यसैया 9:13 - Sunuwar Bible

¹³ मो हना यो मुर आन कली तुप्‍ब गे मलेम्‍म। मिनु मेकोपुकीमी मुर नेल्‍ल आन परमप्रभु यावे कली ममाल्‍नीम। यसैया १०:३३

यसैया 9:13 ပူးပေါင်းရင်းမြစ်များ

२ इतिहास 28:22

मोपा पिप आहाज दोशो श्‍येत जवा, मोशोन परमप्रभु यावे क्‍येङा ङोन दुम्‍माक्‍त।

अय्‍युब 36:13

परमप्रभु कली मान मपाइब मुर गाइक्‍स ङा गाइक्‍स बाक्‍नीम। परमप्रभु रे पा सजाइ तामेनु, यो मेकोपुकीम ‘वारच पाइक्‍की’ दे मपुंइनीम।

यसैया 1:5

मारदे गो इन कली लेंशा, तुप्‍चा माल्‍ङा? मारदे गे ङोंइती क्‍येङा मटीब दुम्‍नी। इन पिया नेल्‍ल रोइ पशो खोदेंशो बाक्‍ब। गे थशो खोदेंशो बाक्‍नीनी। येरमीया २:३०

यसैया 19:15

इजीप्‍त रागी कली सुइमी वारच पने मचाप्‍नीम।

यसैया 26:11

परमप्रभु यावे, इन गुइ मेको आन पर्बम क्‍युक्‍शो बाक्‍तीनी हना यो, मेकोपुकीमी मतुइक्‍नीम। गे इन मुर आन कली दाक्‍शो तशा, मेकोपुकी मुने दोक्‍मल। इन जोरी सत्रु आन कली नेक्‍ब मीमी मेको आन कली यो नेक्गल। यसैया ३७:३२

यसैया 31:1

आबी, इजीप्‍त रागी कली “वारच पाइक्‍की” दे लाइबपुकी, मेकोपुकी शारा कली थमा सुइक्‍ब बाक्‍नीम। बग्‍गी कली थमा सुइक्‍नीम। मारदे हना मेकेर शुश बाक्‍नीम। शारा ङोइक्‍ब आन कली थमा सुइक्‍नीम। मारदे हना मेको शुश बोल्‍यो बाक्‍नीम। तन्‍न मेकोपुकीम इस्राएली आन का ला बाक्‍शो परमप्रभु यावे कली ममिम्‍थु, हिल्‍लो मपाइनीम। यसैया ३०:१-२; भजन संग्रह २०:८

यसैया 57:17

मेको आन परमप्रभु यावे आ अरेशो मटि‍थु, शिं‍म दुम्‍तीके गाइक्‍ताक्‍ङ। गो मेको आन कली तुप्‍शा थाइश्‍शा गाइक्‍ताक्‍ङ। तन्‍न मेकोपुकी नोले शोंइसीशा आंम आन लां लाम्‍तेक्‍म।

यसैया 7:20

मेको नाक्‍त परमप्रभुमी युफ्रेटीस खोला आइक्‍ची हांबु रे क्‍येट थाप्‍शा चाक्‍शो छूराम, अस्‍सुर ङा पिपमी पिया ङा चां नु गिरशी प्रेक्‍पाइक्‍ब। मेको छूरामी गाल शोक्रे यो प्रेक्‍पाइक्‍ब। २राजा १५:२९

येरमीया 15:7

गो मेको आन कली राज्‍य ङा सहर ङा ठेयब लाप्‍चोमी ग्‍योलोम हारशो खोदेंशो हारताक्‍ङ। गो आं मुर आन कली शुश श्‍येत गेशा खतम सेल्‍ता। मारदे हना मेको आन मरिम्‍शो पतीक रे मलेम्‍म। मत्ती ३:१२

येरमीया 29:11

मारदे हना गो इन पर्बम शुश मिम्‍शो बाक्‍नुङ। गो मेको मिम्‍शो तुइक्‍नुङ। आं मिम्‍शो इन कली रिम्‍शो दुम्‍चा कली बाक्‍ब। मरिम्‍शो दुम्‍पाइक्‍चा कली ममाइ।

येरमीया 5:3

मिनु “परमप्रभु यावे, गे थमा लोव़ तचा ममाल्‍नीनी ङा? गे मेको आन कली तुप्‍तीनी। तन्‍न मेकोपुकी मखा‍इक्‍म। गे मेको आन कली खतम सेल्‍‍तीनी। तन्‍न मेकोपुकीमी इन देंशो पचा मबित्‍‍नीम। मेकोपुकीम आन कुल फुल्‍लु क्‍येङा यो खकटा सेल्‍तेक्‍म। मेकोपुकी लेश्‍शा जाक्‍ने मबिस्‍सम। येरमीया २:३०; येरमीया७:२८; येरमीया ९:२; यसैया ४८:४

