यसैया 7:6 - Sunuwar Bible

⁶ मेकोपुकीमी गोपुकी यहूदा लशा, यरूसलेम कली पुम्‍शा, ग्राशा ताबेल आ तौ कली मेकेर ङा पिप सेल्‍य’ देंतेक्‍म।

यसैया 7:6 ပူးပေါင်းရင်းမြစ်များ

१ राजा 12:16

मिनु इस्राएली नेल्‍लेमी पिपम मेको आन लोव़ मनेंशो तुइश्‍शा, मेकोपुकीम पिप कली “दाऊद नु आंइ के ततीक मार बाक्‍बा ङा? येस्‍से आ तौ नु आंइ के ततीक मारेइ मबाक्‍ब। इस्राएली, आंम आंम खिं लेतीन। दाऊद गे आंम थुती थाती पांइसो” देंमा बाक्‍त। मोपतीके इस्राएली आन आन खिं लेम्‍मा बाक्‍त। २सामुएल २०:१

२ राजा 11:2

तन्‍न पिप येहोराम आ तमी, अहाज्‍याह आ समी येहो-शेबा बाक्‍माक्‍त। मेकोमी अहाज्‍याह आ तौ योआश कली मेको साइक्‍चा पुंइसीब पिप आ आल आन दाते रे लाइश्‍शा, मेको आ खाल पाइब मीश मुर नु इप्‍तीके कोठा काम ख्रुइक्‍ता बाक्‍त। मोपा अथाल्‍याहमी मेको आल कली साइक्‍चा मतवा बाक्‍त।

२ इतिहास 13:8

मुल गे दाऊद आ तौम सासन पशो, परमप्रभु यावे आ राज्‍य नु लडाइ पचा कली मिम्‍शो बाक्‍नीनी? गेपुकी थमा पा ठेयब हुल का बाक्‍नीनी। मार, गेपुकी नु येरोबामम सेल्‍शो सुन के बाछापुकी इन देवता दुम्‍चा कली गे नु बाक्‍नीमी? गे ग्रासीब, दे मिम्‍नीनी? १राजा २२:२८

२ इतिहास 21:7

मो हना यो परमप्रभु यावेमी दाऊद नु पशो कबल आ पतीके दाऊद आ खिं ङा मुर आन कली साइक्‍चा मदाक्‍ता बाक्‍त। मारदे हना मेकोमी दाऊद नु आ तौ चच युइ आन कली “इ खिं रे गेना हना यो इस्राएली आन कली सासन पाइब का बाक्‍ब” देंशो बाक्‍माक्‍त। २सामुएल ७:१२; १राजा ११:३६; भजन संग्रह १३२:१७

२ इतिहास 28:5

मोपतीके परमप्रभु यावे, आ परमप्रभुमी मेको कली अराम ङा पिप नु ब्रुपाइश्‍शा, मेको आ गुइमी गेवा बाक्‍त। मिनु मेकोमी पिप आहाज आ शुश मुर आन कली ग्‍याइश्‍शा, दमस्‍कसम लदा बाक्‍त। मेको इस्राएल ङा पिप नु यो ब्रुमाक्‍त। मिनु मेको पिपम शुश मुर आन कली सदा बाक्‍त।

भजन संग्रह 21:11

मेकोपुकीमी इन कली मरिम्‍शो पचा, दे मिम्‍शो बाक्‍तेक्‍म हना यो, आन मिम्‍शो पने मचाप्‍नीम। यसैया ८:१०

भजन संग्रह 83:3

मेकोपुकीमी इन मुर आन कली दोपा साइक्‍चा, दे लोव़ गारपाइक्‍नीम। इन कोव़शो मुर आन कली मरिम्‍शो पचा कली ख्रुइश्‍शा लोव़ गारपाइक्‍नीम। भजन संग्रह ३५:२०

हितोपदेस 19:21

मुर आ थुंमी शुश मिम्‍तीक बाक्‍नीम। तन्‍न परमप्रभु यावे आ मिम्‍शो ला दुम्‍ब। हितोपदेस १६:९

यसैया 7:1

आहाज यहूदा ङा पिप बाक्‍त। मेको योथाम आ तौ नु उज्‍जीयाह आ चच बाक्‍त। आहाज आ सासन पची ना अराम ङा पिप रेसीन नु इस्राएल ङा पिप रेमाल्‍याह आ तौ पेकाह लडाइ पथ यरूसलेम जाक्‍ताक्‍स। तन्‍न ग्राने मचाप्‍बेम। २राजा १६:५

यसैया 7:5

मारदे हना अराम, एफ्राइम आ मुर नु रेमाल्‍याह आ तौ पेकाह नु गारशा, इ कली मरिम्‍शो पचा कली मिम्‍शो बाक्‍‍नीम।

यसैया 7:7

मोपतीके परमप्रभु, परमप्रभु यावेमी मार देंब देंशा हना ‘मेको आन मिम्‍शो मदुम्‍ब। मो पचा मताइनीम।

यसैया 8:6

“मेको मुरपुकीम शीलोआ ङा रिम्‍शो ब्‍वाक्‍कु प्रोंइनीम। रेसीन नु रेमाल्‍याह आ तौ आस क्‍येङा हिंशा, मेको आस नोले खोइक्‍तेक्‍म।