यसैया 7:13 - Sunuwar Bible

¹³ मिनु यसैयामी “दाऊद आ खिं ङा मुर नेनीन। मुर आन कली दपाइश्‍शो खोदेंशो पा, आं परमप्रभु कली यो दपाइक्‍नीनी?

यसैया 7:13 ပူးပေါင်းရင်းမြစ်များ

उत्पत्ती 30:15

मिनु मेकोमी “गे आं वोंइश आ थुं रोइक्‍चा ला ममाइ, आं तौमी चाक्‍शो फल यो रोइक्‍नेवे?” देंमाक्‍त। मिनु राहेलमी “इ तौ आ फल आ पर्बम मुलाक्‍दो याकूब इ खिंम बाक्‍ल” देंमाक्‍त।

२ इतिहास 21:7

मो हना यो परमप्रभु यावेमी दाऊद नु पशो कबल आ पतीके दाऊद आ खिं ङा मुर आन कली साइक्‍चा मदाक्‍ता बाक्‍त। मारदे हना मेकोमी दाऊद नु आ तौ चच युइ आन कली “इ खिं रे गेना हना यो इस्राएली आन कली सासन पाइब का बाक्‍ब” देंशो बाक्‍माक्‍त। २सामुएल ७:१२; १राजा ११:३६; भजन संग्रह १३२:१७

भजन संग्रह 45:5

गे इन हेश्‍शो ब्रामी इन जोरी सत्रु आन लुङगीरमी देत्‍नीम। जात जात ङा मुर इन ङोंइती साइक्‍चा पुंइसीनीम।

यसैया 1:14

इन औंसी नु अरु चाडपुकी काइ मदाक्‍नुङ। मेको आं थुंम ग्रांग्रा दिप्‍ब। मेको आं कली श्‍येत बाक्‍नीम। गो फाल्‍ने मचाप्‍नुङ।

यसैया 1:24

मोपतीके परमप्रभु, मुर नेल्‍ल आन परमप्रभु यावे, इस्राएली आन सक्ति पाइश्‍शो परमप्रभु यावेमी “गो आं जोरी सत्रु आन तारी आं गाइश्‍शो मोइश्‍शा, क्‍येक्‍क लेत्‍नुङमी।

यसैया 22:22

गो दाऊद आ खिं ङा सांचो मेको कली गेनुङ। मेकोमी रोक्‍ब, सुइम मचोक्‍नीम। मेकोमी चोक्‍ब सुइम मरोक्‍नीम। प्रकाश ३:७

यसैया 25:1

परमप्रभु यावे, आं परमप्रभु बाक्‍नीनी। गो इन कली मान पशा, इन नें ठेयब बाक्‍ब, दे कुम्‍सो पाइनुङ। मारदे हना गे छक लाक्‍चा ङा गेय पाइतीनी। इन ङोंइती मिम्‍शो मप्रोंइथु, थमा पा थुम्‍तीनी।

यसैया 43:24

गे आं कली ब्रोव़शो रिना पाइब थोव़क ग्‍याप्‍शा मचाक्‍गी। इ चढ़ेशो आन बोंसो मगेयी। तन्‍न इ पाप पतीकेमी गे आं कली श्‍येत गेप्‍तीवी। इ मरिम्‍शो पतीकेमी आं कली श्‍येत जपाइक्‍ती। २कोरिन्‍थी ५:२१

यसैया 63:10

तन्‍न मेकोपुकीमी काइ मटिथु, आ सोक्‍त कली थुं खाइक्‍पाइक्‍तेक्‍म। मोपतीके परमप्रभु यावे मेको आन जोरी सत्रु दुम्‍शा, आंमा मेकोपुकी नु लडाइ पाप्‍तु।

यसैया 7:12

तन्‍न आहाजमी “गो मपुंइनुङ। परमप्रभु यावे आ थुं मथाम्‍नुङ” दें‍त।

यसैया 7:2

मिनु मुरपुकीम दाऊद आ खिं ङा मुर आहाज कली “अराम ङा लडाइ पाइबपुकी एफ्राइम नु गारशा जाक्‍तेक्‍म” दे शेंताक्‍म। मेको नेंशा आहाज नु आ मुर, फशेम रवा हिम्‍शो खोदेंशो पा आन थुं हिम्‍सीमा बाक्‍त।

येरमीया 21:12

गे दाऊद आ खिं ङा मुर सुनी कुस कुस ठीक निसाफ पने। रोइक्‍चा पुंइसीशो आन कली मरिम्‍शो पाइब आन गुइ रे प्रोनीन। मो मपाइतीनी हना, इन मरिम्‍शो पतीके आं गाइक्‍तीके मी खोदेंशो पा ब्राइब। मेको सुइम काप्‍ने मचाप्‍चा ङा पा ब्राइब। येरमीया २२:३; येरमीया ७:२०

येरमीया 44:22

परमप्रभु यावेम इन मरिम्‍शो पशो नु इन पशो ग्रांग्रा दिशो गेय तशा फाल्‍ने मचब। मोपतीके इन रागी श्‍येत्‍थ नु मुर मबाक्‍तीके दुम्‍त। सराप चीले रशा, मुर मबाक्‍शो रागी दुम्‍त। मेको मुल सम्‍म मोदेंशोन बाक्‍ब।

