यसैया 66:24 - Sunuwar Bible

²⁴ मिनु मेकोपुकी ग्रूशा आं कली काइ मटीब आन बेक्‍शो रां कोव़थ लाइनीम। मेको आन लुस्‍पु मबेक्‍नीम, आन मी यो मकाप्‍ब। मेको मुर नेल्‍ल आन कली ग्रांग्रा दितीके दुम्‍नीम” दे परमप्रभु यावेमी देंत। मर्कूस ९:४८

यसैया 66:24 ပူးပေါင်းရင်းမြစ်များ

भजन संग्रह 110:6

मेकोमी रागी रागी ङा मुर आन कली निसाफ पाइब। मिनु मेको आन रागी बेक्‍शो मुरुम प्रिंब। मिनु बेक्‍शो मुर आन पिया रागी मेर फ्राइब। दानीएल २:४४

यसैया 1:28

तन्‍न परमप्रभु यावे आ देंशो लोव़ मटीब, मेको कली प्रोंइबपुकी कालेमीन खतम दुम्‍नीम। परमप्रभु यावे कली प्रोंइबपुकी क्‍याम्‍चा पुंइसीनीम।

यसैया 1:31

बोल्‍यो मुर झुलो खोदेंशो दुम्‍ब। मेको आ गेय मी आ झिल्‍का खोदेंशो दुम्‍ब। मेको निम्‍फा कालेमीन ब्रसानु, सुइम मकाप्‍नीम” देंत।

यसैया 14:11

इ दारस नु इ ठेयब ताप्‍तीके नेल्‍ले यो बेक्‍शो मुर आन बाक्‍तीके जाक्‍तेक्‍म। लुस्‍पु इ ब्राख्‍ये दुम्‍नीम। बुस्‍स इ फेक्‍तीक दुम्‍ब’। इजीकीएल ३२:१८-१९

यसैया 24:20

रागी अङगुर शांबुम दुक्‍शो मुर खोदेंशो पा एर ओंथ हिम्‍सीब। ख्रिनुम हिम्‍शो कटेरा खोदेंशो पा हिम्‍सीब। मुर आन हेंथे पतीकेमी मेको मोदेंशो सेल्‍तु। मिनु रागी गेनायो मबोक्‍चा ङा पा गोल्‍ब।

यसैया 26:11

परमप्रभु यावे, इन गुइ मेको आन पर्बम क्‍युक्‍शो बाक्‍तीनी हना यो, मेकोपुकीमी मतुइक्‍नीम। गे इन मुर आन कली दाक्‍शो तशा, मेकोपुकी मुने दोक्‍मल। इन जोरी सत्रु आन कली नेक्‍ब मीमी मेको आन कली यो नेक्गल। यसैया ३७:३२

यसैया 34:10

मेको नाक्‍दो नाक्‍त गेनायो मकाप्‍ब। आ कुन गेना हना यो कुस ङा कुस बाक्‍ब। मेको पाला पाला सम्‍म गोरशो रागी दुम्‍शा बाक्‍ब। मेकेर रे सुइ मगाक्‍नीम। मलाकी १:४

यसैया 34:3

मेको साइश्‍शो मुर आन कली ताइक्‍नीम। मेको आन रिना कुइ‍ब। डांडापुकी मेको आन हुशेम जित्‍नीम।

यसैया 48:22

परमप्रभु यावेमी “आं अरेशो लोव़ मटीब आन थुं नाइक्‍चा मताइनीम” देंत। यसैया ५७:२१

यसैया 5:25

मोपतीके परमप्रभु यावे आ मुर आन पर्बम गाइक्‍ताक्‍व। मिनु आ गुइ क्‍युक्‍शा, मेको आन कली तुप्‍तु। मिनु डांडापुकी ख्रिनु कुशा हिम्‍साक्‍म। शुश मुर आन बेक्‍शो रां लांमी ताइश्‍शो खोदेंशो दुम्‍तेक्‍म। मोपा आ गाइक्‍चा मबेक्‍थु, मुल सम्‍म आ गुइ क्‍युक्‍स ङा क्‍युक्‍स बाक्‍ब। यसैया ९:१; यसैया १६:२०; यसैया १०:४

यसैया 51:8

मारदे हना तुम्‍बुम वा नेक्‍शो खोदेंशो पा, मेको आन कली नेक्‍नीम। बुस्‍सुम ऊन ख्रोइश्‍शो खोदेंशो पा ख्रोइक्‍नीम। आं ग्राचा चहिं गेना हना यो लीशा बाक्‍ब। आं पाप रे प्रोंइतीके पाला पाला नेल्‍ल आन कली लीब” देंत।

यसैया 65:15

आं योव़शोपुकीमी सराप पची ना इन नें थीनीम। मिनु नोले गो परमप्रभु, परमप्रभु यावेमी इन कली साइक्‍नन्‍नी। तन्‍न आं गेय पाइब आन कली नक नें वोइक्‍नुङमी। यसैया ६२:२

यसैया 66:16

मारदे हना परमप्रभु यावेमी मीमी निसाफ पाइब। मुर नेल्‍ल आन कली आ तरवारम निसाफ पाइब। मिनु परमप्रभु यावेमी मोपा साइश्‍शो शुश दुम्‍‍नीम।

दानीएल 12:2

मिनु खपीमी बेक्‍शा इप्‍शो नेल्‍ल बोक्‍नीम। का निक्‍शी गेना हना यो ब्रोंइ‌चा कली बोक्‍नीम। का निक्‍शी चहिं गेना हना यो शुश मुने दोक्‍चा कली बोक्‍नीम। यूहन्‍ना ५:२९

जकरिया 14:12

परमप्रभु यावेमी यरूसलेम कली लडाइ तोइब आन कली मार बेक्‍तीक रोइ पपाइक्‍ब देंशा हना, मुर गाक्‍ना गाक्‍ना आन श्‍ये राक्‍तीके, आन मिक्‍च आन बाक्‍तीकेम राक्‍तीके नु आन लें आन शोव़मी राक्‍तीके रोइ पपाइक्‍ब।

मत्ती 3:12

आ गुइमी ग्‍योल बाक्‍ब। मेकोमी लाङगामी हाम्‍शो चेरब हुरशा, भूस नु गेडा तिल्‍ब। गेडा कोठोमी कुर पा वोइक्‍ब। भूस चहिं गेनायो मकाप्‍ब मीमी चोइब” दे माइक्‍मी बाक्‍त। मत्ती १३:३०

प्रकाश 21:8

तन्‍न मुर तशा हिंबपुकी, परमप्रभु यावे कली थमा मसुइक्‍बपुकी, पापमी ग्रुम्‍शोपुकी, मुर आन कली साइक्‍बपुकी, तेल्‍लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्‍ल गन्‍धक रे हुरुर पा ब्रशो मीमी हुम्‍चा पुंइसीनीम। मिनु मेको नोले ङा बेक्‍तीक बाक्‍ब” दे माइक्‍ती।