यसैया 66:5 - Sunuwar Bible

⁵ परमप्रभु यावे आ लोव़ क्‍येङा हिंशा, ख्रिंख्रि पाइबपुकीम “आं लोव़ नेनीन। इन लोक्‍बपुकीमी गेपुकी आं मुर दुम्तीके इन कली काइ मदाक्‍थु, तिल्‍नीम। मेकोपुकीमी ‘परमप्रभु यावे कली ठेयब सेलल। मिनु गो इन ग्‍येरशा बाक्‍शो तकल’ देंनीम। तन्‍न मेकोपुकी मुने दोक्‍नीम। लूका ६:२२

यसैया 66:5 ပူးပေါင်းရင်းမြစ်များ

१ राजा 21:29

मार लोव़ पवा बाक्‍त देंशा हना “आहाब आं ङोंइती ब्रेम्‍शो दुम्‍शो तवी? मारदे हना मेको ब्रेम्‍शो दुम्‍तीके गो मेको आ पालाम ठेयब श्‍येत मदुम्‍पाइक्‍नुङ। तन्‍न मेको आ तौ आ पालाम मेको आ खिंम ठेयब श्‍येत चाक्‍नुङ” देंमाक्‍त। २राजा ९:२६

२ राजा 22:10

मिनु नोले मेको ब्रेक्‍ब शाफानमी पिप कली “चढ़ेब हिल्‍कीयाहम आं कली कागज का गेती” दे शेंदा बाक्‍त। मिनु नोले शाफानम मेको ठेयब सेंदा पा पढेशा पिप कली नेंपदा बाक्‍त।

२ इतिहास 34:27

‘गे परमप्रभु यावेमी मेको रागी नु आ मुर आ पर्बम ब्रेक्‍शो लोव़ नेंशा, इ थुंम परमप्रभु आ ङोंइती ब्रेम्‍शो सेल्‍शा, इ वा खाक्‍शा, ङाक्‍शा, इ पशो लोव़ नेंता। २इतिहास ३३:१२-१३

एज्रा 9:4

मेको ग्‍याइश्‍शा लाइक्‍चा पुंइसीब आन मरिम्‍शो पतीके आ पर्बम इस्राएली आन परमप्रभु आ लोव़ कली मान पा हिंबपुकी आं बाक्‍तीकेम एर ओंथ बुक्‍तेक्‍म। मेकेर रे गो नाक्‍दो ङा चढ़ेतीक सम्‍म मारेइ लोव़ पने मचाप्‍थु, सिक्‍सी पा बाक्‍ती।

भजन संग्रह 119:120

गो इन कली मान पा हिंशा ख्रिंख्रि पाइ‍नुङ। मिनु गो इन निसाफ पतीक मिम्‍शा हिंनुङ।

भजन संग्रह 38:20

मुरपुकीमी आं रिम्‍शो पशो आ पा ङा आं कली मरिम्‍शो पाइ‍नीम। मारदे हना गो रिम्‍शो पाइब बाक्‍ती हना यो, आं कली खेदा पाइनीम।

हितोपदेस 13:13

अर्ती ङा लोव़ मदाक्‍ब मुरुम आंम कली श्‍येत चाक्‍ब। तन्‍न अरेशो टीबपुकीमी इनाम ताइनीम।

ठेयब कुम्सो 1:6

आं कली क्‍येर तशा, मकोव़यीनी। मारदे हना चोक्‍शो नांमी आं कली क्‍येर सेल्‍ती। आं ममा आ तौपुकी गो नु गाइक्‍तीके आं कली अङगुर रू कोव़ब सेल्‍तीमी। तन्‍न गो आंम अङगुर रू कली चहिं मकोव़ङु।

यसैया 26:11

परमप्रभु यावे, इन गुइ मेको आन पर्बम क्‍युक्‍शो बाक्‍तीनी हना यो, मेकोपुकीमी मतुइक्‍नीम। गे इन मुर आन कली दाक्‍शो तशा, मेकोपुकी मुने दोक्‍मल। इन जोरी सत्रु आन कली नेक्‍ब मीमी मेको आन कली यो नेक्गल। यसैया ३७:३२

यसैया 5:19

गेपुकीमी “मेकोम आ गेय रीब पा पवल। मिनु गो ताइनय। आंइ तचा ङा पा इस्राएली आन का ला बाक्‍शो परमप्रभु आ पचशो दुम्‍ल” देंनीनी। येरमीया १७:१५; २पत्रुस ३:४

यसैया 60:15

ङोंइती गे प्रोंइचा पुंइसीशो नु काइ मदाक्‍चा पुंइसीशो बाक्‍ते। इ रागी रे पा सुइ मगाक्‍बाक्‍तेक्‍म। मुल गो इ कली गेना हना यो मान तपाइश्‍शा, पाला पाला सम्‍म ग्‍येरसीतीके सेल्‍नन। यसैया ४९:१४