येरमीया 6:11

तन्‍न गो परमप्रभु यावे आ गाइक्‍तीकेम ब्रीशो बाक्‍नुङ। गो मेको हेरा तेक्‍‍ने मचाप्‍नुङ। मिनु मेकोमी “मेको लां मेर गाक्‍ब आल आन तार मोतो। बुक्‍शा बाक्‍शो ठिटा आन तार मोतो। मीश वोंइश निम्‍फा लाइक्‍चा पुंइसीनीस। खाल्‍पा नु खूशो लाइक्‍चा पुंइसीनीम।

इजीकीएल 16:20

मिनु गे आं कली थिशो तमी तौ आन कली लाइश्‍शा, मूर्ति आन कली जचा थोव़क सेल्‍शा क्‍योरशा चढ़ेप्‍तीवी। मार इ तेल्‍लेम पशोमीन मगाम ङा? इजीकीएल २०:२६; इजीकीएल २३:३७; ब्‍यवस्‍था १२:३१; २राजा १६:३; येरमीया ७:३१

इजीकीएल 16:47

गे मेको आन गाक्‍शो लांम ला मगाक्‍ङे। मिनु मेको आन मूर्ति पूजा पशो आ नोले यो खोइक्‍तीवी। मिनु इच्‍का नाक्‍तीमीन इ पतीक नेल्‍लेम मेको आन क्‍येङा यो शुश मरिम्‍शो पाप्‍तीवी” देंत।

इजीकीएल 34:18

मार, रिम्‍शो जोतीकेम जोशा यो, गे इन कली मगाम्‍मे? गे मारदे लीशो जोतीक कली इन खोइलीम दिम्‍नीनी? मार, रिम्‍शो सिक्‍स ब्‍वाक्‍कु तूशा यो, लीशो कली इन खोइलीम हिलो सेल्‍चा माल्‍‍नीनी?

इजीकीएल 6:9

मिनु मोदेंशो रागी रागीम ब्रोंइशा लीशोपुकी ग्‍याइश्‍शा लाइक्‍चा पुंइसीशो रागीम आं कली मिम्‍नीम। मिनु मेकोपुकीम आन दला दाक्‍स पशा, आं रे दिल्‍शा लशा, आन मूर्ति आन नोले खोइक्‍नी‍म। मेको आन पशो मरिम्‍शो नु ग्रांग्रा दिशो गेयम आंमा मुने दोक्‍नीम।

आमोस 3:13

मुर नेल्‍ल आन परमप्रभु यावेमी “नेनीन, याकूब आ खिं ङा मुर आन पर्बम सांकछी गेन।

मलाकी 2:17

गे इन लोव़मी परमप्रभु यावे कली ब्रीपाइक्‍तीनी। मोपा यो गेपुकीमी “गोपुकीमी मार लोव़मी इन कली ब्रीपाइक्‍का?” देंतीनी। गेपुकीमी “दूली लोव़ पा मरिम्‍शो गेय पाइब नेल्‍ल परमप्रभु यावे आ ङोंइती ठीक बाक्‍नीम। मिनु मेको, मेको आन कली तशा ग्‍येरसीशो बाक्‍ब” दे “निसाफ पाइब परमप्रभु ते बाक्‍बा ङा?” दे यो देंनीनी। मलाकी ३:१३-१४

गन्‍ती 16:13

गे आंइ कली दूध नु खुदो शुश बाक्‍शो रागी रे एको गोरशो रागीम साइक्‍थ चाक्‍शा यो, मार, इन कली मजाक्‍दीम्‍मे? मिनु गे आंइ कली हुकुम यो पचा माल्‍नीसी?

गन्‍ती 16:9

इस्राएली आन परमप्रभु यावेमी इन कली आ नेक्‍था जाक्‍चा गेशा, आ ताम्‍बु ङा गेय पचा कली मुर आन दाते रे योव़शो बाक्‍ब। गे ग्रुम्‍तीक आ ङोंइती राप्‍शा, मेको मुर आन गेय पचा, आइक्‍च मिम्‍नीनी? गन्‍ती ३:६-१३; गन्‍ती ४:४-२०

लूका 1:69

मेकोमी आ गेय पाइब दाऊद आ खिं ङा मुर रे इं कली सक्ति पाइश्‍शो पाप रे प्रोंइब सोइक्‍ताक्‍व।

प्रेरित 7:51

“ए, गे परमप्रभु यावे आ लोव़ मनेंथु मटीब फुल्‍लु खोदेंशो थुं पाइश्‍शोपुकी, गे परमप्रभु यावे कली मतुइक्‍ब मुर खोदेंशो पाइनीनी। इन किकी पिपीमी पशो खोदेंशो पा गे यो परमप्रभु यावे आ सोक्‍त आ देंशो मटिथु दूली पाइनीनी। प्रस्‍थान १२:९; लेवी २६:४; रोमी २:२८-२९

हिब्रू 3:10

मोपतीके मेको आन कली तशा, आं थुं जिक्‍त। मिनु गो ‘मेकोपुकी गेना हना यो हेंथे गाक्‍नीम। आं लां मतुइक्‍नीम’ देंती।