देंशा हना, प्रकाश १४:१,३