यसैया 8:9 - Sunuwar Bible

⁹ गे रागी रागी ङा मुर गारशा सुर्ता पने। गे खतम दुम्‍पाइक्‍चा पुंइसीनीनी। गे ङोन रागी ङा मुर नोफा दाइश्‍शा नेनीने। लडाइ पचा कली किप्‍शुर किम्‍सीन। मिनु हिनीन। लडाइ पचा कली ठीक दुमीन। मिनु सुर्ता पने।

यसैया 8:9 ပူးပေါင်းရင်းမြစ်များ

१ राजा 20:11

मिनु मेको आन कली इस्राएल ङा पिपमी “मेको कली ‘लडाइ ग्राचा गेना गेना, मुल कना मार ठेयब लेश्‍शो लोव़ पाइनेवे’ दें‍त, मतीन” दे सोइक्‍ती‍मी बाक्‍त।

हितोपदेस 11:21

मरिम्‍शो पाइब मुर सजाइ मतथु मब्रोंइनीम। मेको थमा बाक्‍ब। तन्‍न ठीक पाइब आन चच युइ ब्रोंइचा ताइनीम।

यसैया 28:13

मोपतीके परमप्रभु यावे आ लोव़ मेको आन कली यो आन खोदेंशो पा मरुप्‍चा ङा लोव़ दुम्‍ब। मिनु “ब्रेक्शो, अरेशो पावो कि पावो, पावो कि पावो, पावो कि पावो। इच्‍का एकेर, इच्‍का मेकेर” देंशो बाक्‍ब। मिनु मेकोपुकी लशा, नोले गे गोल्‍शा आन गुइ खोइली जिक्‍नीम। मिनु ब्‍वारदम रेश्‍शा, ग्‍याइक्‍चा पुंइसीनीम।

यसैया 37:36

मिनु परमप्रभु यावे आ स्‍वर्ग ङा गेय पाइब का अस्‍सुर ङा मुर आन बाक्‍तीकेम लशा, लाख का ८५ हजार जना मुर सदा बाक्‍त। मिनु मुरपुकी सुनी बोक्‍शा कोव़ङमेनु, बेक्‍शो मुर ला ताम्‍तेक्‍म। यसैया १७:१४; यसैया ३१:८

यसैया 54:15

मिनु “सुइ इ कली श्‍येत गेचा कली खुम्‍साक्‍म हना, आं पशो ममाइ। सुमी इ कली लडाइ तोइबा, मेको इ पर्बम साइक्‍चा पुंइसीनीम।

येरमीया 42:11

मुल गे बेबीलोन ङा पिप क्‍येङा महिनीन। मारदे हना गो इन कली मेको आ गुइ रे प्रोंइचा नु श्‍येत मगेपाइक्‍चा कली गेपुकी नु बाक्‍शो बाक्‍नुङ।

येरमीया 46:3

आइक्‍च नु ठेयब तेक्‍तीक ठीक पने। लडाइ पचा कली ङोंइती बारीन।

येरमीया 46:4

शाराम लगम पाइक्‍तीन। शारा ङोंइसीन। कांसा के ताकी गुक्‍शा इन तूतीक शेप्‍पीन। इन कांसा के फेक्‍तीक फेक्‍सीन।

येरमीया 51:20

बेबीलोन, गे लडाइ पचा कली आं तुप्‍‍तीके नु लडाइ पतीक या बाक्‍नेवे। गो इ रे पा रागी रागी ङा मुर आन कली तुप्‍ता‍मी। गो इ रे पा राज्‍य आन कली खतम पोक्‍‍तामी। येरमीया ५०:२३

इजीकीएल 38:7

गे सासीशा बाक्‍को। मिनु गे नु गारशा लडाइ पचा कली जाक्‍शो लडाइ पाइब नेल्‍ल आन कली सासीशा बाक्‍पतो। मिनु गे मेको नेल्‍ल आन ठेयब मुर दुम्‍शा, सासीशा बाक्‍को।

इजीकीएल 38:8

शुश नाक्‍त नोले लडाइ पचा कली इन कली ब्रेत्‍नीम। गेपुकीम लडाइम श्‍येत्‍थ दुम्‍शा लेंशा सेल्‍शो रागी कली लडाइ तोइनीनी। मेको मुर शुश रागी रे खुप्‍शा, इस्राएल ङा पहाडम चाक्‍शो बाक्‍नीम। मेकेर शुश बर्स रे मुर मबाक्‍म। मेकोपुकी रागी रागी रे चाक्‍शो बाक्‍तेक्‍म। मिनु मुल मेको नेल्‍ल मारेइ मदुम्‍थु रिम्‍शो पा बाक्‍शो बाक्‍नीम।

यहोसु 11:5

मिनु मेको पिप नेल्‍ल खुम्‍सीशा, इस्राएली नु लडाइ पचा कली मेरोम माइश्‍शो ब्‍वाक्‍कु आ बुक्‍तीके आ नेक्‍था बाक्‍तेक्‍म।