यसैया 9:9 - Sunuwar Bible

⁹ मिनु मेको एफ्राइम नु सामरीयाम बाक्‍ब नेल्‍लेम तुइक्‍ताक्‍म।

यसैया 9:9 ပူးပေါင်းရင်းမြစ်များ

१ राजा 22:25

मिनु मीकायाम “गे आंमा आगा ङा कोठाम ख्रुइक्‍थ लवे नाक्‍त, तुइक्‍नेवे” दे मदा बाक्‍त।

हितोपदेस 16:18

मुर खतम दुम्‍चा क्‍येङा ङोंइती ठेयब लेत्‍नीम। नुप्‍चा क्‍येङा ङोंइती मुर बोरनीम। हितोपदेस १८:१२

यसैया 26:11

परमप्रभु यावे, इन गुइ मेको आन पर्बम क्‍युक्‍शो बाक्‍तीनी हना यो, मेकोपुकीमी मतुइक्‍नीम। गे इन मुर आन कली दाक्‍शो तशा, मेकोपुकी मुने दोक्‍मल। इन जोरी सत्रु आन कली नेक्‍ब मीमी मेको आन कली यो नेक्गल। यसैया ३७:३२

यसैया 28:1

आबी, गे एफ्राइम ङा दुक्‍शो ठेयब लेश्‍शो मुरपुकी, इन दारस फू खोदेंशो पा बेक्‍ब। मेकेर ब्रोव़शो जाइब नु दुक्‍शो मुर ला बाक्‍नीम। अङगुर शांबुम मेको आन कली नेक्‍शो बाक्‍ब।

यसैया 28:3

एफ्राइम ङा दुक्‍शो मुर आन दारशो माला कली दिम्‍शा ताइश्‍शा पाइ‍नीम।

यसैया 46:12

गे खकटा थुं पाइश्‍शोपुकी नेनीन। गे पाप रे प्रोंइतीके रे शुश ङोन बाक्‍नीनी।

यसैया 48:4

गे मटीब बाक्‍नीनी। इन शुर फलाम खोदेंशो बाक्‍ब। इन कुप्‍फी कांसा खोदेंशो बाक्‍ब। गो मेको तुइश्‍शो बाक्‍नुङ।

यसैया 7:2

मिनु मुरपुकीम दाऊद आ खिं ङा मुर आहाज कली “अराम ङा लडाइ पाइबपुकी एफ्राइम नु गारशा जाक्‍तेक्‍म” दे शेंताक्‍म। मेको नेंशा आहाज नु आ मुर, फशेम रवा हिम्‍शो खोदेंशो पा आन थुं हिम्‍सीमा बाक्‍त।

यसैया 9:8

परमप्रभुमी याकूब कली लोव़ का सोइश्‍शो बाक्‍त। मेको इस्राएल रागी कली दुम्‍त।

येरमीया 32:24

कोव़ङीन, एको सहर आन के सेल्‍चा कली नु गारो ङोइक्‍चा कली लां सेल्‍चा कली मार मार तेल्‍तेक्‍म। मेको सहर कली तरवार, अन्‍काल नु मुर बेक्‍तीक रोइम पतीके, मेको लडाइ तोइब कल्‍दी आन गुइम दुम्‍त। गे मार देंनी, मेको दुम्‍त। गे आंमा ताइनीनी।

इजीकीएल 30:19

मोपा गो इजीप्‍त रागी कली निसाफ पा सजाइ गेनुङ। मिनु मेकोपुकीम गोन परमप्रभु यावे नङ, दे तुइक्‍नीम” देंत।

इजीकीएल 33:33

मेको नेल्‍ल थमा दुम्‍ब। मेको थमा पा थमा दुम्‍ब। मेना मेकोपुकीम आन दातेम परमप्रभु यावे आ लोव़ पाइब का जाक्‍शो बाक्‍माक्‍त, दे तुइक्‍नीम” देंत। इजीकीएल २:५

इजीकीएल 7:27

पिपम रोंका पाइब। पिप आ तौ आन थुं लुक्‍च लाइब। रागी ङा मुर आन गुइ ख्रिंख्रि पाइनीम। मेको आन पशो खोदेंशो पन, गो मेकोपुकी नु पाइनुङ। गो मेको आन पशो कोव़शा, मेको आन कली निसाफ पाइनुङ। गो मेको आन आंम कानुन आ पर्बम निसाफ पाइनुङ। मिनु मेकोपुकीमी गो परमप्रभु यावे नङ, दे तुइक्‍नीम” देंत।

इजीकीएल 7:9

गो इ कली शिशी मपथु, सुइ आन कली ब्रोंइचा मगेनुङ। गो इ कली इ पशो खोदेंशो पा सजाइ गेनुङ। इ मूर्ति पूजा पशो इ दातेम बाक्‍ब। मिनु गो इ कली तुप्‍ब, परमप्रभु यावे नङ, दे तुइक्‍नेवे।

होसे 8:14

इस्राएलीपुकीमी आंम कली सेल्‍ब कली प्रेंशा, ठेयब दरवार सेल्‍शो बाक्‍नीम। यहूदा ङा मुरपुकीमी शुश सहर एर ओंथ गारो सेल्‍शो बाक्‍नीम। तन्‍न गो मेको आन सहरमी मी सुइश्‍शा दरवार नेल्‍ल क्रोइक्‍नुङ” दे परमप्रभुम देंत। येरमीया १७:२७; आमोस २:५

मलाकी 1:4

मिनु एदोम ङा मुरपुकीमी “गोपुकी ब्रुंइसाक्‍व हना यो, गो लेंशा मेको ब्रेश्‍शो नेल्‍ल सेल्‍नीकी” देंतेक्‍म। मुर नेल्‍ल आन परमप्रभु यावेमी “मेकोपुकीमी सेल्‍तेक्‍म हना यो, गो प्रेत्‍नुङ। मिनु अरु मुरपुकीमी मेको आ पर्बम ‘एको ठीक मपाइब रागी का बाक्‍ब। परमप्रभु यावे मेको रागी तशा, गेना हना यो गाइक्‍ब’ ” देंनीम।

मलाकी 3:13

मिनु परमप्रभु यावेमी “गे आं पर्बम मरिम्‍शो लोव़ पाइतीनी हना यो ‘इन कली मार मरिम्‍शो लोव़ पका ङा?’ देंतीनी।

मलाकी 4:1

मुर नेल्‍ल आन परमप्रभु यावेमी “आं निसाफ पतीक नाक्‍ती जाक्‍ब। मेको ठेयब मी खोदेंशो पा ब्रशो बाक्‍ब। मेना ठेयब लेश्‍शो नु मरिम्‍शो पाइब नेल्‍ल सोव़शो ठुटा खोदेंशो बाक्‍नीम। मेको नाक्‍ती मीम मेको आन कली नेक्‍ब। मिनु मेको आन शाक्‍श नु राशी यो मलीब।

१ पत्रुस 5:5

मिनु गे ठिटापुकी, शेंब खाल्‍पा आन देंशो लोव़ टिने। गे नेल्‍ल ब्रेम्‍शो थुं पाइश्‍शो दुम्‍शा, गेय पमुने। मारदे हना परमप्रभु यावेमी ठेयब लेश्‍शो मुर आन कली मकोव़ब, ब्रेम्‍शो थुं पाइश्‍शो मुर आन कली ला शिशी पाइब। एफिसी ५:२१; अय्‍युब २२:२९; हितोपदेस ३:३४; मत्ती २३:१२; याकूब ४:६