यसैया 8:13 - Sunuwar Bible

¹³ मुर नेल्‍ल आन परमप्रभु यावे ला मिम्‍शा, मेको क्‍येङा हिनीन। मेको कली मान पा हिनीन। मत्ती १०:२८

यसैया 8:13 ပူးပေါင်းရင်းမြစ်များ

उत्पत्ती 31:53

अब्राहाम आ परमप्रभु, नाहोर आ परमप्रभु नु आन किकी पिपी आन परमप्रभुम इस दातेमी निसाफ पव‍ल” देंमाक्‍त। मिनु याकूबमी इसहाक आ मान पा हिंशो परमप्रभु आ नें थिशा, कसम जवा बाक्‍त।

भजन संग्रह 76:7

गे मान पा हिंचा माल्‍शो बाक्‍नीनी। गे गाइक्‍तीनीनु, इन ङोंइती सु राप्‍ने चाप्‍बा ङा?

प्रस्‍थान 20:20

मिनु मोसामी “महिनीन। परमप्रभु इन कली नाक्‍थ जाक्‍त। गे परमप्रभु कली मान पा हिंचा ङा बाक्‍ब, दे मिम्‍ताक्‍नी हना, पाप मपाइनीनी” देंत। उत्‍पत्ती २२:१

यसैया 29:23

मिनु मेकोमी आन आल आन दातेम, आं पशो गेय, ताइनीम। मिनु आं नें ठेयब सेल्‍नीम। याकूब आ का ला बाक्‍शो परमप्रभु यावे कली तशा मान पा हिंनीम। इस्राएली आन परमप्रभु कली तशा मान पा हिंनीम।

यसैया 5:16

तन्‍न मुर नेल्‍ल आन परमप्रभु यावे ठीक निसाफ पतीकेम ठेयब बाक्‍ब। मिनु आ का ला बाक्‍शो परमप्रभुम आ ठीक पतीके कोंइब। यसैया २:११,१७

इजीकीएल 38:16

गे आं मुर इस्राएली नु लडाइ पचा कली रागी कली सुम्‍ब गोस्‍स खोदेंशो पा जाक्‍नेवे। ए गोग, नोले ङा नाक्‍ती गो इ कली आं रागी नु लडाइ पपाइक्‍नुङ। रागी रागी ङा मुरुम आं कली तुइक्‍तमेक्‍ल, दे मोदेंशो पाइनुङ। मेको रागी रागी ङा मुर आन ङोंइती गो का ला परमप्रभु यावे नङ’ दे कोंइनुङ” देंत।

लेवी 10:3

मिनु मोसामी हारून कली “परमप्रभु यावेमी देंशो ‘आं नेक्‍था बाक्‍ब आन कली गो नेल्‍ल क्‍येङा ठेयब बाक्‍नुङ’ दे कोंइनुङ। मिनु नेल्‍ल मुर आन ङोंइती गो ठेयब सेल्‍चा पुंइसीनुङ” देंत। मिनु हारून सिक्‍सी पा बाक्‍त।

लेवी 22:32

गे आं ग्रांग्रा रे ङोन बाक्‍शो नें ग्रांग्रा दिशो मसेलीन। मोपतीके गो इस्राएली आन दातेमी का ला ठेयब दुम्‍ती। गो परमप्रभु यावे नङ। मिनु गो इन कली आंम आं मुर सेल्‍ता। लेवी २२:९,१६

मलाकी 2:5

आं पशो कबल ब्रोंइतीक नु थुं नाइक्‍तीक कबल बाक्‍ब। गो मेको कबल आं कली मान पा हिंल, दे गेता। मेकोमी आं कली मान पा आं नें थिचा शुश हिंत।

गन्‍ती 27:14

मारदे हना जीन ङा गोरशो रागीमी मुरपुकी गो नु जिचा पोक्‍ग्‍मेनु, गे यो मटिसी। मेरीबाथ-कादेश ङा ब्‍वाक्‍कुम मुर आन ङोंइती गे आं कली ठेयब मसेल्‍यीसी” देंत। गन्‍ती २०:१२-१३

मत्ती 10:28

इन रां कली साइक्‍ने चाप्‍ब। तन्‍न इन सोक्‍ती कली साइक्‍ने मचाप्‍बपुकी आन कली तशा महिनीन। रां नु सोक्‍त निम्‍फा नरकमी खतम पने चाप्‍ब कली तशा चहिं हिनीन। हिब्रू १०:३१; याकूब ४:१२

लूका 12:5

तन्‍न परमप्रभु यावे कली मान पा हिनीन। मारदे हना मुर आन कली साइश्‍शा, नाराक सोइक्‍तीक सक्ति मेको नु बाक्‍ब। मोपतीके मेको कली तशा मान पा हिनीन। हिब्रू १२:२९

रोमी 4:20

दाल्‍गीर मपथु, आ थमा सुइक्‍चा बारना बारन लशा, परमप्रभु यावे कली ठेयब सेला बाक्‍त।

ब्‍यवस्‍था 14:23

मिनु परमप्रभु यावे, इन परमप्रभु आ योव़शो बाक्‍तीकेमी मेको आ ङोंइती जचा माल्‍नीनी। मार जचा ब्‍वचा माल्‍नीनी देंशा हना, इन १० भाग ङा भाग का अन्‍न, इन अङगुर शांबु, इन तेल, इन कली ङोंइती जरमेशो ब्‍यफ नु क्‍यारश भेडा जचा ब्‍वचा तूचा माल्‍नीनी। मो पाइतीनी हना, गे मबेक्‍नी सम्‍म परमप्रभु यावे, इन परमप्रभु कली मान पा हिंचा शेंसीनीनी। ब्‍यवस्‍था १२:१७-१८; ब्‍यवस्‍था १९:२३

प्रकाश 15:4

नेल्‍लेमी इन कली मान पा हिंशा इन नें ठेयब सेल्‍नीमी। मारदे हना गे ला परमप्रभु बाक्‍नीनी। रागी रागी ङा मुर नेल्‍ले इन ङोंइती जाक्‍शा, पोक्‍च थेक्‍शा, खुम्‍की पा बाप्‍नीमी। मारदे हना इन निसाफ पतीके नेल्‍लेमी ताम्‍तेक्‍म” देंशो कुम्‍सो आ लोव़ बाक्‍त। भजन संग्रह ८६:९; येरमीया १६:१९-२१

१ सामुएल 11:7

मिनु मोपा गाइश्‍शा, हाल का ब्‍यफ टुक्रा टुक्रा पा चेक्‍गा बाक्‍त। मिनु मुर आन कली मेको टुक्रा कुरपाइश्‍शा इस्राएल रागी नेल्‍लेमी “सु मुर लडाइ पथ सावल नु सामुएल आस नोले मखोइक्‍नीमी, मेको आन ब्‍यफ यो ओदेंशो टुक्रा टुक्रान दुम्‍नीम देनीन” दे सोइक्‍तीमी बाक्‍त। परमप्रभु यावेमी मुर आन कली शुश हिंपाइश्‍शो बाक्‍माक्‍त। मोपतीके मेकोपुकी थुं का दुम्‍शा, सावल नु सामुएल आस नोले खोदमे बाक्‍त। न्‍यायाधीस १९:२९