यसैया 65:13

मोपतीके परमप्रभु यावेमी “आं गेय पाइबपुकी जचा ताइनीम। गे चहिं शोव़लु बेक्‍नीनी। आं गेय पाइब तूचा ताइनीम। गे चहिं तूतू दाक्‍शा बाक्‍नीनी। आं गेय पाइबपुकी ग्‍येरनीमी, गे चहिं मुने दोक्‍नीनी। यसैया ५५:१

यसैया 66:2

मारेइ मारेइ आं सेल्‍शो मनमी ङा? मोपतीके मेको नेल्‍ल आं के नम” दे परमप्रभु यावेम देंत। मिनु लेंशा “मो हना यो गो आं लोव़ नेंशा, हिंशा, ख्रिंख्रि पा श्‍येत जाइब नु आ थुं जिक्‍‍शो मुर आन कली कोव़नुङ।

येरमीया 36:16

मिनु मेकोपुकीमी मेको पढेशो नेल्‍ल नेंशा हिंशा आन कुल कोव़मुम्‍तेक्‍म। मिनु मेकोपुकीमी बारुक कली “गोपुकीम एको लोव़ नेल्‍ल पिप कली नेंपाइक्‍चा माल्‍नीकी” देंतेक्‍म।

होसे 11:10

मेकोपुकी परमप्रभु यावे आ नोले खोइक्‍नीम। मेको चहिं गुप्‍स खोदेंशो पा ग्रीब। मिनु मोपा ग्रीमेनु, आ आलपुकी पच्‍छिम रे पा ख्रिंख्रि पना पन जाक्‍नीम। येरमीया २५:३०; होसे २:१

मत्ती 10:22

आं नें आ पर्बम नेल्‍लेमी इन कली मदाक्‍नीम। तन्‍न सु सुमी चहिं नोले सम्‍म फाल्‍शा बाक्‍नीमी, मेकोपुकी परमप्रभु यावे नु ब्रोंइशा बाक्‍चा ताइनीमी। २तिमोथी २:१२; मत्ती २४:९-१३

लूका 13:17

मोदेंशो लोव़ पवानु, आ कली मरिम्‍शो देंब मुर मुने दोक्‍माक्‍त। मेकेर बाक्‍ब मुर नेल्‍ल येसु आ पशो रिम्‍शो गेय तशा, थाम्‍पा ग्‍येरसमा बाक्‍त।

यूहन्‍ना 16:2

मुरपुकीमी इन कली ग्रुम्‍तीक खिं रे तिल्‍नीम। थमा, इच्‍का नोले इन कली साइक्‍बपुकीमी ‘गो परमप्रभु यावे आ दाक्‍शो पना पन बाक्‍ती’ दे मिम्‍नीम। मत्ती १०:१७,२२; मत्ती २४:९

यूहन्‍ना 9:34

मिनु “गे पापी जरमेशो बाक्‍ते। आंइ कली मार शेंनेवे?” दे हुइश्‍शा, मेको कली ग्रुंइ‍ताक्‍म।

२ थिस्‍सलोनिकी 1:12

मो दुम्‍शा, इं प्रभु येसु आ नें इन पर्बम ठेयब सेल्‍नीम। गेपुकी आ मुर दुम्‍शा, मान ताइ‍नीनी। मेको इं परमप्रभु यावे नु प्रभु येसु ख्रीस्‍त आस शिशी ङा गेय बाक्‍ब।

तीतस 2:13

मोदेंशो दुम्‍शा, मान ताइब परमप्रभु यावे नु इं कली पाप रे प्रोंइब येसु ख्रीस्‍त आ छेङछेङ ग्रूब, दे गो आस पशा रिम्‍नय। १कोरिन्‍थी १:७; फिलिप्‍पी ३:२०; १थिस्‍सलोनिकी १:१०

हिब्रू 9:28

मोपा ख्रीस्‍त शुश मुर आन पाप क्‍याम्‍चा कली खेयप का आ हुश चढ़ेप्‍तु। मिनु लेंशा जाक्‍ब। पाप क्‍याम्‍थ चहिं मजाक्‍ब। तन्‍न मेको कली थमा सुइश्‍शा रिम्‍शा बाक्‍ब आन कली श्‍येत रे प्रोंइचा कली जाक्‍ब। हिब्रू १०:११,१२,१४

१ यूहन्‍ना 3:13

आं लोक्‍बपुकी, रागी ङा मुरपुकीमी इन कली मदाक्‍थु श्‍येत गेमेनु, छक मलाक्‍कीन। मत्ती ५:११; यूहन्‍ना १५:१८-१९