यसैया 8:21 - Sunuwar Bible

²¹ मेकोपुकी एको रागीम श्‍येत जशा, शोव़लु बेक्‍शा हिरनीम। मिनु शोव़लुमी गाइश्‍शा, ग्‍येत्‍थ गे कोव़शा, आन पिप नु परमप्रभु कली सराप पाइनीम।

यसैया 8:21 ပူးပေါင်းရင်းမြစ်များ

२ राजा 25:3

मिनु मेको ४ महिना ङा ९ नाक्‍त सहरम थम ठेयब अन्‍काल दुम्‍माक्‍त। मिनु मेको रागीम मुर आन कली जचा थोव़क मारेइ मबाक्‍माक्‍त।

२ राजा 6:33

मिनु एलीशाम मेकोपुकी नु लोव़ पना पन बाक्‍मेनु मेको लोव़ कुरब मुर जाक्‍माक्‍त। मिनु पिपमी “एको खतम दुम्‍तीक परमप्रभु यावे रे जाक्‍शो बाक्‍ब। मुल गो मारदे परमप्रभु यावे कली आस पा बाक्‍नुङा?” देंमाक्‍त। आमोस ३:६

अय्‍युब 1:11

तन्‍न गे इन गुइ दिंशा, मेको आ मारेइ मारेइ थि‍ने। मिनु मेकोमी इन कली इन ङोंइतीन सराप चीले पाइब” देंमाक्‍त।

अय्‍युब 18:12

मेकोपुकी शोव़लु बेक्‍तीके सक्ति मपाइश्‍शो बाक्‍नीम। मिनु श्‍येत दुम्‍शा गोल्‍नीम।

अय्‍युब 2:5

इन गुइ दिंशा, मेको आ रुश नु श्‍ये थि‍ने। मिनु मेकोम इन ङोंइतीन इन कली सराप चीले पाइब” दे लोव़ लेत्‍ता बाक्‍त।

अय्‍युब 2:9

मिनु मेको आ मीशेमी मेको कली “मार, गे मुल सम्‍म थमा सुइक्‍चा मप्रोंइनीनी? परमप्रभु कली सराप चीले पा बेक्‍कीन” दे मदा बाक्‍त।

प्रस्‍थान 22:28

परमप्रभु आ पर्बम मरिम्‍शो लोव़ मपचा। इन कली सासन पाइब कली सराप मपचा। लेवी २४:१४-१६; प्रेरित २३:५

हितोपदेस 19:3

मुर आन मूर्ख पतीकेमी खतम दुम्‍नीम। मो हना यो मेकोपुकीमी परमप्रभु यावे कली दोस गेनीम। बिलाप ३:३९

यसैया 14:30

नेल्‍ल क्‍येङा ङोंइती जरमेशो, प्रुङग आन दाते ङा मुरुम जचा ताइनीम। मारेइ मथीब मुरपुकी यो महिंथु बाक्‍ने चाप्‍नीम। तन्‍न इन खिं ङा मुर आन कली अन्‍कालम बेक्‍पाइक्‍‍नुङ। मिनु इन लीशो मुर आन कली साइक्नुङ।

यसैया 51:19

इ कली श्‍येत निक्‍शी जाक्‍‍ताक्‍स। मेको लां नेल्‍लेम गोल्‍शो बाक्‍नीम। ङोंइती ङा श्‍येत इन सहर प्रेश्‍शा, खतम दुम्‍तीके नु नोले ङा श्‍येत अन्‍काल नु लडाइम, बेक्‍तीके बाक्‍त। सुम इ थुं बारपाइक्‍बा?

यसैया 59:9

मोपतीके ठीक निसाफ पतीके आंइ क्‍येङा ङोन बाक्‍ब। गो ठीक पतीके मताइनीकी। गोपुकी छेङछेङ ङा लां कली कोव़नीकी, तन्‍न छिङछिङ ला बाक्‍ब। गो नाक्‍त ङा हाम्‍सो माल्‍नीकी, तन्‍न छिङछिङ ला बाक्‍ब।

यसैया 65:13

मोपतीके परमप्रभु यावेमी “आं गेय पाइबपुकी जचा ताइनीम। गे चहिं शोव़लु बेक्‍नीनी। आं गेय पाइब तूचा ताइनीम। गे चहिं तूतू दाक्‍शा बाक्‍नीनी। आं गेय पाइबपुकी ग्‍येरनीमी, गे चहिं मुने दोक्‍नीनी। यसैया ५५:१

यसैया 9:20

मेकोपुकीमी ग्‍युरा गे ङा रोइक्‍ताक्‍म। तन्‍न शोव़लु बेक्‍तेक्‍म। आन पेरा गे ङा ब्‍वाम्‍तेक्‍म। तन्‍न मरूम। मिनु आंम आन खिं ङा मुर आन श्‍ये ब्‍वाम्‍तेक्‍म।

यसैया 9:21

मनस्‍सेमी एफ्राइम कली ब्‍वाप्‍तु। मिनु एफ्राइममी मनस्‍से कली ब्‍वाप्‍तु। मिनु मेको निक्‍शी यहूदा नु लडाइ पाम्‍ताक्‍स। मोपा यो परमप्रभु आ गाइश्‍शो मनाइक्‍थु, आ गुइ दिंस ङा दिंस बाक्‍त।

येरमीया 14:18

गो मेको रागी लती हना, तरवारम साइक्‍चा पुंइसीशोपुकी ताइक्‍नुङमी। गो मेकेर ङा सहरम ओव़ती हना, मेकेर अन्‍काल पशो मुरपुकी ताइनुङमी। परमप्रभु यावे आ लोव़ पाइबपुकी नु चढ़ेब नेल्‍ल मारेइ मतुइक्‍थु, आन गेय पना पन बाक्‍नीम” दे माइक्‍ती।

येरमीया 52:6

मिनु ४ महिना ङा ९ नाक्‍ती सहरम थम ठेयब अन्‍काल दुम्‍त। मिनु मेको सहर आ आगामी जचा कली मारेइ मबा।

लेवी 24:11

मिनु मेको इस्राएली ममा आ तौमी परमप्रभु यावे आ नें थिशा, सराप पवा बाक्‍त। मिनु मुरपुकीमी मेको कली मोसा आ बाक्‍तीकेम चाक्‍गमे बाक्‍त। मेको आ ममा आ नें शेलोमीथ बाक्‍माक्‍त। मिनु मेको दान आ थर ङा दिब्री आ तमी बाक्‍माक्‍त।

१ सामुएल 8:18

मो दुम्‍मेनु, इन योव़शो पिप आ पर्बम ठेयब सेंदा पा पुंइनीनी। तन्‍न मेना परमप्रभु यावेम इन पुंइशो लोव़ मनेंब” देंमाक्‍त।