यसैया 8:14 - Sunuwar Bible

¹⁴ परमप्रभु इन कली नेल्‍ल क्‍येङा ङोंइती ङा मिम्‍तीके दुम्‍ल। तन्‍न इस्राएल आ खिं निक्‍शी ङा मुर आन कली दाइल पाइक्‍तीके नु लां तेक्‍तीके फुल्‍लु दुम्‍ब। मेको यरूसलेम ङा मुर आन कली रेप्‍पाइक्‍ब ब्‍वारद दुम्‍ब। रोमी ९:३३

यसैया 8:14 ပူးပေါင်းရင်းမြစ်များ

भजन संग्रह 11:6

परमप्रभुमी आ अरेशो मटीब आन तारी मी नु गन्‍धक यिपाइक्‍ब। मिनु मेको आन तारी होश फश पपाइक्‍ब। मरिम्‍शो पाइब मोदेंशो पाइक्‍चा पुंइसीशो बाक्‍नीम।

भजन संग्रह 140:5

ठेयब लेश्‍शो मुरपुकीमी ख्रुइश्‍शा आं कली ब्‍वारद दाइक्‍ताक्‍म। डोरी के ब्‍वारद दाइक्‍ताक्‍म। मेकोपुकीमी आं लांमी ब्‍वारद दाइक्‍ताक्‍म। ठेयब सेंदा पा

भजन संग्रह 69:22

मेको आन जचा थोव़क आन ब्‍वारद दुम्‍ल। मेको आन कली वारच पाइब आन बेक्‍तीक दुम्‍ल। रोमी ११:९-१०

हितोपदेस 18:10

परमप्रभु यावे आ नें बोल्‍यो लाइश्‍शो खिं खोदेंशो बाक्‍ब। ठीक पाइबपुकी मेकेर दोरशा लशा, ब्रोंइशा बाक्‍नीम। हितोपदेस १४:२६; भजन संग्रह ६१:४

यसैया 25:4

मारदे हना गे प्रुङग नु मारेइ मथीब आन कली वारच पाइब बाक्‍तीनी। फश गिवार पवानु, फाम्‍सीतीके नु नां पवानु, सितल थेरतीके बाक्‍तीनी। मारदे हना मेको शिशी मपाइक्‍ब आन गाइक्‍चा, फश गिवार गारोम थोक्‍सीशो खोदेंशो बाक्‍ब। यसैया ४:६

यसैया 26:20

आं मुरपुकी जाक्‍शा, इन खिं ओव़ङीन। मिनु इन नोले लाप्‍चो चोक्‍कीन। गाइक्‍चा मनुम्म सम्‍म इच्‍का नाक्‍ती ख्रुंइ‍सीन। मत्ती ६:६

यसैया 28:16

मोपतीके परमप्रभु, परमप्रभु यावेमी “कोव़ङीन गो सियोन डांडाम जग फुल्‍लु का वोइक्‍नुङ। मेको रिम्‍शो नु बोल्‍यो सुर ङा फुल्‍लु बाक्‍ब। मेको शुश क्‍येट लाइब थम बोल्‍यो जग ङा फुल्‍लु बाक्‍ब। सु सु मेको कली थमा सुइक्‍नीमी, मेको आन थुं लुक्‍च मलाइब। भजन संग्रह ११८:२२; एफिसी २:२०; यसैया ७:९

यसैया 4:6

मेको सुम्‍तीकेम नाक्‍ती नांम मनाप्‍पाइक्‍तीके, फश गिवार पवानु नु रेउ यिमेनु, फाम्‍सीतीके दुम्‍ब।

यसैया 59:10

मिक्‍च मताइब खोदेंशो पा गारो सुल्‍शा गाक्‍नीकी। मिक्‍च मपाइश्‍शो मुर खोदेंशो पा सुल्‍‍नीकी। नाक्‍दो खोदेंशो पा नाक्‍ती यो दाइल पांइ‍सीनीकी। गो बोल्‍यो मुर आन दातेम बेक्‍शो मुर खोदेंशो दुम्‍तक। ब्‍यवस्‍था २८:२९

