यसैया 66:22 - Sunuwar Bible

²² मिनु “दोपा आं सेल्‍शो नक सरीङ नु नक रागी आं ङोंइती गेना हना यो बाक्‍बा, मोपा इन नें नु इन चच युइ आन नें गेना हना यो लीनीम। यसैया ६५:१७

यसैया 66:22 ပူးပေါင်းရင်းမြစ်များ

यसैया 48:19

मिनु इन आल समुन्‍द्र ङा बाल्‍वा खोदेंशो पा शुश दुम वा। मिनु इन चच युइ अन्‍न खोदेंशो पा शुश दुम वा। आन नें गेनायो मक्‍याम्‍स वा। मिनु आं ङोंइती रे खतम मदुम वा। उत्‍पत्ती २२:१७

यसैया 51:16

गो इ कली आं लोव़ पपाइक्‍ता। गो इ कली आं गुइ ङा वांकुमी सुम्‍शा वोइक्‍तन। सरीङ प्राक्‍ब नु रागी आ जग वोइक्‍ब गो नङ। मिनु सियोन कली ‘गे आं मुर बाक्‍नीनी’ देंशो बाक्‍नुङ” देंत।

यसैया 53:10

परमप्रभु यावेमी मेको कली मोदेंशो पा तुप्‍शा, श्‍येत गेचा दाक्‍ताक्‍व। मेकोमी आ रां पाप क्‍याम्‍चा कली चढ़ेप्‍तु। मो हना यो मेको कली आ आल खोदेंशो शुश थमा सुइक्‍ब आन कली ताइब। मिनु शुश नाक्‍त सम्‍म ब्रोंइब। मेको आ पतीके नेल्‍ल परमप्रभु यावे आ दाक्‍शो गेय दुम्‍ब। लेवी ५:१५; मत्ती २०:२८; भजन संग्रह २०:३१

यसैया 56:5

गो मेको आन कली आं खिंमी नु आ गारोमी मिम्‍तीके नु ठेयब नें गेनुङमी। आं तमी तौ आन क्‍येङा मेको आन कली रिम्‍शो नें गेनुङमी। मेको आन कली गेना हना यो लीब नें गेनुङमी। मेको आन नें मख्रोंइसीब दुम्‍ब।

यसैया 59:21

“गो नु पशो कबल मार बाक्‍त देंशा हना, आं सोक्‍त इन तार बाक्‍ब। गो आं लोव़ इन शोव़म कुर पाता। मेकेर गेना हना यो बाक्‍शा इन आलपुकीम मेको लोव़ पना पन बाक्‍नीमी। मेको लोव़ गेना हना यो इन चच युइम यो पना पन बाक्‍नीम” दे परमप्रभु यावेमी देंत। येरमीया १:९

यसैया 61:8

गो, परमप्रभु यावेमी, ठीक पतीके दाक्‍नुङ। रोइक्‍तीक नु हेंथे पतीक गेय काइ मदाक्‍नुङ। गो मेको आन कली थमा पा आन पशो खोदेंशो पा गेनुङमी। गो मेकोपुकी नु गेना हना यो लीब कबल पाइनुङ। यसैया ५४:१०; यसैया ५५:३

यसैया 61:9

मिनु रागी रागी ङा मुरुम मेको आन चच युइ आन कली तुइक्‍नीम। मिनु जात जात ङा मुरुम मेको आन आल आन कली तुइक्‍नीम। मेको आन कली ताइब नेल्‍लेमी ‘मेरे परमप्रभु यावे रे पा आसीक तशो मुर बाक्‍नीम’ देंनीम।

यसैया 65:17

मिनु गो नक सरीङ नु नक रागी सेल्‍नुङ। ङोंइती ङा नेल्‍ल प्रेंशा, लेंशा मारेइ ममिम्‍सीब। यसैया ६६:२२; २पत्रुस ३:१३; प्रकाश २१:१

यसैया 65:22

आंम आन सेल्‍शो खिंमी अरु मबाक्‍नीम। आन ख्रुम्‍शो अङगुर अरुम मब्‍वाइनीम। आं मुरपुकी रवा खोदेंशो पा शुश बर्स ब्रोंइनीम। आं योव़शो मुरपुकीम आंम आन गुइ ङा गेय ग्‍येरशा जाइनीम। ब्‍यवस्‍था २८:३०; अय्‍युब १४:७

यसैया 65:23

मेकोपुकीमी मोशा गेय मपाइनीम। श्‍येत जपाइक्‍चा कली आल मथीनीम। मारदे हना मेकोपुकी परमप्रभु यावे आ आसीक ताइब आन आल बाक्‍नीम। मिनु आन आल मेको नु बाक्‍नीम।

येरमीया 33:20

मार, लोव़ पाप्‍तु देंशा हना “गेपुकीमी गो नु नाक्‍दो पशो कबल नु नाक्‍त पशो कबल क्‍याम्‍ने चाप्‍तीनी हना, नाक्‍दो नु नाक्‍ती आं देंशो ना मदुम्‍तेक्‍म हना, येरमीया ३१:३५-३६; उत्‍पत्ती ८:२२

येरमीया 33:21

ला आं गेय पाइब दाऊद नु आ तौ का पिप दुम्‍ब, देंशो कबल क्‍याम्‍ने चाप्‍नीनी। मिनु गो आं लेवी थर ङा मुर चढ़ेब नु पशो कबल यो क्‍याम्‍ने चाप्‍नीनी। गन्‍ती २५:१२-१३; हिब्रू ९:११-१४

सेफन्‍याह 3:20

मेना गो इन कली खुप्‍शा चाक्‍नन्‍नी। मारदे हना गो इन कली रागी नेल्‍ल ङा मुर आन दातेमी ठेयब सेल्‍शा, मान ताइब सेल्‍नन्‍नी। मिनु गो नेल्‍ल आन तचा ङा पा इन कली ङोंइती खोदेंशो पा रिम्‍शो पा बाक्‍चा गेनन्‍नी” दे परमप्रभु यावेमी देंत। सेफन्‍याह २:७; येरमीया २९:१४

मत्ती 28:20

मिनु गोमी इन कली मार मार शेंदन्‍नी, मेको नेल्‍ल मेको आन कली शेंशा पपतीने। नेनीने, रागी मनुप्‍ची सम्‍म गो गेनायो गेपुक नु बाक्‍नुङ” देंत। मत्ती १६:२०

२ पत्रुस 3:13

तन्‍न आ ङोंइती देंशो “नक सरीङ नु नक रागी सेल्‍नुङ। मेकेर नेल्‍ल रिम्‍शो नु ठीक ला पाइनीम” देंशो लोव़ रिम्‍नय। यसैया ६५:१७; प्रकाश २१:१; प्रकाश २१:२७

प्रकाश 21:1

नोले गो नक सरीङ नु नक रागी ताता। ङोंइती ङा सरीङ, ङोंइती ङा रागी नु समुन्‍द्र जाम्‍तेक्‍म। यसैया ६५:१७; २पत्रुस ३:१३