इजीकीएल 22:24

मार लोव़ पाप्‍तु देंशा हना “ए मुर, एको रागी कली गे आं गाइक्‍तीक नाक्‍त रेउम मशेक्‍शो, ग्रांग्रा दिशो रागी बाक्‍नेवे।

इजीकीएल 24:13

मिनु गो इ कली इ ग्रांग्रा दिशो गेय रे ग्रुंइशा ग्रांग्रा मदिशो सेल्‍चा माल्‍ता। तन्‍न गे ग्रांग्रा मदिशो मदुमे। मोपतीके गो गेना सम्‍म आं गाइश्‍शो नेल्‍ल इ तार मोइश्‍शा, आं थुं मनाइक्‍पाइक्‍नुङा, मेना सम्‍म गे ग्रांग्रा मदिशो सेल्‍चा मपुंइसीनेवे। इजीकीएल ५:१३

दानीएल 9:13

मोसामी इन अरेशो लोव़म ‘मेको कली मटीब श्‍येत जाइनीम’ दे ब्रेक्‍शो खोदेंशो पा, मेको श्‍येत नेल्‍ल आंइ कली दुम्‍त। मिनु गोपुकीमी परमप्रभु यावे, आंइ परमप्रभु कली ‘इन थमा लोव़ कली रुप्‍तीक थुं गेकी’ दे मपुंइक। मिनु आंइ मरिम्‍शो पशो मप्रोंइक। इन कली दाक्‍शा मप्रोंइतीके ममिम्‍तक।

होसे 5:15

मिनु गो आं बाक्‍तीकेमी लेश्‍शा बाक्‍नुङ। मेकोपुकीमी आन मरिम्‍शो पशो तुइश्‍शा, आं कली ममाल्‍मे सम्‍म बाक्‍नुङ। मिनु मेकोपुकीमी शुश श्‍येत जशा, आं कली माल्‍नीम” दे परमप्रभुमी देंत। यसैया २६:१६

होसे 7:10

इस्राएल आ ठेयब लेत्‍तीकेमी ‘मरिम्‍शो पाइब बाक्‍ब’ दे आन सांकछी बाक्‍ब। तन्‍न मेकोपुकी परमप्रभु यावे, आन परमप्रभु गे मलेत्‍नीम। मिनु मेको कली ममाल्‍नीम” देंत।

होसे 7:16

मेको नेल्‍ल क्‍येङा ठेयब गे मलेत्‍नीम। मेकोपुकी जिक्‍शो लिब्रा खोदेंशो बाक्‍नीम। मेको आन ठेयब मुर आन मरिम्‍शो पशो लोव़ आ पर्बम तरवारमी साइक्‍चा पुंइसीनीम। इजीप्‍त रागीमी मेको आन पर्बम शुक्‍शी पाइनीम” देंत। भजन संग्रह ७८:५७

आमोस 4:10

गो इन दातेम इजीप्‍त रागी कली खोदेंशो पा बेक्‍चा ङा रोइ सोइक्‍ताक्‍ङ। गो इन ठिटा आन कली तरवारमी क्‍योरशा साइक्‍पाइक्‍तामी। इन शारा रोइक्‍पाइक्‍तामी। इन बाक्‍तीक ङा मरिम्‍शो रिना इन नें आगाम प्रिंताक्‍ङ। मो हना यो गेपुकी आं गे मलेन्‍नी” दे परमप्रभु यावेमी देंत। प्रस्‍थान ९:३

आमोस 4:6

मिनु परमप्रभु यावेमी “इन कली, सहर नेल्‍लेमी श्‍येत्‍थ कोव़ज नु शोब्‍ले जचा मतशो सेल्‍तन्‍नी। मो हना यो गेपुकी आं गे मलेन्‍नी” दे परमप्रभु यावेमी देंत।

सेफन्‍याह 1:6

गो, परमप्रभु यावे, आं कली ममाल्‍थु, मपुंइथु आं नोले खोइक्‍चा प्रोंइशा, नोले शोंइसीब आन कली खतम पोक्‍नुङमी।

ब्‍यवस्‍था 4:29

तन्‍न गे मेकेर बाक्‍शा, परमप्रभु यावे, इन परमप्रभु कली माल्‍नीनी। मिनु गे थमा पा इन थुं नेल्‍लेम माल्‍तीनी हना, गे मेको कली थित्‍नीनी। भजन संग्रह २७:८; येरमीया २९:१३-१४