यसैया 9:7 - Sunuwar Bible

⁷ मेको आ अधिकार गेना हना यो बारब। दाऊद आ राज्‍य कली गेना हना यो थुं नाइक्‍तीके दुम्‍ब। मेको आ राज्‍य गेना हना यो ठीक निसाफ नु ठीक पतीकेमी बाक्‍ब। मेको मुर नेल्‍ल आन परमप्रभु यावेमी पाइब। २सामुएल ७:१२-१३; लूका १:३२; यसैया ११:१-५; भजन संग्रह ७२:३-४

यसैया 9:7 ပူးပေါင်းရင်းမြစ်များ

२ सामुएल 7:16

इ खिं नु इ राज्‍य गेना हना यो आं ङोंइती लीब। इ सासन पतीक गेना हना यो लीब” देंमाक्‍त। भजन संग्रह ७२:-; यसैया ५५:३

२ राजा 19:31

मारदे हना यरूसलेम रे लीशो मुरपुकी लाइनीम। सियोन डांडा रे हुल का ब्रोंइशो मुर ग्रूशा जाक्‍नीम। मुर नेल्‍ल आन परमप्रभु यावेमी आ जोंब बोक्‍शा मेको पाइब” देंमाक्‍त। यसैया ९:६

भजन संग्रह 2:8

मिनु लेंशा परमप्रभु यावेमी आं कली “गे आं कली पुंइतीवी हना, गो रागी रागी ङा मुर इ कली गेनुङ। रागी ङा सुर सम्‍म नेल्‍ल इ कली गेनुङ। दानीएल ७:१३-१४; हिब्रू १:२

यसैया 11:1

येस्‍से आ ठुटा रे ठोसा का दाप्‍ब। मेको आ शाक्‍श रे वाशो राशीम फल फुल सिप्‍ब।

यसैया 16:5

गेना हना यो दाक्‍ब आ नित्‍तीक वोंइसीब। मेको दाऊद आ ताम्‍बुम बाक्‍ब। मिनु मेको नित्‍तीकेमी थमा सुइक्‍चा पुंइसीब ठीक निसाफ पा हुकुम पाइब का निस्‍सीब। मेकोमी रीब पा कुल मकोव़थु, निसाफ पाइब।

यसैया 2:4

मिनु मेकोमी रागी रागी ङा नु जात जात ङा मुर आन कली निसाफ पाइब। मिनु मेकेर ङा मुर आन कली अरेब। मेकोपुकीमी आन तरवार चेम्‍शा, फाली सेल्‍नीम। आन तूतीक चहिं गुये सेल्‍नीम। रागी का ङा मुर अर्को रागी ङा मुर नु लडाइ मपाइनीम। लडाइ पचा मशेंसीनीम। यसैया ९:४

यसैया 26:11

परमप्रभु यावे, इन गुइ मेको आन पर्बम क्‍युक्‍शो बाक्‍तीनी हना यो, मेकोपुकीमी मतुइक्‍नीम। गे इन मुर आन कली दाक्‍शो तशा, मेकोपुकी मुने दोक्‍मल। इन जोरी सत्रु आन कली नेक्‍ब मीमी मेको आन कली यो नेक्गल। यसैया ३७:३२

यसैया 37:32

मारदे हना यरूसलेम रे लीशोपुकी लाइनीमी। सियोन डांडा रे हुल का ब्रोंइशोपुकी ग्रूनीम। मुर नेल्‍ल आन परमप्रभु यावेमी, गो मेको पाइनुङ” देंत। यसैया ९:६

यसैया 40:10

कोव़ङीन, परमप्रभु, परमप्रभु यावे सक्ति पाइश्‍शो दुम्‍शा जाक्‍ब। मिनु हुकुम पाइब। आ इनाम आ नु बाक्‍ब। आ गेतीके आ ङोंइती बाक्‍ब। यसैया ६२:११

यसैया 42:13

परमप्रभु यावे बोल्‍यो लडाइ पाइब खोदेंशो पा ग्रूब। लडाइ पाइब खोदेंशो पा आ जोंब बोक्‍पाइक्‍ब। मेको ठेयब रेयके पा ग्रीब। मिनु आ जोरी सत्रु आन कली आ ठेयब सक्ति कोंइब।

येरमीया 23:5

परमप्रभु यावेम “गो दाऊद आ मुर रे ठीक पाइब राशी का वा‍पाइक्‍नुङ। मेको नाक्‍त थमा पा जाक्‍ना जाक्‍न बाक्‍ब। पिप कामी आ जोक्‍तीक तुइक्‍तीकेम सासन पाइब। मिनु मेकोमी आ रागीमी ठीक निसाफ नु ठीक गेय पाइब। जकरिया ३:८; यसैया ३२:१

