यसैया 7:4 - Sunuwar Bible

⁴ मिनु गे मेको कली ‘होस पा, सिक्‍सी पा बाक्‍कीन। महिनीन। इन थुं ग्‍येत्‍थ लुक्‍च मपपतीन। मेको कुन पाइब बुल्‍सी रेसीन, अराम नु रेमाल्‍याह आ तौ पेकाह, आन गाइश्‍शो तशा, महिनीन। इन थुं ग्‍येत्‍थ लुक्‍च मपपतीन। यसैया ३०:१५;

यसैया 7:4 ပူးပေါင်းရင်းမြစ်များ

२ राजा 15:27

रेमाल्‍याह आ तौ पेकाह सामरीयाम इस्राएल ङा पिप दुम्‍माक्‍त। मेना अजारयाह यहूदा ङा पिप दुम्‍शो ५२ बर्स दुम्‍शो बाक्‍माक्‍त। मिनु पेकाहमी २० बर्स सासन पवा बाक्‍त।

२ इतिहास 20:17

यहूदा नु यरूसलेम ङा मुर, गेपुकीम एको लडाइ पचा ममाल्‍नीनी। आं देंतीकेम लने। मिनु रिम्‍शा बाक्‍कीन। इन पा ङा गो परमप्रभु यावेम लडाइ पा ग्राशो, कोव़ङीन। महिनीन। इन थुं लुक्‍च मलल। गे ग्रूशा, मेकोपुकी नु लडाइ पथ लने। मारदे हना परमप्रभु यावे गेपुकी नु बाक्‍ब’ ” देंमाक्‍त।

यसैया 10:24

मोपतीके परमप्रभु, मुर नेल्‍ल आन परमप्रभु यावेमी “सियोनम बाक्‍ब, आं मुरपुकी अस्‍सुर ङा मुर क्‍येङा महिनीन। इन कली इजीप्‍तम खोदेंशो पा कोक्‍केम तुप्‍तेक्‍म हना यो, महिनीन।

यसैया 30:15

मिनु परमप्रभु, इस्राएली आन का ला बाक्‍शो परमप्रभु यावेमी “आं गे लेश्‍शा, सिक्‍सी पा बाक्‍नी हना, ब्रोंइनी वा। सिक्‍सी पा बाक्‍तीनी नु थमा सुइक्‍तीनी हना, गे बोल्‍यो दुम्‍नी वा। तन्‍न गे मटिनी। यसैया ७:४; प्रस्‍थान १४:१४

यसैया 30:7

मारदे हना इजीप्‍त ङा मुर आन वारच पतीके शोर गाक्‍शो नु थमा पा वारच मपतीके बाक्‍ब। मोपतीके गो मेको कली लोव़ मपाइब, राहाब, दे नें वोइक्‍ता” देंत। भजन संग्रह ८९:११

यसैया 35:4

हिंब थुं पाइश्‍शो मुर आन कली “इन थुं फ्रेंदीन। महिनीन” दे मतीन। इन परमप्रभु एक बाक्‍ब। मेको क्‍येक्‍क लेत्‍चा कली जाक्‍ब। परमप्रभुमी हिंचा ङा सजाइ गेब। मेको जाक्‍शा इन कली प्रोंइब।

यसैया 37:6

यसैयामी मेको आन कली “गेपुकीमी पिप कली ‘परमप्रभु यावेम इन कली मार देंशो बाक्‍ब देंशा हना, इन नेंशो अस्‍सुर ङा पिप आ मुरुमी आं कली शुक्‍शी पशो लोव़ आ पर्बम महिनीन।

यसैया 41:14

गे महिक्‍सीशो याकूब महिनो। इच्‍कका ला लीशो इस्राएलीपुकी महिनीन। गो इ कली वारच पाइ‍नुङ, दे परमप्रभु यावेमी देंत। इ कली पाप रे प्रोंइब इस्राएली आन का ला बाक्‍शो परमप्रभु, गो नङ। यसैया ४३:३

यसैया 7:1

आहाज यहूदा ङा पिप बाक्‍त। मेको योथाम आ तौ नु उज्‍जीयाह आ चच बाक्‍त। आहाज आ सासन पची ना अराम ङा पिप रेसीन नु इस्राएल ङा पिप रेमाल्‍याह आ तौ पेकाह लडाइ पथ यरूसलेम जाक्‍ताक्‍स। तन्‍न ग्राने मचाप्‍बेम। २राजा १६:५

