यसैया 8:1 - Sunuwar Bible

¹ मिनु परमप्रभु यावेमी आं कली “गे ठेयब कागज का चाक्‍को। मिनु रिम्‍शो पा रुप्‍चा ङा पा ‘माहेर-शालाल-हाश-बाज’ ब्रेक्‍तो” देंत। माहेर-शालाल-हाश-बाज आ अर्थ गा पा शुश रोइक्‍चा बाक्‍ब।

यसैया 8:1 ပူးပေါင်းရင်းမြစ်များ

यसैया 30:8

मिनु परमप्रभु यावेमी यसैया कली “मुल गे लावो, मेको मुर आन ङोंइती आं लोव़ फुल्‍लु तार ब्रेक्‍तो। मिनु किताबम ब्रेक्‍तो। नोले सम्‍म लील, दे नु गेना हना यो सांकछी दुम्‍पाइक्‍चा कली ब्रेक्‍तो।

यसैया 8:16

आं देंशो लोव़ आं शेंसीब आन कली ला नेंपाइक्‍चा कली छाप थोक्‍शा, वोतो” दे माइक्‍ती। दानीएल १२:४

यसैया 8:3

मिनु गो आं मीश नु बाक्‍ती। मिनु मेकोमी कोव़ज कुरशा तौ का थिप्‍तु। मिनु परमप्रभु यावेमी आं कली “मेको आ नें माहेर-शालाल-हाश-बाज वोतो।

येरमीया 30:2

परमप्रभु यावे, इस्राएली आन परमप्रभुमी येरमीया कली मार लोव़ पाप्‍तु देंशा हना “गो इ कली देंशो लोव़ नेल्‍ल किताबमी ब्रेक्‍तो।

येरमीया 36:2

मार लोव़ पाप्‍तु देंशा हना “गो योसीयाहम सासन पवा रे मुल सम्‍म इ कली इस्राएल, यहूदा नु रागी नेल्‍ल ङा मुर आन पर्बम देंशो लोव़ नेल्‍ल कागजम ब्रेक्‍तो। येरमीया २५:३

येरमीया 36:28

“अर्को कागज काम यहूदा ङा पिप येहो-याकीममी चोशो ङोंइती ङा कागजम बाक्‍शो लोव़ नेल्‍ल लेंशा ब्रेक्‍तो” देंत।

येरमीया 36:32

मिनु येरमीयामी अर्को कागज का चाक्‍शा नेरीयाह आ तौ ब्रेक्‍ब बारुक कली गेप्‍तु। मिनु मेकोमी येरमीयाम देंशो खोदेंशो पा यहूदा ङा पिप येहो-याकीममी मीम चोशो कागज ङा लोव़ नेल्‍ल मेको कागजम ब्रेक्‍ताक्‍व। मिनु येरमीयामी अरु शुश लोव़ यो मेकेर तेम्‍ताक्‍व।

प्रकाश 13:18

मेको जन्‍तु आ नें आ हिक्‍तीक चिन्‍ड आ अर्थ मार बाक्‍मे, दे तुइक्‍चा कली जोक्‍ब तुइक्‍ब थुं माल्‍ब। जोक्‍ब मुरुमी जन्‍तु आ हिक्‍तीक चिन्‍ड तुइक्‍ब, मारदे हना मेको मुर आ हिक्‍तीक नु गारब। मेको हिक्‍तीक चहिं ६ सहे ६६ बाक्‍ब। प्रकाश १५:२

प्रकाश 21:17

मिनु मेकोमी सहर आ गारो पुक्‍गानु, सहे का ४४ कुबीत ब्रेम्‍शो बाक्‍त। मेको परमप्रभु यावे आ स्‍वर्ग ङा गेय पाइब आ पुक्‍तीके मुर आन पुक्‍तीके खोदेंशो बाक्‍त। कुबीत का गज का खोदेंशो, ०.५ मिटर बाक्‍ब।