यसैया 7:23 - Sunuwar Bible

²³ मेना हजार का शेकेल चांदी लाइब हजार का अङगुर बोट ख्रुम्‍शो रूम चू नु चोंक वानीम। शेकेल का ११.५ ग्राम ङा चांदी के क्‍येट बाक्‍ब।

यसैया 7:23 ပူးပေါင်းရင်းမြစ်များ

उत्पत्ती 3:18

इ रूमी चू नु चोंक वानीम। मिनु गे गिगी खाइ ब्‍वचा माल्‍नेवे।

यसैया 32:10

गे काइ महिंबपुकी बर्स का नोले श्‍येत जशा ख्रिंख्रि पाइनीनी। मारदे हना अङगुर सेक्‍चा मताइनीनी। फल फुल मसित्‍नीम।

यसैया 5:10

मिनु ५ बिगा अङगुर रूमी बाथ का अङगुर रस ग्रूब। मिनु होमेर का वांचेरम एफाह का अन्‍न ग्रूब” देंत। बाथ का २२ लिटर बाक्‍ब। होमेर का २२० लिटर बाक्‍ब। एफाह का २२ लिटर पुक्‍तीक का बाक्‍ब।

यसैया 5:6

गो मेको कली खतम सेल्‍नुङ। मेको कली ममुंइ‍नुङ, मरोक्‍‍नुङ। मिनु चू नु चोंक वाशा, सुम्‍नीम। गो गोस्‍स कली “रेउ मयिपतो” दे माइक्‍नुङ।

यसैया 7:24

मोपा चू नु चोंक बाक्‍तीके, मुरपुकी लिब्रा कुरशा मेकेर लाइनीम।

येरमीया 4:26

मिनु कोव़ङुनु, रिम्‍शो खप बाक्‍शो रू नेल्‍ल गोरशो रागी दुम्‍तेक्‍म। मिनु मेकेर ङा सहर नेल्‍ल ब्रेश्‍शो बाक्‍तेक्‍म। मोदेंशो पा परमप्रभु यावेमी आ शुश गाइक्‍तीकेमी पाप्‍तु” देंती।

इजीकीएल 12:20

मुर बाक्‍शो सहर नेल्‍ल श्‍येत्‍थ दुम्‍नीम। मिनु रागी नुप्‍ब। मिनु गेपुकीम गो परमप्रभु यावे नङ, दे तुइक्‍नीनी’ देंशो बाक्‍ब” देंत।

होसे 2:12

गो मेको आ अङगुर बोटपुकी नु फोव़शी रवापुकी खतम सेल्‍नुङ। मेको आ पर्बम मेकोमी ‘एको आं तेल्‍लेम पशो ङा गाल्‍च नमी’ देंशो बाक्‍त। गो मेको रवा रे ठेयब ब्‍वाकी सेल्‍नुङ। मिनु ब्‍वाकी ङा जन्‍तुपुकीमी मेको ब्‍वाइनीम।

होसे 9:6

मेकोपुकी खतम दुम्‍चा कली प्रोक्‍तेक्‍म हना यो, इजीप्‍त रागीमी मेको आन कली खुप्‍ब। मिनु मेम्‍फीस ङा मुरपुकीमी मेको आन कली थिम्‍नीम। मेको आन चांदी के सेल्‍शो थोव़कपुकी चू नु चोंकम सुम्‍ब। मिनु आन ताम्‍बुमी चू वानीम। होसे १०:८

मत्ती 21:33

मिनु येसुमी “लो, अर्को कथा का नेनीने। मुर कामी अङगुर ख्रुम्‍शा, थारपु हिरशा, अङगुर ख्राक्‍तीक नु वोइक्‍तीक सेल्‍शा, बुम्‍था पाइब माल्‍शा, मेको आन कली गेशा वोइश्‍शा, अर्को रागी लमाक्‍त। यसैया ५:१-२

हिब्रू 6:8

माल्‍शो रेउ यिशा यो चू नु सुवा ला वात हना, मेको रू शोर गाक्‍शा, सराप राइब। मिनु मी सुइश्‍शा क्रोइक्‍चा पुंइसीब।