यसैया 7:3 - Sunuwar Bible

³ मिनु परमप्रभु यावेमी यसैया कली “गे नु इ तौ शेआर-याशुब आहाज कली ग्रुम्‍थ लसे। गे मेको कली आइक्‍था दोम्‍ली रे ब्‍वाक्‍कु यितीके, वा मुरब आन गेय पतीके ङा ठेयब लांम थित्‍नीसी।

यसैया 7:3 ပူးပေါင်းရင်းမြစ်များ

२ राजा 16:1

मिनु योथाम आ तौ आहाज यहूदा ङा पिप दुम्‍माक्‍त। मेना रेमाल्‍याह आ तौ पेकाह इस्राएल ङा पिप दुम्‍शो १७ बर्स दुम्‍शो बाक्‍माक्‍त। २इतिहास २८:१-६

२ राजा 18:17

मिनु अस्‍सुर ङा पिपम लडाइ पाइब आन नेल्‍ल क्‍येङा ठेयब मुर तारतान, दरवार ङा ठेयब मुर राब्‍सारीस, पिप आ ठेयब गेय पाइब राब्‍शाके नु ठेयब हुल का लडाइ पाइब आन कली लाकीश रे पिप हिज्‍कीयाह आ बाक्‍तीक यरूसलेम सहरम सोइक्‍तीमी बाक्‍त। मिनु मेकोपुकी यरूसलेम जाक्‍मा बाक्‍त। मिनु आइक्‍था दोम्‍ली ङा ब्‍वाक्‍कु शाइक्‍तीक वा मुरब आन लांमी जाक्‍शा राम्‍मा बाक्‍त। यसैया ७:३

२ राजा 20:20

हिज्‍कीयाह आ पशो अरु गेय, मेको आ सक्ति, मेको आ दोम्‍ली नु ब्‍वाक्‍कु लतीके सेल्‍शो, सहर कली ब्‍वाक्‍कु चाक्‍शो, मार, मेको नेल्‍ल यहूदा ङा पिप आन इतिहासम ब्रेक्‍शो मबाक्‍बा ङा?

नेहेम्‍याह 3:16

मेकेर रे पा बोइश्‍शा, अच्‍बुक आ तौ, उइक्‍थ बेथ-सुर सहर ङा हुकुम पाइब, नेहेम्‍याहमी प्रोव़तु। मेकोमी दाऊद नु आ किकी पिपी आन कली थिम्‍तीके आ आइक्‍ची रे मुर आन सेल्‍शो दोम्‍ली नु सिपाइ आन खिं सम्‍म गारो प्रोव़तु।

प्रस्‍थान 7:15

गे दीसा सुनी फाराओ ग्रुम्‍थ लचा माल्‍नीसी। फाराओ ब्‍वाक्‍कु आ नेक्‍था लमेनु, गे मेको आ क्‍येङा ङोंइती खोला आ नेक्‍था जाक्‍दीश्‍शा, रिम्‍शा बाक्‍चा माल्‍नीसी। बुस्‍स दुम्‍ब कोक्‍के यो लाइक्‍चा माल्‍नीसी।

यसैया 10:21

मिनु का निक्‍शी याकूब आ मुरपुकी सक्ति पाइश्‍शो परमप्रभु गे लेत्‍नीम।

यसैया 22:10

मिनु गे यरूसलेम ङा खिं हिक्‍शा, प्रेश्‍शा, सहर ङा गारो बोल्‍यो सेल्‍तीनी। येरमीया ३३:४

यसैया 22:11

मिनु गे सहर ङा गारो निक्‍शी आस दातेमी माइत दोम्‍ली ङा ब्‍वाक्‍कु तेम्‍तीनी। तन्‍न इन कली मोदेंशो पपाइक्‍ब कली ममिम्‍तीनी। ङोंइती रे नेल्‍ल सेल्‍ब कली चहिं मान मपनी।

यसैया 36:2

मिनु अस्‍सुर ङा पिपम लाकीश ङा राब्‍शाके माइश्‍शो, आ कप्‍तान नु लडाइ पाइब शुश पिप हिज्‍कीयाह आ बाक्‍तीके यरूसलेममी सोइक्‍ताक्‍व। मिनु मेको आइक्‍था दोम्‍ली ङा ब्‍वाक्‍कु यितीके वा मुरब आन रू ङा लांमी राप्‍तेक्‍म। यसैया ७:३

यसैया 55:7

परमप्रभु यावे आ अरेशो मटीबमी आन लां प्रोन्‍मेक्‍ल। मिनु ठीक मपाइबमी आन मरिम्‍शो मिम्‍शो प्रोन्‍मेक्‍ल। परमप्रभु यावे गे लेम्‍मल। मिनु मेकोमी मेको आन कली शिशी पाइब। मेकोपुकी आंइ परमप्रभु गे लेम्‍मल। मारदे हना मेकोमी शुश माफ गेब। इजीकीएल १८:२७; इजीकीएल ३३:१; भजन संग्रह १३०:४

यसैया 6:13

मिनु १० भागम भाग का मुर लीतेक्‍म हना, मेकोपुकी यो चोचा पुंइसीनीम। ठेयब नु बोल्‍यो रवा तिम्‍शा हना यो, आन ठुटा लीब। मेको लीशो ठुटा आं मुर, इस्राएल आ वांचेर बाक्‍नीम” देंत। आमोस ५:३; यसैया ७:३; यसैया १०:२०-२१

येरमीया 22:1

परमप्रभु यावेम “उइ यहूदा ङा पिप आ दरवारम लशा, मेकेर मार लोव़ पचा माल्‍नेवे देंशा हना,

रोमी 9:27

यसैयामी इस्राएली आन पर्बम “इस्राएल ङा मुरपुकी समुन्‍द्र ङा बाल्‍वा खोदेंशो पा शुश दुम्‍तेक्‍म हना यो, मेको आन लीशो का निक्‍शी ला ब्रोंइचा ताइनीम। रोमी ११:५