यसैया 7:16 - Sunuwar Bible

¹⁶ मिनु मेको वोंइश आलम मरिम्‍शो मपचा, रिम्‍शो पचा तुइक्‍चा क्‍येङा ङोंइती, इन कली हिंपाइक्‍ब पिप आस रागी श्‍येत्‍थ दुम्‍ब।

यसैया 7:16 ပူးပေါင်းရင်းမြစ်များ

२ राजा 16:9

मिनु अस्‍सुर ङा पिपमी मेको आ लोव़ नेना बाक्‍त। मिनु दमस्‍कस कली लडाइ तोशा मेको आ के सेला बाक्‍त। मेकोमी मेकेर ङा मुर आन कली ग्‍याइश्‍शा कीर सहर लाइक्‍मी बाक्‍त। मिनु नोले रेसीन कली सदा बाक्‍त।

यसैया 8:14

परमप्रभु इन कली नेल्‍ल क्‍येङा ङोंइती ङा मिम्‍तीके दुम्‍ल। तन्‍न इस्राएल आ खिं निक्‍शी ङा मुर आन कली दाइल पाइक्‍तीके नु लां तेक्‍तीके फुल्‍लु दुम्‍ब। मेको यरूसलेम ङा मुर आन कली रेप्‍पाइक्‍ब ब्‍वारद दुम्‍ब। रोमी ९:३३

यसैया 8:4

मारदे हना मेको आलम आम आफ देंस जोक्‍चा क्‍येङा ङोंइती दमस्‍कस ङा शोंप नु सामरीया ङा रोइश्‍शो नेल्‍ले अस्‍सुर ङा पिपम लाइक्‍ब” देंत। यसैया ७:१८; २राजा १६:९

यसैया 9:11

मोपतीके परमप्रभु यावेमी मेको आन कली श्‍येत गेब पोक्‍ब। मिनु मेको आन जोरी सत्रु आन कली “गो लडाइ ग्रानीकी” दे मिम्‍पाइक्‍ब।

येरमीया 7:15

मिनु गो इन कली आं ङोंइती रे ग्रुंइनन्‍नी। गो इन कली, इन लोक्‍ब एफ्राइम आ आल नेल्‍ल आन कली खोदेंशो पा खेरनन्‍नी” दे परमप्रभु यावेमी देंत। २राजा १७:१८,२०,२३

होसे 5:3

गो एफ्राइम आ पर्बम नेल्‍ल तुइक्‍नुङ। मिनु इस्राएल यो गो नु ख्रुइक्‍ने मचाप्‍ब। एफ्राइम, गे तेल्‍लेम पतीकेमी ग्रुम्‍शो बाक्‍नेवे। इस्राएल ग्रांग्रा दिचा ङा दुम्‍शो बाक्‍ब। होसे १:२; होसे ६:१०

होसे 5:9

सजाइ ङा नाक्‍ती एफ्राइम गोरशो रागी खोदेंशो दुम्‍ब। मुल मार मार दुम्‍बा, मेको इस्राएली आन कली देंने थुम्‍ता।

योना 4:11

मिनु गो मेको ठेयब सहर निनवे आ पर्बम शिशी मपाइनुङा ङा? मेकेर आन ग्‍युरा पेरा गुइ मतुइक्‍ब लाख का २० हजार क्‍येङा शुश मुर नु बी ब्‍यफ, क्‍यारश भेडा यो बाक्‍नीमी। गो मेको आन कली शिशी पाइनुङ” देंमाक्‍त।

ब्‍यवस्‍था 1:39

मिनु गेपुकीमी इन आल ब्रेप्‍च आन पर्बम ‘मेको गोरशो रागीमी बेक्‍नीम’ देंतीनी। तन्‍न मेकोपुकी ओव़चा ताइनीम। इन आइक्‍च तौपुकी ओव़चा ताइनीम। मेको रागी मेको आन कली गेनुङ। मिनु मेकोपुकीमी मेको रागी आंम के सेल्‍नीम।