यसैया 7:8

मारदे हना अराम आ पिया दमस्‍कस बाक्‍ब। मिनु दमस्‍कस आ पिया रेसीन बाक्‍ब। मिनु ६५ बर्स नोले एफ्राइम खतम दुम्‍शा, मलीब।

यसैया 7:9

एफ्राइम आ पिया सामरीया बाक्‍ब। सामरीया आ पिया रेमाल्‍याह आ तौ बाक्‍ब’ गे थमा मसुइक्‍तीनी हना, थमा पा मलीनीनी” दे परमप्रभु यावेमी देंत। २इतिहास २०:२०

यसैया 8:4

मारदे हना मेको आलम आम आफ देंस जोक्‍चा क्‍येङा ङोंइती दमस्‍कस ङा शोंप नु सामरीया ङा रोइश्‍शो नेल्‍ले अस्‍सुर ङा पिपम लाइक्‍ब” देंत। यसैया ७:१८; २राजा १६:९

यसैया 8:6

“मेको मुरपुकीम शीलोआ ङा रिम्‍शो ब्‍वाक्‍कु प्रोंइनीम। रेसीन नु रेमाल्‍याह आ तौ आस क्‍येङा हिंशा, मेको आस नोले खोइक्‍तेक्‍म।

बिलाप 3:26

सिक्‍सी पा परमप्रभु यावे आ श्‍येत रे प्रोंइतीके रिम्‍चा रिम्‍शो दुम्‍ब। रोमी ८:२५

आमोस 4:11

मिनु परमप्रभु यावेमी “गो इन दाते ङा का निक्‍शी आन कली सोदोम नु गोमोररा कली खोदेंशो पा खतम सेल्‍ता। गे ब्रशो मी रे पा ग्रुंइशो बुल्‍सी खोदेंशो बाक्‍तीनी। मो हना यो गेपुकी आं गे मलेन्‍नी” दे परमप्रभु यावेमी देंत। उत्‍पत्ती १९:२४-२५; जकरिया ३:२

हबकुक 2:3

मारदे हना इ त‍शो आं देंशो नाक्‍ती जाक्‍ब। मेको दीसा नित्‍थी मदुम्‍त हना यो, मेको कली रिम्‍शा बाक्‍को। मेको थमा पा दुम्‍ब। देश मपाइब। इजीकीएल १२:२३; २ पत्रुस ३:९

जकरिया 3:2

मिनु परमप्रभु यावेमी सैतान कली “सैतान, परमप्रभु यावेमी इ कली हुइक्‍ब। यरूसलेम कली योव़‍ब परमप्रभु यावेमी इ कली हुइक्‍ब। मार, एको मुर मी रे पा ग्रुंइ‍शो बुल्‍सी खोदेंशो ममाइ ङा?” देंत। यहूदा :९

मत्ती 10:28

इन रां कली साइक्‍ने चाप्‍ब। तन्‍न इन सोक्‍ती कली साइक्‍ने मचाप्‍बपुकी आन कली तशा महिनीन। रां नु सोक्‍त निम्‍फा नरकमी खतम पने चाप्‍ब कली तशा चहिं हिनीन। हिब्रू १०:३१; याकूब ४:१२

मत्ती 24:6

लडाइ दुम्‍शो लडाइ ङा लोव़ शुश नेंनीनी। मेको लोव़ नेंशा महिनीन। मोदेंशो दुम्‍चा माल्‍ब, रागी नुप्‍चा चहिं इच्‍ची मजा।

ब्‍यवस्‍था 20:3

‘इस्राएलीपुकी नेनीन, गेपुकी मुल लडाइ पथ लचा चिक्‍शो बाक्‍नीनी। मोपतीके आइक्‍च थुं मपने। महिनीन। मेको आन कली तशा, ग्रीचोक पा इन थुं ग्‍येत्‍थ लुक्‍च मदुमीने।

१ सामुएल 17:32

मिनु दाऊदम मेको कली “गे ग्‍येत्‍थ लुक्‍च मदुमीन। गो इन गेय पाइब लशा मेको पलिस्‍ती नु लडाइ पाइक्‍नुङ” देंमाक्‍त।