दानीएल 2:35

मिनु मेको फलाम, खप, कांसा, चांदी नु सुन नेल्‍ल ब्रोल चिल दुम्‍तेक्‍म। मिनु फशेमी खला ङा भूस हुरशा लाइश्‍शो खोदेंशो पा मारेइ मवोइक्‍थु, ग्‍यौ फिक्‍शा योल्‍ताक्‍व। मिनु मेको मूर्ति कली ख्रशो फुल्‍लु बारना बारन लशा, ठेयब डांडा दुम्‍शा, रागी नेल्‍ल ब्रीत।

दानीएल 2:44

मेको पिप आन पालामी स्‍वर्ग ङा परमप्रभुमी अर्को राज्‍य का सेल्‍ब। मेको राज्‍य गेनायो ब्रोल चिल मदुम्‍ब। मेको राज्‍य ङा मुर खाल का ङा बाक्‍नीम। मेकोमी अरु राज्‍य नेल्‍ल आन कली रोब चिब पा थुम्‍पाइक्‍ब। तन्‍न मेको आ राज्‍य गेना हना यो लीब। दानीएल १४:२७; यसैया ९:६; १कोरिन्‍थी १५:२४; प्रकाश ११:१५

दानीएल 7:14

मिनु मेको कली सासन पतीक अधिकार, मान ततीक नु पिप सेल्‍‍शा राज्‍य गेशो ताता। मिनु जात जात नु रागी रागी ङा आंम आंम लोव़ पाइब मुर नेल्‍लेमी मेको कली गेय पशो ताता। आ सासन पतीके अधिकार गेना हना यो लीबाक्‍त। आ पिप दुम्‍शो राज्‍य गेनायो खतम मदुम्‍बाक्‍त।

दानीएल 7:27

मिनु राज्‍य, सासन पतीक अधिकार नु राज्‍य नेल्‍ल आन ठेयब दुम्‍तीके नेल्‍ल क्‍येङा ठेयब आ मुर आन कली गेचा पुंइसीनीम। मेको आन राज्‍य गेना हना यो लीब राज्‍य दुम्‍ब। मिनु सक्ति पाइश्‍शो नेल्‍लेमी मेको आ गेय पा, मेको कली टीनीम” देंत।

हाग्‍गै 2:9

मोपतीके एको खिं आ मुल ङा दारस क्‍येङा नोले ङा दारस शुश रिम्‍शो दुम्‍ब। मिनु एकेर आसीक शुश गे‍नुङमी” दे मुर नेल्‍ल आन परमप्रभु यावेमी देंत।

मत्ती 1:23

“नेनीने, कन्‍ने मीश आलमी कोव़ज कुरशा, तौ का थीब। मेको आल आ नें इम्‍मानुएल वोइक्‍नीम। इम्‍मानुएल देंशो ‘परमप्रभु यावे गोपुकी नु बाक्‍शो बाक्‍ब’ दे रुम्‍सीब” दे ब्रेक्‍शो बाक्‍ब। यसैया ७:१४

यूहन्‍ना 12:34

मिनु मुरपुकीमी येसु कली “परमप्रभु यावे आ लोव़ ब्रेक्‍शो किताबमी ‘ख्रीस्‍त गेनायो मबेक्‍थु बाक्‍ब’ देंशो नेंतक। गे चहिं ‘रागीमी जरमेशो क्‍युक्‍शा साइक्‍चा पुंइसीब’ देंनीनी। मिनु मेको रागीमी जरमेशो चहिं सु बाक्‍म?” दे हिल्‍लो पाम्‍तेक्‍म। भजन संग्रह ११०:४; दानीएल ७:१४

हिब्रू 1:8

तन्‍न आ तौ आ पर्बम “इन राज्‍य पचा गेना हना यो लीब। इन राज्‍य ङा राज दन्‍‍ड ठीक निसाफ पतीके राज दन्‍‍ड बाक्‍ब।

हिब्रू 7:24

येसु चहिं गेना हना यो ब्रोंइशा बाक्‍तीके गेना हना यो चढ़ेब दुम्‍शा बाक्‍शो बाक्‍ब।

प्रकाश 19:11

मिनु नोले गो स्‍वर्ग रोक्‍सीशा, बुश शारा का ताता। मेको शारा तार ङोइक्‍ब का बाक्‍त। मेको शारा ङोइक्‍ब सु बाक्‍त देंशा हना, दीगो नु थमा पाइब माइश्‍शो बाक्‍त। मेको घूस मताक्‍थु ठीक पा निसाफ पाइब बाक्‍त। लडाइ पाइब यो बाक्‍त। मत्ती २४:३०; प्रकाश ३:३४; यसैया ११:४-५