यसैया 9:4 - Sunuwar Bible

⁴ मेको आन हेल्‍शो जुवा, मेको आन बला ङा भार नु मेको आन कली दिप्‍ब मुर आन कोक्‍के जिक्‍ताक्‍नी। गे मिदयान रागी ङा लडाइम खोदेंशो पा मेको आन कली युक्‍ब आन युक्‍तीके जिक्‍तीनी। भजन संग्रह ८१:७; न्‍यायाधीस ७:१४; न्‍यायाधीस १५:२२

यसैया 9:4 ပူးပေါင်းရင်းမြစ်များ

उत्पत्ती 27:40

इ तरवारम इ गेय पाइनेवे। इ लोक्‍ब कली गेय पाइनेवे। २राजा ८:२०,२२ गे बोल्‍यो दुम्‍ते हना, आ जुवा इ शुर रे ताइक्‍नेवे” दे एसाव कली यो आसीक गेवा बाक्‍त।

भजन संग्रह 125:3

परमप्रभु आ अरेशो मटीब आन हुकुम पतीके ठीक पाइब आन रागीम मदुम्‍ब। मिनु ला ठीक पाइबपुकीमी दूली मपाइनीम।

भजन संग्रह 81:6

मेको सेंदामी “गो इन बला रे भारी शोल्‍ता। गे भारी कुरचा ममाल्‍नीनी। प्रस्‍थान ६:६; यसैया ९:३

यसैया 10:16

मोपतीके परमप्रभु, मुर नेल्‍ल आन परमप्रभु यावेमी अस्‍सुर ङा दोम्‍शो लडाइ पाइब मुर आन कली बेक्‍तीक रोइ सोइक्‍नुङ। मिनु मेको आन रां चोशो खोदेंशो पा जेश्‍शा नुप्‍ब।

यसैया 10:5

आबी, अस्‍सुर रागी, गे आं गाइक्‍तीक ङा कोर्रा, आं गाइक्‍तीके कोक्‍के कुरब दुम्‍ते। यसैया १०:१५

यसैया 14:25

गो अस्‍सुर ङा मुर आन कली आं रागीम साइश्‍शा, आं डांडा दिम्‍पाइक्‍नुङमी। मोपा आं जुवा ग्रुंइनुङ। मिनु आन श्‍येत आन बला रे फेत्‍नुङ।

यसैया 16:4

मोआब रे प्रोक्‍शो मुर आन कली गेपुकी नु बाक्‍चा गेने। मेको आन कली साइक्‍ब रे प्रोंइशा, वारच पने। मुर आन कली दिप्‍बपुकी मबाक्‍तेक्‍म हना, खतम दुम्‍तीके नुप्‍त हना, श्‍येत गेबपुकी रागी रे फिक्‍चा पुंइसाक्‍म हना,

यसैया 47:6

गो आं मुर आन कली तशा गाइश्‍शा, मेको आन कली ‘आं मुर मनम’ खोदेंशो सेल्‍ता‍मी। मेना इ गुइमी गेता‍मी। मिनु गे मेको आन कली काइ शिशी मपदी। खूशो आन कली यो श्‍येत गेशा, हेल्‍शो जवा लाप्‍ताक्‍वी। जकरिया १:१५

यसैया 49:26

इ कली श्‍येत गेब आन कली आंम आन श्‍ये ब्‍वपाइक्‍नुङ। मेकोपुकी अङगुर शांबुम दुक्‍शो खोदेंशो पा आंम आन हुशेम दुक्‍नीम। मिनु मुर नेल्‍लेमी ‘गो इ कली श्‍येत रे प्रोंइब, इ परमप्रभु यावे नङ। गो इ कली पाप रे प्रोंइब, याकूब आ सक्ति पाइश्‍शो परमप्रभु नङ’ दे तुइक्‍नीम” देंत।

यसैया 51:13

गे इन कली सेल्‍ब परमप्रभु यावे कली प्रेंताक्‍नी। मेकोमी सरीङ प्राक्‍तु। रागी आ जग वोइक्‍तु। इन कली श्‍येत गेब मुर गाइक्‍तमेनु, गे नाक्‍त किंत किंत हिंनीनी। मेकोमी इन कली खतम सेल्‍चा चिक्‍शो बाक्‍त। तन्‍न मुल आ गाइश्‍शो ते लाक्‍गा? यसैया ४४:२४

यसैया 52:2

यरूसलेम, इ फुरक थुर थुर पांइसो। बोक्‍को। गे ग्‍याइश्‍शा चोक्‍चा पुंइसीशो सियोन आ तमी, इ शुर ङा साङलो प्रुतो” देंत।

यसैया 54:14

मिनु ठीक पतीकेमी इ कली बोल्‍यो सेल्‍ब। गे श्‍येत गेब आन क्‍येङा ङोन बाक्‍नेवे। मिनु गे काइ महिंनेवे। मारदे हना हिंचा ङा श्‍येत इ नेक्‍था मजाक्‍ब।

यसैया 9:5

मारदे हना लडाइ पाइब आन जुत्ता नु आन फेक्‍तीक वा नेल्‍ल हुश लुम्‍सीशो बाक्‍नीम। मेको मीम चोतीक दुम्‍नीम।

येरमीया 30:8

मुर नेल्‍ल आन परमप्रभु यावेमी “गो मेको नाक्‍ती मेको आन बला रे जुवा जिक्‍नुङ। मिनु गो मेको आन कली फ्रेंशो रे प्रोंइनुङमी। मिनु अर्को रागी ङा मुरपुकीम मेको आन कली गेनायो वाइल मसेल्‍नीम। येरमीया २३:५; येरमीया २७:१२; इजीकीएल ३४:२३; होसे ३:५

येरमीया 48:17

मेको आ एर ओंथ बाक्‍ब नेल्‍ल नु मेको आ पशो तुइक्‍ब नेल्‍ल मेको आ पर्बम रोंका पने। मिनु ‘दोपा सक्ति पाइश्‍शो राज्‍य क्‍याम्‍चा पुंइसे। पिप आ कोक्‍के दोपा जिक्‍मे’ देनीन।

लेवी 26:13

गो परमप्रभु यावे, इन परमप्रभु नङ। गेपुकी इन कली इजीप्‍ती आन वाइलीम वाइल मदुम्‍पाइक्‍थु, एक चाक्‍तन्‍नी। गो इन शुर ङा जवा जिक्‍शा, इन पिया पोक्‍शा गाक्‍ब सेल्‍तन्‍नी। इजीकीएल ३४:२७-२८

नहुम 1:13

मिनु मुल गो इ कली श्‍येत गेबपुकी रे प्रोंइनुङ। मिनु इ कली फ्रेंशो डोरी प्रोइक्‍नुङ” दे परमप्रभु यावेमी देंशो बाक्‍ब।