यसैया 7:16

मिनु मेको वोंइश आलम मरिम्‍शो मपचा, रिम्‍शो पचा तुइक्‍चा क्‍येङा ङोंइती, इन कली हिंपाइक्‍ब पिप आस रागी श्‍येत्‍थ दुम्‍ब।

येरमीया 6:21

मोपतीके परमप्रभु यावेम मार, देंत देंशा हना “कोव़ङीन, गो एको मुर आन ङोंइती दाइल पाइक्‍तीके थोव़क वोइक्‍नुङ। मिनु आम आफ, आलपुकी कालेम नु आन नेक्‍था ङा मुर नु आन वारच काले‍म खतम दुम्‍नीम” देंत।

इजीकीएल 11:16

मोपतीके परमप्रभु, परमप्रभु यावेमी “गो मेको आन कली ङोन रागी रागी ङा मुर आन दातेम सोइक्‍ताक्‍ङमी। गो मेको आन कली राज्‍य राज्‍य आन दातेमी फ्रात हना यो, इच्‍का नाक्‍ती सम्‍म मेको आन परमप्रभु दुम्‍ती। इजीकीएल ६:८-१०

इजीकीएल 3:20

मिनु ठीक पाइब मुर काम आ ठीक पतीक रे लेश्‍शा मरिम्‍शो पाप्‍तु हना, गो मेको आ ङोंइती दाइल पाइक्‍तीक फुल्‍लु वोइक्‍ता हना, मेको बेक्‍ब। गे मेको कली हिंच मकोंइतीके, मेको आ पापम पतीके बेक्‍ब। मेको आ ङोंइती ठीक पशो मारेइ ममिम्‍सीब। मिनु गो मेको आ हुश आ क्‍येक्‍क इ रे पा ताक्‍नुङ। इजीकीएल १८:२४

मत्ती 13:57

मिनु येसुमी मेको आन थुं मनुशो तुइश्‍शा, मेको आन कली “तेइ तेइ परमप्रभु यावे आ लोव़ पाइब आन कली ठेयब सुइश्‍शा मान पाइनीम। आंम रागी, आंम खिंमी चहिं महिक्‍नीम” दे माइक्‍तीमी। यूहन्‍ना ४:४४

मत्ती 21:44

सुमी एको फुल्‍लुम दाल पांइसीशा राम्‍सीबा, मेको फस दुम्‍ब। एको फुल्‍लुमी सु कली चिप्‍बा, मेको चिम्‍सीशा बेक्‍ब” देंत।

लूका 2:34

मिनु सिमियोनम मेको आस कली आसीक गेशा, मरीयम कली “एको आल इस्राएली आन दातेमी लां कोंइशा मुर आन कली फ्राब। का निक्‍शी खतम दुम्‍नीम, का निक्‍शी रिम्‍शो दुम्‍नीम। मिनु शुश मुरुमी एको कली मदाक्‍नीम। लूका २०:१७-१८; प्रेरित २८:२२; १कोरिन्‍थी १:२३

लूका 21:35

मेको मोदेंशो श्‍येत नेल्‍ल रागीम दुम्‍ब।

रोमी 11:35

“सुमी परमप्रभु यावे कली मार मार गेशा, परमप्रभु यावेमी मार मार गेचा माल्‍ब, देंने चाप्‍बा ङा?” दे ब्रेक्‍शो बाक्‍ब। अय्‍युब ४१:३

यहोसु 10:7

मिनु यहोसुमी आ लडाइ पाइब नेल्‍ल आन कली लाइश्‍शा, गिल्‍गाल रे लत। मिनु आ नेल्‍ल क्‍येङा बोल्‍यो लडाइ पाइबपुकी यो मेको नु लाम्‍तेक्‍म।

१ पत्रुस 2:8

मिनु लेंशा “मेको फुल्‍लुमी मुर आन कली दाइल प‍पाइक्‍ब। मेको ठेयब फुल्‍लुमी मुर आन कली थिप्‍पाइक्‍ब” दे ब्रेक्‍शो बाक्‍ब। मुरपुकीमी परमप्रभु यावे आ लोव़ मटितीके दाइल पांइसीनीम, दे ङोंइती मेको आ पर्बम देंशो बाक्‍ब। भजन संग्रह ११८:२२; यसैया ८:१४; रोमी ९:३३; लूका २:३४